Þetta stenst auðvitað ekki!

Neðsta liðið, sem nú er Esbjerg, fellur beint í b-deildina þannig að fallslagurinn er ekkert að byrja, honum er að ljúka (enda aðeins ein umferð eftir)! Esbjerg verður að vinna síðasta leik til að bjarga sér frá falli. Liðið hefði helst átt að vinna útileikinn við Randers, sem var að ljúka, til að eiga möguleika (og fyrirliðinn Guðl. Victor ekki með!) en náði aðeins jafntefli.

Hér liggur eitthvað annað að baki.

Guðlagur Victor hvíldur í síðustu leikjunum

Fjármálaráð eða nýfrjálshyggjuráð?

Þetta er skrítinn hópur sem í nafni fræðimennsku leggur fram álitsgerð sem hinn versti fnykur nýfrjálshyggjunnar er af.
Þessi álitsgerð lyktar eins og það sem Viðskiptaráð sendi frá sé í aðdraganda Hrunsins: Aukum einkaneysluna en drögum úr samneyslunni og velferðarkerfinu með því að minnka útgjöld ríkisins til þessara mála.

Og þetta er eins og sérpantað af ferðaþjónustunni. Það má ekki skattleggja hana eins og aðrar greinar því það ógnar stöðugleika!

En kannski eru þetta aðeins viðbrögð fjármagnsaflanna við harðorðri, og góðri, ályktun ASÍ sem fer í þveröfuga átt. 
Það eru átakatímar framundan.

Stíga laust á bensíngjöfina í stað þess að bremsa

Verri en Bush?

Þessi Tillerson virðist feta í fótspor Bush yngra en er líklega verri en hann, þar sem sá fyrrnefndi hefur vítin til að varast en Bush æddi út í fúafenið óvitandi hvað beið hans - og þeirra sem síðan hafa orðið fyrir barðinu á "hagsmunum" Bandaríkjamanna í hinum islamska heimshluta.

Áróðurinn er farinn að minna á slagorð Bush um öxulveldi hins illa. Nú eru aðeins tvö eftir (kannski þrjú með Sýrlandi) og um að gera að ganga til bols og höfuðs á þeim sem fyrst.

Þeir sem vonuðust til þess að Kaninn myndi láta af herskárri og ofbeldisfullri utanríkispólitík sinn með tilkomu Trupms í embætti, enda var það eitt af kosningarloforðum hans, eru nú illa sviknir.

Kominn er enn verri djöfull í embætti en Hillary hefði nokkurn tímann getað orðið.
Og til að blíðka hernaðariðnaðinn og heimsvaldasinnana heima fyrir, velur Trump algjöran hauk sem utanríkisráðherra - og sá launar vel valið!

Geti fetað í fótspor N-Kóreu

Aron Elís maður leiksins

Aron var valinn maður leiksins þrátt fyrir að hafa farið meiddur útaf um miðjan seinni hálfleikinn. Líklega tognaður aftan á læri sem ekki eru góðar fréttir fyrir hann né liðið.

Björn Bergmann fékk einnig mjög góða dóma fyrir sinn leik.

Framtíða senterar fyrir landsliðið?

Björn og Daníel skoruðu báðir

MOAB

Já mikil er hrifning vestrænna fjölmiðla - og meðvirknin með Kananum mikil. Árásin réttlætt með því að þetta sé árás á hryðjuverkasamtökin IS(IS).

Kannski er þetta undanfari þess að Bandaríkjamenn, undir stjórn populistans Trumps, fari aftur að nota kjarnorkuvopn. Þessi sprengja er nefnilega jafngildi einnar slíkrar og ein af mörgum sprengjum sem Kaninn notar sem er með úraníum-oddi, og er þannig geislavirk.

Þá er heitið Moab táknrænt fyrir trúarlega undirtón í aðgerðum Bandaríkjahers í Miðausturlönd, þ.e. í íslömsku ríkunum.

Moab var nefnilega eitt af vondu ríkjunum í Gamla testamentinu - og því réttmætt í alla staða að drepa þá og þjaka á allan hátt.

Og hægrisinnaðir og heittrúaðir Bandaríkjamenn tala um land sitt sem Guðs ríki á jörðu, hið nýja Ísrael - og þarf reyndar ekki hægrisinnaða Kana til.

Krossferðin gegn islam heldur áfram af fullum krafti - og er réttlætt í þetta sinn með því að vera stríð gegn hryðjuverkum. 

Vörpuðu „móður allra sprengja“

Tökum upp evru og seljum flugvellina okkar!

Þarna er ESB lifandi komið. Stofnun sem rekur miskunnarlausa einkavæðingarpólitík og kúgar meðlimslöndin til að gera slíkt hið sama.

Þetta vilja þrír íslenskir stjórnmálaflokkar að gangi einnig yfir Ísland: Samfylkingin, sem enn þykist vera vinstri flokkur, Björt framtíð og Viðreisn.

Taka upp evruna og vera þrælbundin af henni, sama hvernig efnahagsaðstæður eru, og neyðast því fyrr eða síðar að leita á náðir ESB.
Afleiðingarnar verða auðvitað svipaðar. Keflavíkurflugvöllur seldur einhverju útlensku einkafyrirtæki, kvótinn gefinn öllum ESB þjóðum frjáls og landið þar með selt hæstbjóðenda.

Já, mikil framtíðarsýn það og góð! 

Grikkir selja fjórtán flugvelli

Trump hafði þá rétt fyrir sér!

... um hleranir en ekki er svo sem líklegt að Obama hafi leyft þær (reyndar ekki heldur ólíklegt).

Annars er fjaðrafokið og afneitanirnar vegna ásakana Trumps um njósnir á sér og sínu fólki mjög sérstakar. Stofnanir eins og FBI og NSA hafa staðfastlega neitað að hlera Trump og hans menn.
Fjölmiðlar hafa tekið fullan þátt í þessum afneitunum, þrátt fyrir að vitað er að þessar stofnanir hafi hlerað og þannig njósnað um milljónir manna um allan heim - m.a.s. forystumenn vinveittra ríkja eins og Merkel Þýskalandskanslara.
Já, mikil er trúgirni fjölmiðlanna - og áróðurinn yfirgengilegur gegn Rússum. Viss öfl á Vesturlöndum vilja greinilega stríð við Rússana, ekki bara ráðamenn heldur og einnig fjölmiðlar (og jafnvel almenningur sem er verið að spila með að venju).
Áróðurinn gegn Rússum hefur tekist það vel að m.a.s. Trump og hans menn eru farnir að koma með herskáar yfirlýsingar gagnvart Rússum - fyrst og fremst til að bjarga eigin skinni.

Hleruðu ráðgjafa Trumps

Vonandi ekki!

Eftir 4-0 tap gegn Hollandi skyldi maður vona að þessi leikur verði ekki mjög líkur leikjunum á HM.

Og vonandi fær Fanndís ekki að eyðileggja fleiri færi hjá íslenska liðinu.

„Þetta er og verður mjög líkt EM“

Arfaslakur fyrri hálfleikur!

Það er ljóst að landsliðsþjálfarinn er ekki að ná miklu út úr þessu liði. Kannski má segja að það sé þegar orðið of gamalt?

Margrét Lára er ekki svipur hjá sjón, Guðbjörg óörugg í markinu (missti tvo bolta út úr höndunum á sér í byrjun leiks) og Glódísi fer ekkert fram, frekar aftur þótt ung sé.

Íslenska liðið er slakt og það sem verra er. Á bekknum eru ekki margar sem geta bætt liðið.

Líklegast er þó að þjálfarinn sé vandamálið. Hann virðist ekki hafa neinar hugmyndir til að bæta liðið. Lítið um spil. Aðallega langar spyrnur fram og svo hlaupið. 
Þá hefur hann dálæti á röngum leikmönnum ...

 

Skellur gegn Hollendingum

Mikið er örlætið!

Hámarksgreiðsla 24.000 kr á mánuði! Og það eru fleiri gleðifréttir fyrir þá sem þurfa að leita á náðir sjúkrastofnana.
115 þúsund manns munu greiða meira fyrir þjónustuna! Lækkunin fyrir þeirra, sem hingað til hafa þurft að greiða mest, verður jöfnuð með meiri álögum á þá sem blessunarlega hafa sloppið að mestu við að þurfa á henni að halda!

 

Borga mest 24.600 á mánuði