Nú flytur hún inn chiafræ?

Skrítin þessi viðbrögð. Sýnt var fram á að flottræfilshátturinn og snobbið sem viðgengst í hinu svokölluðu heilsu- og hollustufæði hér á Vesturlöndum er ekkert nema peningaplokk eða gæluverkefni hinna ríku.
Þetta heilsufæði er flutt heimsálfa á milli með ærnum tilkostnaði og mengun en þeir í þriðja heiminum sem rækta það fá lítið sem ekkert af ágóðanum í sinn hlut.

Þáttarstjórnandinn keypti vörur fyrir 36 pund en samsvarandi vörur fyrir 6 pund voru jafn hollar!

Ætli Þorbjörg þessi sé í innflutningi?

Þorbjörg óánægð með heilsuþáttinn á RÚV

Allt má nú nafn gefa til að réttlæta illvirki

Það hlýtur að vera kominn tími til fyrir fjölmiðla að hætta að nota hugtök eins og hryðjuverkamenn yfir samtök sem Bandaríkjamönnum og vinum þeirra er í nöp við (og telja að standi gegn hagsmunum sínum).
Sérstaklega nú þegar ruglaður fasisti er orðinn forseti í þessu öflugasta herveldi heims.

Hvað Jemen varðar þá eru þessir svokölluðu al-Daeda menn einfaldlega ákveðnir ættflokkar í landinu sem voru í baráttu við fyrri yfirvöld í Jemen sem Bandaríkjamenn studdu.
Þau hafa hröklast frá en ennþá er verið að ráðast á þessa ættflokka undir því yfirskyni að þeir séu hryðjuverkamenn.

Fyrstu dagar Trumps í embætti eru þannig að allt bendir til að hann verði enn verri en svartsýnustu menn óttuðust. Fréttir sem á einhvern hátt styðja aðgerðir hans, "við munum útrýma óvinum okkar", hljóta að teljast vera stuðningur við framferði hans.

Varla vill Morgunblaðið fá þann stimpil á sig þó svo að fréttastofa útvarps virðist ekki hafa neitt við slíkt að athuga.

Sérsveitarmenn réðust á liðsmenn al-Qaeda

Varla til Rotherham!

Kári fer nú varla aftur til Rotherham því það er langneðst í ensku b-deildinni og fellur nær örugglega. Þó er ekki margir góðir kostir í boði fyrir 34 ára gamlan leikmanninn!

Það fer að vera spurning hvort landsliðið sé ekki í djúpri niðursveiflu. Lykilmenn að spila lítið, í lélegum deildum, meiddir eða án félagsliða.

Í b-deildinni er aðeins Aron Einar að spila reglulega og enginn þeirra þar í liðum sem eiga möguleika á að komast upp. Birkir Bjarna seldur þangað fyrir gjafprís.

Alfreð og Kolbeinn meiddir, Ari Freyr sömuleiðis osfrv.

Heimir landsliðsþjálfari hlýtur að vera áhyggjufullur þessa daganna. 

Kári sagður búinn að kveðja Malmö

Útsöluverð!

Skrítið að Birkir fari ekki á hærri upphæð. Í fyrra, þegar hann var orðaður við annað félag, átti hann að kosta 8 milljónir evra en nú fer hann á undir 2 milljónir evra.

Þessi upphæð er lægri en t.d. Arnór Ingvi Traustason fór á (til Rapid Wien) sem var 280 milljónir kr. 

Ragnar Sigurðsson var seldur til Fulham (til að verma bekkinn þar) fyrir 4 milljónir evra.

Dálaglegt fall í verðgildi þetta!

Birkir orðinn leikmaður Villa

Stefnir í bust í seinni hálfleik

Guðjón Valur hefur ekki skorað eitt einasta mark í leiknum og varla hreyft sig úr horninu en spilar enn. 

Er ekki kominn tími til að taka hann útaf og leyfa Bjarka Má að spreyta sig - sem er orðinn miklu betri en Guðjón?

Ísland úr leik

Guðjón Valur að klikka!

Þetta er alveg rétt hjá gömlu stórskyttunni dönsku. Guðjón Valur er að klikka úr alltof mörgum færum. Fyrst gegn Spánverjum, síðan gegn Túnis og nú í fyrri hálfleiknum gegn Angóla (þó hann hafi skorað mikið þá). Segja má að Guðjón hafi verið stóri sökudólgurinn í leiknum gegn Túnis, þ.e. að hann vannst ekki.

Bjarki Már Elísson nýtir færi sín miklu betur og átti stórleik gegn Slóvenum - en fékk svo ekkert að spila í næsta leik!

Það er geinilega kominn tími til að treysta á Birki Má í þessari stöðu - og hvíla Guðjón Val.

Hvort þjálfarinn þorir það er svo annað mál ...

Í hláturskasti vegna Guðjóns Vals

Djöfull er þessi Logi leiðinlegur!

Ég skil ekki af hverju þessi súri, neikvæði gaur, Logi hauslausi, skuli vera fenginn í stúdíó til að setja út á allt og alla. 

Er ekki kominn tími til að gefa honum frí það sem eftir er - og losa sjónvarpsáhorfendur við þennan fýlupúka?

 

Fyrsta stigið á HM

Er Aron meiddur eða ekki?

Fréttir af meintum meiðslum Arons Pálmarsonar eru nokkuð furðulegar, sérstaklega í ljósi þess hve Geir Sveinsson var fúll í viðtali í sjónvarpinu um daginn um "meiðslin". Maður fékk það á tilfinninguna að þau væru lítilsháttar og að Aron gerði meira úr þeim en ástæða væri til. Þetta þýðir þá væntanlega að hann tekur félagslið sitt og sinn eigin atvinnumannaferil fram fyrir landsliðið.

Annars er hópurinn ansi slakur, á pappírnum í það minnsta. Í skyttunni vinstra megin er aðeins Ólafur Guðmunds sem eitthvað kveður að. Ekkert hefur heyrst af Tandra undanfarið svo það er spurning hvort hann hafi eitthvað erindi á HM. Svo er Guðmundur Hólmar auðvitað valinn í liðið sem varnarmaður en ekki til að nota í sókninni.
Þá er aðeins einn leikmaður í hægra horninu, sem hlýtur að vera meira en lítið hæpið í ljósi þess að Ásgeir Örn hefur verið meiddur, og hæpið að treysta um of á hann í horninu eða fyrir utan.

Það er því ekkert skrítið að hætt hafi verið við hópferðina á HM vegna ónógrar þátttöku. Áhugi handboltaáhugamanna fyrir landsliðinu er í algjöru lágmarki. Ekki aðeins vegna þess hve leikmannahópurinn er slappur heldur einnig vegna afhroðsins á HM 2015 og svo sem einnig á EM í fyrra.

Aron fer ekki til Danmerkur

Ódulbúin bjórauglýsing?

Það hefur áður verið sektað fyrir bjórauglýsingar en þá auglýsti bjórframleiðandinn sjálfur. Nú er það Mogginn sem auglýsir fyrir vini sína hjá Vífilfelli og spurning hvort ekki eigi að sekta blaðið, frekar en framleiðandann, fyrir auglýsinguna:

http://www.visir.is/sektadur-fyrir-bjorauglysingar-i-timariti/article/2008543244983

 

Stórlækka verð á jólabjór

Skrítið að segja sig úr flokknum!

Þessi skýring fyrrum þingmanna Bjartrar framtíðar, sem mér skilst að hafa bæði komið úr Samfylkingunni, heldur auðvitað ekki vatni.
Þú segir þig ekki úr flokki nema vegna óánægju með hann. Fólk þarf ekki að segja skilið við flokkinn sinn þó það geti ekki lengur gengt trúnaðarstörfum fyrir hann.
Því er óhætt að fullyrða að úrsögnin sé vegna hægri vendingar flokksins undir stjórn Óttars Proppé.

Brynhildur og Róbert hætt í BF