Sjötta ástæðan ...?

Að Skúli hafi komið öllum(?) þeim fjármunum sem söfnuðust í skuldabréfaútboðinu í september (átta milljörðum) fyrir strax á eftir uppboðið í tvö félög á Cayman-eyjum, sem keyptu svo tvær flugvélar til að leigja Wow-air!
Og það voru þessi tvö félög sem kyrrsettu hluta af vélunum sem setti Wow á hausinn!!!
Flott leikflétta hjá góða, grátandi gæjanum Skúla - og aðalástæðan fyrir gjaldþrotinu?

http://www.vb.is/frettir/eignarhald-cayman-eyjum/153613/

 

Fimm ástæður fyrir falli WOW air

Ótrúleg ummæli háskólaprófessors!

Þessi ummæli um að fásinna sé að fara í verkföll innan ferðaþjónustunnar eru hlutdrægustu og ótrúlegustu ummæli sem ég hef séð lengi frá manni í stöðu sem á að gæta hlutleysis og hlutlægni í allri umfjöllun!

Hann lætur eins og ferðaþjónustan eigi að njóta sérstakra launakjara, borga laun langt undir launum fólks í öðrum atvinnugreinum (nema auðvitað að hann meini að allt láglaunafólk eigi að sitja eftir í launum meðan atvinnurekendurnir og millistéttar- og hálaunafólk eins og hann mata krókinn).

Málið er auðvitað það að ferðaþjónustan hér á landi nýtur þegar sérstakra hlunninda umfram aðrar atvinnugreinar. Borgar t.d. aðeins 11% virðisaukaskatt meðan aðrir þurfa að greiða 24,5% VASK osfrv. 

Þá er þessi atvinnugrein alls ekki á flæðiskeri stödd, enda hefur verið mikil uppsveifla í ferðamennsku mörg undanfarin ár. Fyrirtækin flest hver græða á tá og fingri eins og sjá má á ársskýrslum þeirra og arðgreiðslum til eigendanna - og á öllum þeirra umsvifum í greininni.
Hótel rísa upp eins og gorkúlur á rigningarsumrum, bílaleigur skipta út bílum næstum árlega osfrv., osfrv.

Háskólafólk ætti að vera valið til starfa með vandaða fræðimennsku í huga en ekki til að ganga erinda einhverra aðila á kostnað annarra.
En því miður er mikill misbrestur á því og virðist frekar aukast en hitt. Hlutdrægni og sérplægni eykst hröðum skrefum í háskólageiranum enda útskrifast fólk úr þessum skólum nú orðið sem kann lítið sem ekkert til verka í eigin fagi!
Þetta á ekki síst við í viðskipta- og hagfræðideildum háskólanna.

Ja, svei.

Of mikill mótvindur

Trúlegt eða hitt þá heldur!

Svona til að rekja aðeins framvinduna síðustu daga má nefna að flugfélagið varð opinberlega gjaldþrota nú í morgunsárið.

Í gær birtist frétt í Fréttablaðinu um að forstjórinn, Skúli Mogensen, ásamt nokkrum stjórnarmönnum, hafi farið á fund í fjármálaráðuneytinu og komið flestir glaðbeittir út þaðan, eins og sjá má á forsíðumynd blaðsins af þeim. Ástæðan fyrir gleðinni hefur væntanlega verið sú að Skúla og co. hafi tekist að blekkja ráðuneytisfólkið á einhvern hátt, líklega með talnaleik um bjartar framtíðarvonir. Spurning hverju þeim hefur verið lofað í kjölfarið.

Í “söluræðu” Skúla, sem vitnað er til í fréttinni, segir nefnilega að lausafjárstaða Wow verði orðin jákvæð um meira en milljarð þegar í sumar (í júní!). Hún verði svo komin í næstum þrjá milljarða í lok árs 2021 og rekstrarafgangur orðinn um níu milljarða!

Svo leið ekki nema sólarhringur frá þessari frétt þar til Wow-air var lýst gjaldþrota!!

Þrátt fyrir þennan blekkingarleik Skúla birta blöðin áfram viðtöl við hann eftir gjaldþrotið og fréttir um hve sárt þetta taki hann, þ.e. birta mynd af honum sem góða gæjanum. Þessi frétt Moggans er gott dæmi um það.
Persónusagan hefur jú iðulega einkennt íslenska frétta- og fræðimennsku og það breytist greinilega ekkert þrátt fyrir ítrekuð hrun.

Mætti maður þá frekar biðja um greinandi fréttamennsku, svo sem að blaða- og fréttamenn spyrji sig og aðra hvert allur gróðinn undanfarin góðærisár hafi farið. Hefur til dæmis fé verið markvisst tekið út úr rekstrinum á þessum árum og komið fyrir í skattaskjólum, nokkuð sem skýrir slæma lausafjárstöðu félagsins á þessum bestu ferðamannatímum Íslandssögunnar og þeim mikla fjölda ferðamanna sem Wow hefur flutt á undanförnum árum?

Í staðinn er verið að hjálpa honum til að hefja sama leikinn upp á nýtt, skilja um 1100 manns eftir atvinnulausa og án þess að fá laun útborguð, um 4000 ferðamenn strandaglópa og gífurlegan kostnað opinberra sem óopinberra aðila vegna þess skollaleiks forstjórans fyrrverandi.

Skúli var „njörvaður niður“

Ein allsherjar lygi undanfarna daga?

Það lítur allt út fyrir að látalæti WoW Air, eða réttara sagt Skúla og skuldabréfaeigendanna, um að það muni takast að bjarga félaginu hafi verið einn stór blekkingaleikur.

Það hljómar allavega mjög undarlega að þurft hafi að aflýsa öllu flugi vegna þess að samningaviðræður séu á lokametrunum!
Var ekki hægt að finna einhverja trúarlegri skýringu?

Í ljósi þessa var nýjasta útspil Skúla í gær um að mikill viðsnúningur væri framundan hjá félaginu, kannski versta dæmið um óheiðarleika hans - og minnir ekki lítið á þann leik sem Kaupþing lék fyrir Hrun (og fleiri aðilar). 

Allt bendir nú til þess að Skúli og skuldabréfaeigendurnir hafi verið að reyna að komast yfir sem allra mest fé á lokametrunum, rétt eins og félagar þeirra fyrir Hrun. Sannarlega Kaupthinging það. Svo er skipt um kennitölu, stofnað nýtt fyrirtæki og fjölmiðlarnir taka fagnandi á móti frelsandi riddaranum á nýja hestinum!

Já, er ekki margt í dag sem minnir á Hrunið? Stór fyrirtæki að fara á hausinn, full af tómum íbúðum í höfuðborginni sem seljast ekki og gríðarlega stór hótel í byggingu, nú þegar samdráttur er hafinn í ferðamennskunni.
Hætt er við að lánin sem þessir athafnamenn fengu til framkvæmda, jafnt frá bönkum sem frá lífeyrissjóðum muni aldrei vera greidd og lánastofnanirnar standi uppi með tapað fé og rambi á barmi gjaldþrots.
En þá er nú bara skipt um kennitölu og hringavitleysan hefst á ný ...

Þúsundir farþega bíða

Ertu þetta ekki þekktir siðleysingjar?

Mér skilst að (meint) brot Samherja hafi falist í því að það seldi afla skipa sinna hér á landi til dótturfyrirtækja sinna erlendis á lægra verði en tíðkaðist í viðskiptum ótengdra aðila. Fyrir vikið hafi hagnaður verið fluttur úr landi framhjá sköttum og gjaldeyrir skilaði sér ekki til landsins.

Hins vegar hafi komið í ljós að vegna mistaka í gerð reglugerðar vegna gjaldeyrislaganna hafi lögin ekki haldið á þessu tímabili sem um ræðir. 
Þannig að þetta var svo sannarlega lögbrot en vegna formgalla var því vísað frá.
Sem sé lögleg en siðlaust eins og svo margt annað í íslensku viðskiptalífi.

Þess vegna kemur aðförin að Má seðlabankjastjóra mjög á óvart. Hún hefur ekki aðeins átt sér stað í neikvæðri umfjöllun fjölmiðla um hann og Seðlabankann í þessu máli heldur hefur forsætisráðherrann, formaður VG, hneykslast mjög á framgöngu bankans í málinu.

Spurning af hverju hún reynir að þóknast útgerðarauðvaldinu á þennan hátt miðað við hinn harða tón Vinstri grænna í garð þess áður en til stjórnarsamstarfsins við íhaldið kom. Tækifærismennska á háu stig? 

„Kumpánlegur“ bankastjóri óviðeigandi

Enn um borð?

Eitthvað er nú skortur á æsifréttunum hjá Mogganum! Búið að koma þremur vélum af fjórum í gang svo skipið siglir nú fyrir eigin vélarafli í átt til hafnar í Molde, auk þess sem tveir dráttarbátar eru með skipið í togi.
Það var í raun glapræði af björgunarstjórnarfólkinu að þyrlurnar hafi haldið þetta lengi áfram að flytja fólk frá borði eftir að búið var að koma vélum skipsins í lag. 

Lýsing farþeganna á þyrluferðunum er átakanleg, ekki síst í ljósi þess að þær reyndust algjör óþarfi!

https://www.aftenposten.no/norge/i/g7EW9J/Cruiseskip-i-nod-pa-Hustadvika-Folg-redningsdramaet-direkte-her

 

Enn eru um 1.000 farþegar um borð

Meira en lítið loðið!!

Furðulegur fjölmiðlafundur dómsmálaráðherra. 
Fyrst dróst hann í meira en tíu mínútur. 
Svo sagðist hún ætla að koma með stutta yfirlýsingu (þ.e. að hún myndi "stíga til hliðar")
en talaði svo í hálftíma áður en hún gaf yfirlýsinguna, sem var í þokkabót ansi loðin!

Spurningin er auðvitað hvað þetta "stíga til hliðar" merkir? 
Að "fara í leyfi" eða segja af sér embætti????

Ég er ansi hræddur um að margir telji þetta ekki nógu skýrt!!!

Mogginn er reyndar strax farinn að túlka þetta sem tímabundið hliðarstíg, 
þó svo að hún sjálf hafi aldrei notað orðið "tímabundið".
Ég túlka þetta sem yfirklór hjá henni, eða tilraun til að milda fyrir sér og öðrum 
sem raunverulega gerðist á fundinum, þ.e. að hún var að segja af sér ráðherraembætti.

Dómsmálaráðherra stígur til hliðar

Gróf Síonistasamtök

Þetta fyrirbæri er þekkt fyrir að vera hluti af hinni illræmdu leyniþjónustu Ísraels Mossad, og haldið uppi af fjársterkum aðilum í Bandaríkjunum, gyðingættuðum sem öðrum.

Merkilegt að birta svona "fréttatilkynningar" án þess að kynna sér þessi samtök og gera grein fyrir þeim.

Þau eru einhver helsta áróðurs- og réttlætingarsamtök fyrir morðunum á Palestínumönnum en með aðeins meira lögfræðilegt yfirbragð en sambærileg harðlínu- og öfgatrúarsamtök í Ísrael, sem Bandaríkin hafa jú fjármagnað í fjölda áratuga og gert Ísrael að einhverju mesta fasistaríki heims.

Mál Hatara á borði ráðherra í Ísrael

"miklum vonbrigðum"?

Merkileg þessi meðvirkni Moggans með Skúla. Það hefur lengi verið ljóst að skuldabréfaútboð Skúla var einn stór blekkingarleikur, sjónarspil til að fela að félagið var í raun gjaldþrota, skollaleikur til að missa ekki flugfarþega næstu mánuðina.

Í stað þess að upplýsa um gjaldþrotið var flugfélagið sagt metið á 44 milljarða, talað um 90 milljarða tekjur á komandi ári og að stefnt væri að 22-33 milljarða hlutafjárútboði!

Þegar upp var staðið höfðu ekki margir bitið á agnið en þó safnaðist 5,4 milljarðar (og enn var logið til um að útboðið stefndi í 7,7 milljarða) - sem nú er nær allt tapað fé.

Þetta reyndist sem sé einn stór blekkingarleikur. Við ætlaða yfirtöku Icelandair á flugfélaginu var Wow-air metið á 2,1 milljarð! Sjaldan hefur verið logið eins miklu síðan fyrir Hrun um stöðu fyrirtækis, eða upp á heila 42 milljarða!

Og eins og fyrir Hrun spila fjölmiðlarnir með (a.m.k. Mogginn) og hjálpa til við falsfréttirnar: Kröf­urnar hafi komið Skúla "veru­lega á óvart" og ollið hon­um "mikl­um von­brigðum"!

 

 

Tugprósenta afskriftir í húfi

Strax ráðist á nýja þjálfarann?

Merkilegt þessi viðbrögð eftir fyrsta tapið hjá nýja þjálfaranum! Á meðan Freyr Alexandersson var þjálfari var lítið fjallað um slaka frammistöðu liðsins undir hans stjórn miðað við árangurinn á tíma Sigurðar Eyjólfssonar, en undir stjórn Sigurðar komst liðið tvisvar í úrslit á EM (2009 og 2013) - og áfram upp úr riðlinum í fyrra mótinu. Samt var Sigurður látinn fara!

Freyr kom hins vegar landsliðinu aðeins einu sinni í úrslit þar sem liðið tapaði öllum leikjunum. Síðasta mót hans sem landsliðsþjálfara olli svo miklum vonbrigðum eftir góða byrjun. Eitt stig úr síðustu tveimur heimaleikjum var ekkert til að hrópa húrra yfir - en ennþá heyrðust engar gagnrýnisraddir - og þjálfarinn hækkaður í tign í kjölfarið!

Já, það gildir ekki sama um Frey og Jón Þór.
Merkilegir annars þessir silkihanskar á Frey - sem enn eru notaðir á hann sem aðstoðarþjálfara karlalandsliðins, þó liðið hafi ekki unnið leik í meira en heilt ár!!

Viðvörunarbjöllurnar hringja