Fimm miðverðir?

Þetta er svei mér þá varnarsinnað val! Varnarmaður (Jón Guðni) inn fyrir sóknarmann (Aron Sigurðar). Fimm miðverðir í liðinu (jafnvel sex!).

Ætli ætlunin sé að láta Gylfa vinna leikinn upp á sitt eindæmi (skora eitt mark snemma og pakka svo í vörn)?

Enn er Viðari Erni haldið fyrir utan landsliðið, sem og Matthíasi Vilhjálms, sem þó eru að spila í mjög sterkum liðum sem eru komin áfram í Evrópudeildinni (og fá þar með mikla reynslu á toppleveli).

Svo er t.d. aðeins einn hægri bakvörður valinn þrátt fyrir að Haukur Heiðar sé búinn að ná sér eftir meiðsli og farinn að spila reglulega með sterku liði AIK. 

Þá er Jón Daði valinn þó hann sé meiddur - og Birkir þó hann fái ekki góða dóma hjá Aston Villa.
Arnór Ingvi fær heldur ekkert að spila hjá AEK Aþenu og sömuleiðis Kári Árna hjá Aberdeen (og Raggi hjá Rubin Kazan).

Ljóst er að Heimir fetar dyggilega í fótspor Lagerbäcks og þorir ekki að breyta liðinu sem neinu nemur (eða kannski fær hann það ekki fyrir "stjörnunum", les klíkunni, í landsliðshópnum?). 
Spái tapi úti gegn slöku finnsku liði!

Landsliðið: Heimir gerir litlar breytingar

Undarleg fréttamennska þetta

Ætli íbúar í Raqqa séu ekki frekar að flýja loftárásir Bandaríkjamanna og bandamanna þeirra á borgina? Nýjasta fréttin, sem hefði verið eðlilegra að segja frá núna, er sú að 29 almennir borgarar voru drepnir í gær í loftárás Bandaríkjamanna á borgina, þar af 16 börn. Fjölmargir eru særðir eftir loftárásirnar þannig að mannfall óbreyttra borgara á eftir að fjölga umtalsvert.

http://www.ruv.is/frett/29-obreyttir-borgarar-fellu-i-arasum-a-raqqa

Svo mætti auðvitað bæta við að borgin er í rúst eftir þessarar lofárásir, rétt eins og Mósul í Írak og fleiri borgir þar í landi og í Sýrlandi, nýtískulegar jafnt sem fornar og meira og minna friðaðar borgir þar sem áður bjuggu hundruð þúsundir manna og sumstaðar yfir milljón manns.

Eyðileggingin og mannfall almennra borgara í stríðinu gegn "hryðjuverkum" er farin að líkjast hörmungunum í seinni heimstyrjöldinni - og þeim staðreyndum er vandlega haldið leyndum fyrir almenningi í dag, rétt eins og þá.

Flýja skelfinguna í Raqqa