Ekki bara fótboltakanallinn ...

Það er ekki aðeins fotbollskanalen sem er með þessa frétt, heldur segir fótboltasérfræðingur stærsta Malmöblaðsins, Sydsvenskan, nákvæmlega sama. http://blogg.sydsvenskan.se/wiman/2016/08/30/nagot-mer-maste-ligga-bakom-den-har-affaren-eller/

Að vísu er þessi skríbent þekktur fyrir neikvæði um lið Malmö. Í lýsingum hans á leikjum liðsins hefur hann verið mjög neikvæður alla tíð, þrátt fyrir sigurgöngu liðsins, og til að byrja með sérstaklega neikvæður í garð Viðars (og svo sem Kára allan tímann).

Reyndar er lítið að marka orð hans, sérstaklega þetta um að Viðar hafi verið óvinsæll innan liðsins, og að það hafi verið ein ástæðan fyrir því að hann vildi fara.

Miklu frekar má líta svo á að neikvæð umfjöllun þessa sama manns í garð Viðars hafi gert það að verkum að hann missti ánægjuna við að leika fyrir liðið og vildi því halda á braut.

Annars er nokkuð skrítið að sjá Svíana skrifa um að verðið fyrir Viðar hafi ekki verið hátt. Leikmenn í Skandinavíu eru nú yfirleitt ekki seldir fyrir svona háa upphæð, 3,5 milljónir evra. Til samanburðar má nefna að maður eins og Kolbeinn Sigþórsson var seldur frá stórliði Ajax fyrir lægri upphæð eða 3 milljónir evra.

Já, Skánverjarnir eru skrítinn þjóðflokkur og leiðinda stemmning hefur skapast kringum Malmö-liðið eftir að það varð meistari í fyrra.

Kári ósammála sænsku pressunni

Stuðningsmenn MFF ekki hrifnir!

Stuðningsmenn Malmö FF er ekki sérstaklega hrifnir yfir því að Viðar Örn hafi verið seldur. Nú óttast þeir að gullið renni þeim úr greipum og svo finnst þeim verðið lágt (um 450 milljónir króna eða 3,5 milljónir evra!). Þeir gagnrýna stjórnendur félagsins harðlega fyrir söluna - og sumir Viðar reyndar einnig fyrir að vilja burtu.

Ljóst er af þessu að hann nýtur mikils álits í Malmö sem knattspyrnumaður enda ekki að ástæðulausu sem markakóngur deildarinnar.

 

Viðar Örn samdi til fjögurra ára

Dýrari en Kolbeinn og Jóhann Berg!

Þetta verð á Viðari er hærra en Nantes keypti Kolbein Sigþórsson, sem var 3 milljónir evra, og einni milljón evra hærra en Burnley keypti Jóhann Berg Guðmundsson á. Einnig mun þetta vera hærra verð en það sem Wolves keypti Jón Daða Böðvarsson á, jafnvel mun hærra.

Þetta sýnir álitið sem Viðar nýtur ytra en eins og kunnugt er naut hann ekki þessa sama álits hjá Lars nokkrum Lagerbäck sællar minningar! 

Samkvæmt þessu ætti Viðar að vera í byrjunarliði Íslands úti í Úkraínu eftir eina viku.

Viðar Örn á leið til Ísraels?

Með um 220 milljónir í laun á ári

Sumum finnst etv. upphæðin sem Ragnar fór á, hafi verið frekar lág, eða sama upphæð og þegar FCK seldi hann til Krasnodar - og það þrátt fyrir frábært EM-mót í sumar.
Það kemur þó í raun Ragnari ekkert við því málið fyrir hann eru launin sem hann fær. 223 milljónir á ári fær hann sem gerir næstu 20 milljón króna laun á mánuði. 
Þetta gerir hann einnig að launahæsta leikmanni Fulham:
http://www.gp.se/sport/fotboll/avsl%C3%B6jar-sigurdssons-miljonklipp-b%C3%A4st-betald-i-fulham-1.3722782

Þetta gerir hann sömuleiðis að næstlaunahæsta knattspyrnumanni íslenskum. Aðeins Gylfi Sigurðsson er með hærri laun.

 

Fulham er fullkominn staður fyrir mig

Bjarki Bjarna búinn að kynna sér málið betur?

Mikil umræða hefur verið meðal Vinstri grænna um aðkomu borgarfulltrúa VG að þessu máli en kjósendur flokksins eru flestir á móti þessum samningum (enda glórulausir). Borgarfulltrúinn, Bjarki Bjarnason, sagðist hafa skrifað undir samninginn með fyrirvara en hefði líklega ekki gert það ef hann hefði skoðað málið betur. 

Nú hins vegar heyrist enginn fyrirvari frá honum vegna samþykktarinnar, svo maðurinn hlýtur að hafa kynnt sér málið betur og þetta er niðurstaðan!

VG virðist haga sér eins í Mosó og hún gerir hér í borginni. Styður einkakapitalismann og byggingarverktakana á fullu og er einstaklega gjafmild í þeirra garð.

Kominn tími til að stofna íbúðahreyfinbgu hér í borginni rétt eins og þeir gera í Mosó?

Deilur um einkasjúkrahúsið

10 kílómetra sund?

Og ansi hafa þær verið fljótar að synda þessa tíu kílómetra, ekki tvær mínútur?!

Sundkona svipt silfurverðlaunum

Hvar er alþjóðasamfélagið?

Er ekki kominn tími til þess að stöðva þessar hörmingar - og þetta vígbúnaðarkapphlaup í heiminum sem hefur staðið allt of lengi?

Í þessu heimsvaldatafli er verið að tefla um milljónir mannslífa - og öllum er sama, eða hvað?

 

Svelta í hel á meðan barist er

Þeir hjá Gautaborg ánægðir!

Gautaborgarliðið er miklu betra lið en Vålerenga en getur samt notað Elías sem Oslóarliðið getur ekki!:

http://www.gp.se/sport/fotboll/isl%C3%A4ndskt-nyf%C3%B6rv%C3%A4rv-till-bl%C3%A5vitt-1.3552900

Held að það segi meira en mörg orð um hinn hrokafulla þjálfara Vålerenga, Ketil Rekdal.

Elías Már lánaður til Gautaborgar

Kominn tími til að hætta einnig með landsliðinu?

Þetta ætti reyndar einnig að eiga við um landsliðið. Hætta vegna þess að hann er að taka stöðu frá öðrum sem eru að koma upp og eiga svo sannarlega að fá sjens með liðinu (sbr. frammistöðu Viðars Arnar með Malmö undanfarið) 

Eiður hættur hjá Molde

Geðþóttaforseti?

Já það virðast svo sannarlega vera komnir nýir tímar á Bessastöðum eða kannski réttara sagt að gamall draugur frá tíð Ásgeirs Ásgeirssonar sé að ganga aftur, þ.e. að forsetinn sé ekki flokkspólitískt hlutlaus hedur beitir embættinu fyrir ákveðna öfl og flokka í landinu.

Sbr.: "Hann segir að það sé forsetans að velja þann sem þykir líklegastur til að mynda stjórn - það þurfi ekki að vera leiðtogi stærsta flokksins né sigurvegari kosninganna."

Ætli hann hafi ekki bætt við: "Sagan segir" ... að það megi, og túlkar þannig söguna að eigin geðþótta eins og sagnfræðingum er svo tamt.
Mér sýnist forsetinn ætla að taka sér vald sem honum er ekki ætlað samkvæmt stjórnarskránni. Hann á að gæta hlutleysis og láta lýðræðið ráða gerðum sínum, úrslit alþingiskosninga, en ekki taka upp eins konar forsetaræði.

„Boðberi nýrra tíma“