Heildsalastjórn í burðarliðnum?

Nú ættu innflutningaðilar að kætast. Helstu talsmenn óhefts innflutnings og afnám tolla koma saman með Sjálfstæðisflokknum. Þetta minnir á Viðreisnarstjórnina á 7. áratug síðustu aldar sem þjónaði heildsölunum á kostnað innlendrar framleiðslu og lagði heilu iðnaðarframleiðslugreinarnar í rúst.

Enda er nú svo komið að Samfylkingin er orðin að engu, og þar með hinn gamli krataflokkur sem var í Viðreisnarstjórninni með íhaldinu, og komnir tveir litlir hægrikrataflokkar í staðinn. Annar heitir hinu táknræna nafni Viðreisn og hinn er enn grímulausari í þjónkun sinni við kapitalið: Björt framtíð.

Annars er forvitnilegt að rifja upp nýleg ummæli Benedikts Jóhannessonar Zoëga um Sjálfstæðisflokkinn. Þetta er t.d. lýsing hans á fráfarandi ríkisstjórn Framsóknar og Sjálfstæðisflokks: "Langt er síðan á Íslandi hefur verið ríkisstjórn sem berst jafn kinn­roðalaust fyrir sérhagsmunum eins og sú sem nú er við völd."

Og svo þetta: "loforð ríkisstjórnarflokkanna um þjóðaratkvæðagreiðslu um áframhald viðræðna við Evrópusambandið líklega vera stærstu svik íslenskra stjórnmálaflokka á síðari tímum."

Stór orð þetta. Ef Sjálfstæðisflokkurinn ætlar í samstarf við þessa tvo ESB flokka verður hann að gjörbreyta um kúrs og fara að opna fyrir hugsanlega ESB-aðild.
Er hann virkilega tilbúinn til þess?

Ræddi við Bjarta framtíð og Viðreisn

Skrítin fyrirsögn

Fyrirsögnin "Merkja brýrnar betur" lýsir nú innihaldi fréttarinnar illa. Vítavert gáleysi væri betri lýsing enda var ökumaður jeppans á 124 km hraða yfir einbreiða brú.

Fróðlegt væri einnig að vita hvert framhaldið er, hvort ökumaðurinn verði ákærður fyrir manndráp af gáleysi eða eitthvað þessháttar sem virðist liggja beint við. 

Ákært hefur verið út af mun minni sökum. 

Olli banaslysi á 124 km hraða

Yfir 90 "njósnarar" á leikum!

Í fjölmiðlum ytra hefur komið fram að yfir 90 "njósnarar", margir frá stærstu félagsliðum í Evrópu, hafi verið á leik Gautaborgar og AIK í kvöld.

Að vísu komu þeir ekki aðallega til að sjá Elías spila heldur hinn 17 ára gamla framherja AIK, Alexander Isak, sem er eitthvað mesta efni sem komið hefur fram í Svíþjóð síðan Zlatan gamli var og hét.
Isak var ekki áberandi í leiknum en Elías var það svo sannarlega.
Það væri gaman að sjá hann í landsliðshópnum gegn Króötum en Elías var yfirburðamaður með 21 árs liði Íslands í leiknum örlagaríka gegn Úkraínu um daginn.

Og svo eru jú báðir framherjarnir okkar meiddir, þeir Kolbeinn og Alfreð ...

Markið hjá Elíasi Má (myndskeið)

Úlfarnir töpuðu ...

Wolves tapaði leiknum 0-1 gegn Leeds, unnu ekki eins og stendur í fréttinni.

Aron skoraði í sigri Cardiff

Eða kannski krati?:

Framsóknarmaður í fyrsta sæti?

Er þetta ekki örugglega Framsóknarmaður?:

 

BF kynnir lista Norðvesturkjördæmis

Slakt íslenskt lið!

Það er ótrúlegt að þetta íslenska lið hafi komist svo langt að vera í möguleikanum til að komast í úrslit EM á næsta ári. Liðið vantar nefnilega stórlega gæði til að eiga eitthvað erindi í úrslitin. Talað var um að heppnin hafi svo sannarlega verið með íslenska liðinu í fyrri leiknum gegn Úkraínu, því það sást glöggt í leiknum að úkraínska liðið er mun betra en það íslenska.
Ljóst er að íslensku leikmennirnir þurfa að komast út til að eiga roð við bestu liðin. Þó ollu sumir þeir sem spila erlendis vonbrigðum svo sem Aron Elís. Hann á greinilega langt í land að ná alþjóðlegum styrkleika.
Einnig var Rúnar Alexander markmaður slakur í leiknum og átti alla sök á jöfnunarmarki Úkraínu (1-1), sem kom þeim inn í leikinn eftir góðan hálfleik hjá íslenska liðinu.

EM draumurinn er úti

Ætli Svandís sé búin að gleyma aðkomu Katrínar að skúffufyrirtækinu Magma?

Það mætti alveg rifja upp deilur Svandísar og Katrínar um sölu Geysir Green Energy á hlut sínum í HS Orku og aðkomu skúffufyrirtækisins Magma í þeim kaupum - sem og að HS Orka hefur aldrei greitt tekjuskatt hér á landi - ekki frekar en Alcoa.

Um tengsl iðnaðarráðuneytisins og skúffufyrirtækisins Magma má lesa hér:
http://www.ruv.is/frett/segir-idnadarraduneytid-hafa-leidbeint-skuffufyrirtaeki

Umhverfisráðherra, Svandís Svararsdóttir, sagði tíðindin grafalvarleg og vildi að kaupum Magma á HS Orku yrrði rift.

Katrín Júl. svaraði þessu hér:
http://www.mbl.is/frettir/forsida/2010/07/11/veitti_magma_ekki_radgjof/

 

Féllust í faðma í þinginu

Hver er þessi Björn Bergmann?

Hann hefur ekki sést í leiknum. Frammistaða íslenska landsliðsins í fyrri hálfleik gegn slöku liði Finna er ekkert til að hrópa húrra fyrir.

Þessi leikur er í raun frumraun Heimis Hallgrímssonar landsliðsþjálfara. Sigur er krafan. Til þess þarf að skora mörk. Útaf með Björn þennan og inná með Viðar Örn Kjartansson sem enn er markahæsti leikmaður sænsku úrvalsdeildarinnar með 13 mörk í 16 leikjum þó svo að hann sé ekki lengur að spila þar í landi.

Hann hefur gert fjögur mörk með Tel Aviv í fjórum leikjum, þar af eitt í Evrópudeildinni.
Heimir getur bætt fyrir mistök sín að velja hann ekki í byrjunarliðið með því að láta hann byrja seinni hálfleikinn.

Hádramatískur sigur á Finnum

Hvers á Viðar Örn að gjalda?

Þetta er nú alveg ótrúlegt val, Björn Bergmann Sigurðarson valinn en ekki Viðar Örn Kjartansson!
Þar gerði Heimir Hallgrímsson sín fyrstu mistök sem landsliðsþjálfari og ansi líklegt að þau verði fleiri áður en hann fær pokann sinn.
Hér er smá tölfræði til samanburðar á þessum tveimur mönnum.

Fyrst Viðar Örn: Maccabi Tel Aviv keypti hann á 3,5 milljónir evra (um 500 milljónir íslenskra) sem er hærra verð en Kolbeinn og Jóhann Berg voru nýlega seldir á.

Hann hefur gert fjögur mörk í fjórum leikum með liðinu, þar af eitt í Evrópudeildinni. Með Malmö gerði hann 13 mörk í 16 leikjum!

Björn Bergmann: 2 mörk í fimm leikjum með Molde. Hann var svo ónotaður varamaður í þremur leikjum og ekki í hópnum einu sinni.

Svo segir Heimir að Björn hafi staðið sig best framherjanna undanfarið og að hann hafi verið sá fyrsti af þeim sem Heimir hafi haft samband við!

 

Björn Bergmann og Ögmundur byrja