28.12.2018 | 18:46
Til hvers að birta þetta?
Þessi yfirlögregluþjónn lögreglunnar á Suðurlandi virðist vera tilbúinn að dæma fólk sem hefur lent í hræðilegu slysi. Barnið ekki í bílstól og þörf á að lækka hraða við einbreiðar brýr!
Fólkið hafi greinilega ekið alltof hratt á brúnni og ekki haft barnið í bílstól. Það geti því sjálfu sér um kennt, eða hvað?
Ég efast um að þetta hefði verið sagt ef Íslendingar ættu í hlut. Kannski í lagi fyrst þetta voru Indverjar? Rasismi hér á ferð?
Svo eru nú fjölmiðlar ekki alveg saklausir. Birta óhugnanlega myndir af slysstað og velta sér upp úr þessu hörmulega slysi eins og þeir mögulega geta. Skrílsmenning/populismi þar á bæ?
Bílstóllinn laus og barnið ekki í honum | |
Tilkynna um óviðeigandi tengingu við frétt |
Dægurmál | Breytt s.d. kl. 18:47 | Slóð | Facebook | Athugasemdir (0)
28.12.2018 | 09:18
Ekkert að - og kvartað yfir engu?
Þetta eru nú vægast sagt skrítin viðbrögð frá RÚV. Ég held nú að flestir hafi fundist talið í Ófærðinni heyrast óskýrt og eflaust fleiri en ég fengið aulahroll við að horfa á þáttinn. Leikararnir líða fyrir þetta og koma út sem algjörir amatörar flestir hverjir.
En meistari Steingrímur sér ekkert að - og skilur þá væntanlega ekkert í þessum sífelldu kvörtunum yfir óskýrum samtölum í leiknu íslensku sjónvarpsefni (hjá RÚV)!
Það er hætt við að útlenskar sjónvarpsstöðvar, þ.e. þær norrænu, hætti alfarið að kaupa þætti frá RÚV, því það nær ekki þeim gæðum sem þær eru vanar að sýna ytra.
Ekki batnar bágur fjárhagur RÚV við það.
Kvartað yfir óskýru hljóði í Ófærð | |
Tilkynna um óviðeigandi tengingu við frétt |
Dægurmál | Breytt s.d. kl. 09:20 | Slóð | Facebook | Athugasemdir (0)
25.12.2018 | 11:29
Guðjón Valur?
Mér sýnist þetta nú vera tengdasonur Siglufjarðar, Ólafur Guðmundsson!
Mótherjar Íslands missa lykilmann | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
15.12.2018 | 16:22
Tilraun til þöggunar?
Merkilegt hve lítið ein helsta baráttukona metoo-hreyfingarinnar vill láta hafa eftir sér um þetta metoo-mál miðað við hve ötul hún hefur verið undanfarið í að gangrýni kynferðislegt áreiti og annað þeim mun verra í garð kvenna.
Spurning hvort hún sé einfaldlega ekki populisti sem reynir að nota sér metoo umræðuna sér til framdráttar í pólitíkinni. Það liggur nærri að meta hlutina á þann veg eftir að hafa séð viðbrögð hennar við máli flokksbróðurins, Ágústs Einars. Reynir að gera sem minnst úr því, lætur sem það er innanflokksmál og þegar afgreitt (af flokknum sjálfum!).
Svo er reyndar annað mál í gangi sem er enn nátengdari Heiði Björgu en sem enginn miðill nema DV hefur fjallað um.
Trúverðugleiki þessarar konu sem talsmanns metoo-hreyfingarinnar hefur svo sannarlega rýrnað í ljósi þessara frétta. Það virðist gilda eitt fyrir Samfylkingarfólk (fyrirgefning?) en annað fyrir aðra (harðir dómar)...
Það mun kallast einhvers konar "frændhygli" eða kannski einfaldlega tvískinningur.
Samfylkingin hefur tekið fyrir fimm mál | |
Tilkynna um óviðeigandi tengingu við frétt |
Dægurmál | Breytt s.d. kl. 16:25 | Slóð | Facebook | Athugasemdir (0)
5.12.2018 | 08:22
Kvosin er nú þekktur rokrass
Þetta er svo sem ágæt tilraun veðurfræðing til að afsaka kolvitlausta vindaspá Veðurstofunnar þennan dag. Það gengur þó ekki vegna árvökuls veðuráhugamanns sem benti á þetta á vefsíðu meistara Trausta Jónssonar. Spáð var 5-13 m/s á höfuðborgarsvæðinu þennan daginn en reyndin var að vindur var mun meiri á fimm veðurathugunarstöðvum á svæðinu. Hann fór mest í 22 m/s á Kjalarnesi og 18 m/s í Geldingarnesi!
Og eins og segir í yfirskriftinni. Það gustar yfirleitt duglega í Kvosinni þegar hann blæs af norðan. Líklega hefur þetta verið versti bústaðurinn á höfuðborgarsvæðinu sem fyrsti landnámsmaðurinn gat valið sér. Hann hefur svo kynnst því í rölti sínu um nágrennið hve miklu skjólsælla er víða annars staðar á svæðinu.
Það breytir því þó ekki að Hafnartorgið er algjört skipulagsslys, gott dæmi um slæman arkitektúr nútímans og enn betra dæmi um þjónkun núverandi borgaryfirvalda við fjármálaöflin (les braskarana).
Rok í Reykjavík af mannavöldum? | |
Tilkynna um óviðeigandi tengingu við frétt |
Dægurmál | Breytt s.d. kl. 08:24 | Slóð | Facebook | Athugasemdir (0)
Um bloggið
Torfi Kristján Stefánsson
Færsluflokkar
Heimsóknir
Flettingar
- Í dag (20.4.): 26
- Sl. sólarhring: 58
- Sl. viku: 321
- Frá upphafi: 455323
Annað
- Innlit í dag: 23
- Innlit sl. viku: 270
- Gestir í dag: 21
- IP-tölur í dag: 21
Uppfært á 3 mín. fresti.
Skýringar