Hér má sjá markið

https://www.expressen.se/sport/fotboll/allsvenskan/han-fralser-peking-satter-press-pa-aik/

Merkilegt annars að Guðmundur hafi ekki verið í síðasta landsliðshópnum, í leikjunum gegn Frökkum og Sviss, eftir að hafa verið ónotaður varamaður í leikjunum áður, það er í stórtöpunum gegn Sviss og Belgíu.

Vonandi verður hann valinn í seinni leikinn gegn Belgum - og fái að spila.

Guðmundur gerði sigurmark

En hvað með Bjarna sjálfan?

Er ekki kominn tími til að Bjarni víki sem fjármálaráðherra fyrir að fullyrða ranglega (það kallast að ljúga á alþýðumáli) um að skattar séu lægri hér á landi en í nágrannalöndunum?

Fyrir svo utan allt annað svo sem að pabbinn, sjálfur hátekjumaðurinn, borgar aðeins 22% í skatt meðan allur almenningur borgar minnst um 35%, meira að segja þeir sem eru með lægstu launin?

Og er Bjarni ekki klárlega vanhæfur að móta kjaraviðræður þessarar ríkisstjórnar við verkalýðshreyfinguna?

Segir stöðu Sigríðar óbreytta

Stundin kemur út úr skápnum

Stundin hefur löngum þóst vera gagnrýninn miðill og barist gegn spillingu margskonar.
Sumum hefur þó fundist Stundin einfaldlega slúðurmiðill, í líkingu við gamla DV.

Sú skoðun styrkist við þetta. Róttæknin ristir nefnilega grunnt hjá þessum herrum. Ekki má gagnrýna kapitalíska fjölmiðla því réttur blaðamanna er svo mikill að mati ritstjórans að ekki má gagnrýna blaðamanninn þrátt fyrir að augljóst sé að hann er málpípa auðstéttarinnar.

Hvert er nú komin hvatningin á hendur fjölmiðla í kjölfar Hrunsins um að sinna sínu gagnrýna hlutverki og veita auðstéttunum aðhald? Látin í askana og sjálfstæðið lagt í sölurnar til að fá þá ríku til að auglýsa í miðlinum?

 

Tilraun til að vega að trúverðugleika blaðamanns

"trúverðugar"?

Trúverðugt að fullyrða að blaðamaðurinn hafi "látist eftir átök" við fjölda leyniþjónustumanna Sádanna? 

Mikil hetja má þá þessi blaðamaður hafa verið að ráðast einn gegn öllum þessum þrautþjálfuðu mönnum!

Upp á síðkastið hafa Bandaríkjamenn ekki aðeins talað um að vernda eigin hagsmuni þegar kemur að afskiptum þeirra af málefnum "óvinveittra" þjóða heldur einnig um mannúðarsjónarmið eins og þegar þeir hótuðu nýlega að ráðast inn í Venezuela (til að bjarga venezuelsku þjóðinni frá harðstjórn vondu sossanna þar!).

Fyrst Sádarnir drepa óbreyttan, gagnrýnan borgara í ræðismannsskrifstofu sinni í öðru landi, hvað gera þeir þá ekki um stjórnarandstæðinga í heimalandinu? Er þannig ekki full ástæða til að vernda almenna borgara í Sádí-Arabíu fyir harðstjórn einræðisherranna í Riyad með því að gera innrás í landið og steypa ógeðunum af stóli? 

Í það minnsta ætti að beita þeim hörðum refsiaðgerðinum. Fordæmin til þess eru næg. Má þar nefna viðskiptaþvinganirnar á Rússa fyrir meinta eiturefnaárás á tvö fegðin, sem þó lifðu þá "árás" af. 

Þetta morð á blaðamanninum er það viðurstyggilegasta sem maður hefur heyrt um lengi. Viðbrögð Bandaríkjamanna við því hafa einkennst af hræsni en það kemur svo sem ekki á óvart.
En hvað með hin löndin, hinar viljugu og staðföstu vestrænu þjóðir sem hafa fylgt Kananum í blindni í um þau 20 ár sem hernaðaraðgerðir þessara þjóða hafa staðið í Miðausturlöndum? Ætla þær enn og aftur að taka þátt í þessum tvískinningi? Vernda "vini" hvað sem þeir gera af sér en refsa "óvinum" sínum grimmilega fyrir miklu minni sakir?

Segir skýringar Sádi-Araba trúverðugar

Margt gott í niðurlægingunni?

Þetta viðtal er eins og að spyrja mann hvernig sé að skíta í buxurnar: "Það var margt gott í því. Maður léttir til að mynda á sér!"

Þessi þjálfari er auðvitað kominn á tímann sinn - og það reyndar fyrir löngu.
Hann lætur hins vegar eins og hann sé æviráðinn í starfið - og talar um það sem þurfi að bæta eins og hann hafi allan tímann í veröldinni til þess. 

Já það er auðsýnilega margt sem þarf að bæta hjá íslenska u21 árs liðið. Fjórða sætið í riðlinum og stórtap gegn liði sem hafði að engu að keppa.
Fyrsta skrefið í því er augljóslega það að láta Eyjólf Sverrisson taka pokann sinn.

 

Eitt sterkasta lið sem hefur komið hingað

Hvernig var hægt að tapa 6-0 fyrir þessu liði?

Tilþrifalitlum fyrri hálfleik lokið. Svissneska liðið hefur verið slakt, lítið skapandi og algjört miðjumoð hjá þeim.

Reyndar var íslenska liðið lítið skárri en þó hættulegra.

Svo er auðvitað stóra spurningin. Hvernig var hægt að tapa fyrir þessu svissneska liði - og það með sex mörkum (gegn engu!)?

Eftir slakan seinni hálfleik lengi framan af hjá íslenska landsliðinu, færðist heldur betur fjör í leikinn undir lokin!

Samt er það minnisstæðasta við þennan leik hve landsliðsþjálfaranum var kalt allan tímann, ekki síst undir lokin! Hann er greinilega of mikill spjátringur til að fara í dúnúlpuna hans Lars.

Þriðja tapið í Þjóðadeildinni

Yfir Fossvog?

Ekki virðist nú blaðamaðurinn vera vel að sér í landafræðinni. Brúin mun væntanlega liggja yfir Skerjafjörðinn enda heitir fjörðurinn það en ekki Fossvogur. 

Svo er auðvitað talað um Fossvogshverfið sem kennt er við voginn innst í Skerjafirðinum.

Samkvæmt fyrirsögn fréttarinnar á brúin að liggja yfir Fossvogshverfið, kannski yfir Víkingsvellinum?!

Auglýsa um 270 metra Fossvogsbrú

Hamrén hugaður!

Loksins fær Hannes Þór að hvíla sig - og kominn tími til.

Þá er vörnin athyglisverð, fjögurra manna, en enginn vinstri bakvörður!
Og Arnór Trausta í byrjunarliðinu sem er löngu kominn tími til!

Spennandi að sjá hvort enn eitt stórtapið verði eða ...

 

Þessir byrja gegn Frökkum

Spurning um framherjana

Menn hljóta að setja spurningarmerki við að velja Jón Dag í landsliðshópinn en ekki Arnór Sigurðsson sem er að spila í meistaradeildinni með rússneska meistaraliðinu! 
Þá er Kolbeinn Sigþórs enn í hópnum þó hann leiki ekkert með félagsliði sínu. Björn Bergmann gerir það hins vegar og það í góðu rússnesku liði en er ekki valinn.

Það má búast við að fari að hitna undir Hamrén ef íslenska landsliðið heldur áfram að tapa stórt í þessum tveimur leikjum sem framundan eru!
Spjátringslegur var hann þegar hann stjórnaði sænska landsliðinu og enn leikur hann sama leikinn!

Jón Dagur og Albert fá tækifæri

Er ekki kominn tími á Eyjólf þjálfara?

Eyjólfur Sverrisson er búinn að þjálfa 21. árs liðið í um 10 ár og aðeins einu sinni komið því í úrslitakeppnina á EM. Það var með gullaldarliðinu Gylfa Þór og co.

Enn tekst honum að koma sér hjá því að velja Viktor Karl Einarsson í liðið þrátt fyrir frækilega frammistöðu hans í sænsku b-deildinni. Og val Eyjólfs á liðinu hefur áður vakið furðu svo sem að hafa ekki valið Arnór Sigurðsson fyrr en alveg nýlega, þ.e. löngu eftir að hann varð stórstjarna.

Nú eru aðeins þessir tveir leikir eftir og ekki lengur hægt að komast í úrslitakeppnina. Því hlýtur það að teljast eðlilegt og sjálfsagt hjá KSÍ að reyna nýjan þjálfara.

Eyjólfur velur U21 árs landsliðshópinn