Og þessi er ekki einu sinni í landsliðshópnum!

Ætli hann sé ekki í náðinni hjá þeim sem "ráða"?

Rúnar skoraði stórkostlegt mark – myndband

Hverjir komast í lið?

Það verður fróðlegt að sjá hverjir komast í dag í liðin sem þeir eru að keppa með, sérstaklega landsliðsmennirnir.
Sá fyrsti, Theódór Elmar, er ekki með sínu liði (reyndar er þessi leikur ekki gefinn upp nema hjá Mogganum!).

Þetta minnir mann reyndar á að tveir hörku miðjumenn eru að leika í svissnesku deildinni, og með liðum sem eru í toppbaráttunni, þeir Guðlaugur Victor og Rúnar Már.
Þeir eru þó ekki valdir heldur menn eins og Th. Elmar í tyrknesku b-deildinni (!) og Ólafur Ingi en lið hans er langneðst í tyrknesku úrvaldsdeildinni!

Hvernig ætli standi á þessu?
Guðl. Victor er meira að segja fyrirliði í sínu liði, Zürich.
Ætli Aron Einar vilji ekki hafa hann í liðinu - og fleiri sem ættu að vera þar?
Margt bendir nefnilega til þess að fastamennirnir í íslenska landsliðinu hafi harla mikið að segja um valið á landsliðshópnum.

Hvað gerðu Íslendingarnir?

Ekki burðugur hópur gegn Argentínu!

Af þeim leikmönnum sem hafa verið valdir eru átta sem detta út þegar endanlegur hópur fyrir HM verður valinn. Nánast engar líkur eru á að einhver utan þessa hóps verði þar með nema þeir meiddu (Alfreð Finnboga og Gylfi). (Ekki Haukur Heiðar Hauksson, Elías Már Ómarsson eða Kristján Flóki Finnbogason sem þó hafa verið að standa sig mjög vel á undirbúningstímabilinu fyrir leiktíðirnar í Svíþjóð og Noregi)

Sem dæmi um stöðuna á hópnum þá hafa eftirtaldir leikmenn lítið verið að spila með liðum sínum: markmennirnir Ögmund­ur Krist­ins­son (ekkert!) og Ingvar Jóns­son (Ingvar reyndar búinn að vera meiddur). Af „varnarmönnum“: Birkir Már, Kári Árna, Samúel Kári og jafnvel Hjörtur Hermanns. Af miðjumönnum þeir Aron Einar, Birkir Bjarna, Emil Hallfreðs, Ólafur Ingi og Arnór Ingvi (Aron og Arnór verið meiddir). Af sóknarmönnunum er það auðvitað fyrst og fremst Kolbeinn sem hefur ekkert spilað en Jón Daði einnig ekki mikið og Albert Guðm. nær ekkert. Kjartan Henrý hefur einnig spilað frekar lítið.
Þannig er leikæfingin ekki upp á marga fiska hjá liðinu.

Einnig eru margir þeirra að leika í b-deildum. Þar er listinn langur: Frederik Schram, Hörður Björgvin, Aron Einar, Birkir Bjarna, Rúrik Gísla, Theódór Elmar (í Tyrklandi!) og Jón Daði. Reyndar má segja að Ólafur Ingi sé einnig að spila með b-deildarliði því lið hans (í Tyrklandi) er löngu fallið. Auk þess má jafnvel fullyrða að helsti markmaðurinn okkar, Hannes Þór, sé einnig að spila í b-deildarliði, svo illa er lið hans að standa sig í dönsku úrvalsdeildinni (og hann að fá slæma dóma).

Þetta boðar nú ekki gott. Að auki eru tveir bestu menn liðsins meiddir og verða því í lítilli leikæfingu þegar mótið byrjar – og það gegn engu smá liði: Argentínu.

Hætt er því við að það stefni í algjöra niðurlægingu í fyrsta leik – rétt eins og í leiknum gegn Frökkum á EM (4-0 í hálfleik!), eða jafnvel eitthvað enn verra. Frakkar höfðu jú engan Messi í liði sínu.

Átta af þessum detta út

Og hvað með Elías Má?

Elías Már Ómarsson er í miklum ham þessa dagana hjá Gautaborg, sögufrægasta liði Svíþjóðar. Hann er að skora í hverjum leik - og spilar þá alla með nýjum þjálfara - nú síðast tvö mörk gegn b-deildarliði í 3-0 sigri. Svíarnir tala um "Ómarssons fest":
http://www.gp.se/sport/fotboll/bl%C3%A5vitt-besegrade-bp-mittf%C3%A4ltaren-ut-p%C3%A5-b%C3%A5r-1.5395239
Samt er hann ekki valinn í íslenska landsliðið - og það þrátt fyrir að það vantar helstu markaskorarana.
Heimir hefur greinilega lært af Lars Lagerbäck að gefa engum nýjum leikmönnum sjens, nema þeir séu á barnsaldri!
Lars hefur hins vegar fengið harða gagnrýni undanfarið í Noregi fyrir þessa íhaldssemi sína og eru Norðmenn farnir að sjá eftir því að hafa ráðið hann sem landsliðsþjálfara!

 

Enn gengið framhjá Hauki Heiðari!

Enn einu sinni er gengið framhjá besta hægra bakverðinum okkar, Hauki Heiðari Haukssyni hjá AIK. Og það þegar Birkir Már er búinn að vera meiddur lengi og ekki spilað neinn leik síðan í haust að ég best veit.

Og aftur er Samúel Kári valinn sem varnarmaður í landsliðið þó svo að hann hafi aldrei leikið í vörn nema í síðasta æfingarleiknum með landsliðinu.

Haukur er fastur maður hjá AIK sem er komið í fjögurra liða úrslit í sænska bikarnum (liðið sem varð nr. tvö í deildinni í fyrra!). Meiddur Valsari og varamaður hjá slöku norsku liði (Vålerenga) eru valdir í staðinn!

Það getur aðeins verið ein ástæða fyrir þessu, þ.e. klíkuskapur.
Hvort það sé Heimi að kenna, eða að klíkan í landsliðinu standi þarna að baki, veit ég ekki. Ábyrgðin er hins vegar landsliðsþjálfarans. Kannski hefði verið réttast af honum að þiggja þetta flotta þjálfarastarf í útlöndum sem hann segir, að hafi staðið sér til boða.

Það hefði eflaust ekki verið verra fyrir landsliðið.

Kolbeinn með til Bandaríkjanna

Í nauðvörn allan leikinn ...

... rétt eins og í hinum leikjunum. Þó var aðalliðið inná í þessum leik en ekki b-liðið eins og gegn Japönum (líklega hafa fyrrum heimsmeistarnir Japana litið svo á að það væri móðgun fyrir þá að Ísland stillti upp b-liði gegn þeim. Og hvað segja ungu leikmennirnir um að vera hent svona úti í djúpu laugina án þess að hafa nokkurn stuðning frá reynsluboltunum?).
Freyr landsliðsþjálfari er greinilega sama hvaða orð fari af íslenska landsliðinu meðal keppinautanna. Pakkað í vörn og með allskonar tilraunastarfsemi með hundleiðinlegum leik. Og hvað segja leikmennirnir? Eru þeir sáttir við svona spilamennsku?

Fín frammistaða gegn Evrópumeisturunum