"Hafnafirði"?

Er ekki lágmarkskrafa að blaðamaðurinn kunni að skrifa nafnið á næststærsta bæ landsins?

Rósa Björk í efsta sæti í Suðvestur

Hræsnin í Kananum

Eins og kemur fram í þessari frétt hafa meira að segja Sameinuðu þjóðirnar staðfest að engin loftárás hafi verið gerð á bílalestina heldur hafi árásin verið gerð af jörðu niðri. Samt heldur Kaninn áfram að saka Rússa og sýrlenska stjórnarherinn um að hafa gert loftárás á bílana.

Þetta er greinilega yfirklór til að dreyfa athyglinni frá þeirra eigin loftárás á herstöð sýrlenska stjórnarhersins, sem Danir og Bretar tóku þátt.

Sú árás er auðvitað ekkert annað en hryðjuverk því fyrir það fyrsta var þá vopnahlé í gildi sem báðir aðilar höfðu samþykkt og lofað að virða - og að auki er ekkert stríð í gangi milli Bandaríkjanna, Breta og Dana annars vegar og Sýrlands hins vegar. 
Afsakanir Kanans vegna þeirrar árásar er auðvitað hlægileg og lítt trúanlegt: "Þetta var óvart". Minnir óneitanlega á kvæðið, Slysaskot í Palestínu.

Ekki er ólíklegt að hinar viljugu þjóðir Vesturlanda noti þessa uppákomu til að ráðast inn í Sýrland til að fella stjórnina þar. Hollande Frakklandsforseti er að minnsta kosti að hvetja til þess. 

Já, mikill er friðarvilji - og friðsemd - okkar hinna kristnu hér í vestrinu. Hér er greinilega nútíma krossferð í gangi, nútíma trúarbragðastríð. 

Saka Rússa um árásina

Samt skal niðurdælingunni haldið áfram!

Þrátt fyrir þessa niðurstöðu hefur verið ákveðið að halda niðurdælingunni áfram. Þetta kemur fram í frétt á RÚV:
http://www.ruv.is/frett/nidurdaeling-afram-med-obreyttu-snidi

Það fer að vera spurning hvort Orkuveita Reykjavíkur sé ekki skaðabótaskyld vegna áhrifa þessara jarðsjálfta á byggð, svo sem í Hveragerði.

Að auki er sú varúðarregla að láta náttúruna njóta vafans algjörlega hunsuð.

Ástæðan er eflaust sú að standa verður við skuldbindingar Orkuveitunnar um að selja stóriðjunni rafmagn (á spottprís auðvitað og láta almenning borga mismuninn) sem síðan fer með allan ágóðann úr landi.
Almenningur borgar þannig brúsann sem og náttúran, en elítan fer sínu fram. Á það annars ekki að heita svo að vinstri menn stjórni borginni - og einn flokkurinn segir vera grænn?

Skjálftar tengjast niðurdælingu

"hunsaði"?

Þetta er svei mér hlutdræg frétt - og yfirskrift á frétt. Eðlilegra hefði verið að segja að ráðherra hafi farið eftir ráðleggingu Náttúrufræðistofnun en ekki Umhverfisstofnunar, það væri a.m.k. hlutlausari fréttaflutningur.

Líklega er blaðamaðurinn sem skrifar þessa frétt félagi í Skotvís og hafði hugsað sér gott til glóðarinnar að fá að dunda sér við að salla niður næstum ófleygar rjúpur langt fram eftir hausti.

Frekjan í þessum skotveiðimönnum er nær algjör. Vitað er að rjúpnastofninn er í sögulegu lágmarki og því sjálfsagt að takmarka veiðar sem mest. Sumir hafa viljað algjört rjúpnaveiðibann en ráðherrann hefur valið að leyfa takmarkaðar veiðar, láta rjúpuna njóta vafans að nokkru leyti. 

Ekki óvitlaus ákvörðun það.

Ráðherra hunsaði ráð UST

"Let him deny it"

Össur neitar auðvitað öllu og lætur sem það sé hið eðlilegasta mál að senda beiðni úr utanríkisráðuneytinu, með undirskrift ráðherrans, til innflytjenda um að kjósa sig í prófkjöri.

Sami leikurinn virðist einnig vera leikinn af Össuri í prófkjöri Samfylkingarinnar sem stendur yfir þessa helgi. Góður árangur Össurs í prófkjörinu, með svona vinnubrögðum, er vísasti vegurinn til þass að Samfylkingin beri enn stærra afhroð í komandi kosningum en skoðanakannanir gefa til kynna. Össuri er hins vegar auðvitað alveg sama. Hann hugsar bara um sitt skinn, þ.e. að skríða inn á þing og njóta bitlinga þess enn eitt kjörtímabilið, skítt með flokkinn (kannski spilltasti stjórnmálamaðurinn okkar í dag?):

http://stundin.is/frett/studningsmenn-ossurar-sakadir-um-ad-smala-nybuum-f/

http://stundin.is/frett/profkjor-hja-samfylkingunni-annad-hundrad-innflytj/

 

 

„Fráleitar getsakir“