Aron Pálmarsson ofmetnasti íþróttamaður þjóðarinnar?

Það er ótrúlegt að horfa upp á þetta klúður hjá Aroni leik eftir leik, trekk í trekk! Hann fær algjört skotleyfi hjá þjálfaranum, skorar aðeins í örfá skipti, og er aldrei tekinn útaf þrátt fyrir allt klúðrið.
Svo ef öðrum verður eitthvað á, eða dómarinn dæmir á móti þeim, þá eru þeir umsvifalaust teknir útaf (sbr. Ólaf Guðmundsson).

Svo er það varnarleikurinn hjá Aron, sem hinn geðþekki íþróttafréttamaður Einar Jónsson segir vera mjög góðan!!

Gagnrýnisleysi pressunnar á Aron er einkar áhugavert en er svo sem í takti við það hvernig fjallað er um fótboltann, bæði kvenna og karla.

Með slíkri umfjöllun nær íslenska landsliðið ekki langt, hvorki handboltaliðin, né kvennaliðið í fótbolta ... Merkilegt reyndar hvað karlaliðið í fótbolta þolir vel oflofið.

EM vonin veikist

"Heilbrigðisvottorð" Umhverfisstofnunar!

Umhverfisstofnun var rétt nýbúin að gefa út heilbrigðisvottorð um að "byrjunarerfiðleikar" kísilversins í Reykjanesbæ væri úr sögunni þegar ofn verksmiðjunnar bilaði enn einu sinni (ég hef ekki tölu á þessum bilunum en það hafa eflaust margir íbúar í nágrenni hennar). 

Það er engu líkara en talsmenn Umhverfisstofnunar séu einnig sérstakir talsmenn kísilversins, eins duglegir þeir nú eru til að afsaka þessar tíðu bilanir, frekar en umhverfisins og íbúanna eins og maður hefði nú haldið að væri verkefni stofnunarinnar.

Er ekki einfaldast að leggja Umhverfisstofnun niður og láta mengunarfyrirtækin sjálf sjá um að afsaka mengunina  - og hafa eftirlit með þeim, eins og þau reyndar gera nú þegar?

Þannig sparast miklir peningar skattgreiðanda - og allar þessar pínlegu afsakanir "eftirlits"stofnunarinnar verða úr sögunni.

Yfir 200 kvartanir vegna mengunar

Króatarnir slakir í fyrri hálfleiknum

Menn hefðu átt að hrósa Króötunum meira fyrir leikinn, hve frábærir þeir væru!

Liðið sýnir lítið sem ekkert og er með marga frekar slaka leikmenn. Reyndar má segja það sama um íslenska liðið. Þulurinn (Hörður Harðar) talar auðvitað um frábært lið og stórkostlegt eins og hann er vanur - ætli hann eigi ekki fleiri lýsingarorð í pokahorninu en þessi og aðeins lágstemmdari? - en það hefur lítið sýnt ennþá.

Mikið er um feilsendingar fram völlinn (án þess að þulirnir nefna það einu nafni). Kári er t.d. venju fremur slæmur með þetta - þótt oft sé hann slæmur - sem sýnir líklega að hann er í lítilli leikæfingu. Hörður Björgvin sömuleiðis. Þá kemur lítið út úr Birki Bjarnasyni enda hefur hann varla spila keppnisleik í hálft ár.
Þá er Alfreð greinilega ekki búinn að ná sér almennilega eftir meiðslin sem hann fékk, amk er hann ekki í sama góða forminu og hann var fyrir þau.

Það mætti vel skipta inná þegar í byrjun seinni hálfleiks eða snemma í honum því þessi leikur á að vinnast gegn frekar slöku liði Króata.

Dramatískur sigur gegn Króatíu

Um að gera að kjósa!

Mark Guðmundar er næstefst í kosningunni með 21% atkvæða. Efsta sætið er aðeins með 1% meira (22%). Því er um að gera að kjósa markið hans, sem er auðvitað langflottasta markið, með því að fara neðst á síðuna!

Mark Guðmundar eitt þeirra fallegustu

Forsetinn farinn að sýna sitt rétta andlit!

Guðni Th. er farinn að launa Sjöllum og Viðreisn stuðninginn við sig í forsetakosningunum með því að skrifa undir lög sem að flestra mati voru samþykkt ólöglega - nema auðvitað stjórnarinnar og skrifstofu alþingis.

Eðlilegt svo sem að launa greiðann á þennan hátt en þar með sýnir hann sitt rétta pólitíska andlit (eftir að hafa tekist aðdáanlega vel að fela það).

Eðlilegra hefði mér fundist að hann hafi fengið óháða aðila til að skera úr um lögmæti samþykktarinnar á alþingi - og um hugsanlega skaðabótaskyldu ríkisins vegna hennar - áður en hann skrifaði undir lögin.

Það hefði verið eðlilegri stjórnsýsla í það minnsta.

Forsetinn undirritaði skipunarbréf

Góð mynd af Tívolí!

Ég man að vísu ekki eftir þessum kanal þar ...

Vopnaður maður skotinn við Tivoli

Landsliðsþjálfarinn að skjóta sig illilega í fótinn

Það að bestu leikmenninrir séu ekki valdir í íslenska karlalandsliðið í fótbolta vegna þess að þeir falla ekki inn í leikkerfið, sýnir á hversu miklum villigötum landsliðið er komið.
Líklega verða þeir valdir sem eru að spila með leiðinlegustu liðinum, eins og Kjartan Finnboga í Horsens, sem hefur fengið það orð á sig að vera leiðinlegasta liðið í dönsku úrvalsdeildinni (og Kjartan einn sá grófasti).
Íslenska landsliðið er ekki mikið skárra hvað leiðindin varðar en hingað til hefur það verið fyrirgefið vegna þess árangurs sem liðið hefur náð.
Það þarf hins vegar ekki nema eitt tap, svo sem gegn Finnum, til að það umburðarlyndi hverfi eins og dögg fyrir sólu.
Þá hættir að vera gaman að vera þjálfari landsliðsins.

Viðar ekki valinn í landsliðið – „Rosalega svekktur“