Framlag til "varnarmála" aukið um 213 milljónir

Það er greinilegt að NATÓ-ríkin eru óðum að hervæðast - og auka fé til "varnarmála" og er Ísland þar á meðal.

Alls er yfir einn milljarður ætlaður í það sem kallast varnarmál á fjárlögum næsta árs. Það er aukning um a.m.k. 213 milljónir frá fyrra ári:

http://www.visir.is/varnarmalin-aftur-a-dagskra-/article/2015150908779

Og nú er farið að tala um að blessaður Kaninn muni koma aftur á Keflavíkurflugvöll, eins og segir í þessari frétt.

Því er ástæða til að rifja upp gamla lofsönginn um Kanann og amríska herinn á Íslandi. Sú gósentíð er sem sé líklega að koma aftur!:

LOFSÖNGUR

Á Íslandi þurfa menn aldrei að kvíða
Því illskæða hungri sem ríkir svo víða,
Því amríski herinn svo réttsýnn og rogginn
hann réttir oss vafalaust eitthvað í gogginn.
     Ó, hó það segir mogginn.

Hinn amríski stríðsguð hann stendur á verði,
Hann stuggar burt föntum með logandi sverði
Í Kóreu forðum tíð kom hann á friði
Og komma í Víetnam snýr hann úr liði.
     Ó, hó allur á iði.

....

Úr norðursjó rússneski flotinn, sá fjandi
með fjölskrúðugt njósnalið stefnir að landi
samt bjargast hinn íslenski alþýðumaður
því amríski herinn mun vernda hann glaður
     Ó, hó hann sé blessaður.

Er rússneskir dónar með rassaköst skeiða
Og ræna og drepa og nauðga og meiða,
þá bjargast hin íslenska alþýðupíka
því amríski herinn mun vernda hana líka
     Ó, hó aldrei að víkja.

Texti: Böðvar Guðmundsson

 

Bandaríkjaher skoðar mannvirki á Keflavíkurflugvelli