Ófriðarástand?

Miklu frekar okur, brask og spákaupmennska. Enginn ófriður hefur verið lengi í Íran, eins og spekingurinn hjá N1 heldur fram, eða síðan um 1970! Þá hafa lengi verið átök í Líbíu eða allt síðan Gaddafi var drepinn (sem sé ekkert nýtt) og í Venesuvela er ekki styrjöld heldur óeirðir sem hafa lítil áhrif á olíuvinnslu og útflutning. 
Að auki má benda á að þessi lönd flytja ekki mikið út af olíu, og alls ekki Líbía, ef miðað er við stórútflytjendur eins og Saudi-Arabíu sem er langstærst á því sviði. Þar hefur ríkt "friður" í meira en 100 ár!! 

Sameiginlegt þessum þremur löndum, sem spekingurinn nefndi, eru hins vegar afskipti Vesturlanda af innanríkismálum þeirra, viðskiptaþvinganir á Íran og Venesuela og loftárásir á Libíu á sinni tíð.
Spurning hvort ekki sé vísvitandi verið að reyna að hækka olíuverð með þessum afskiptum?

Svo má benda á mótmæli gul-vestunga í Frakklandi sem beinast ekki síst að háu olíuverði.
Það er full ástæða til að feta í fótspor Frakka og mótmæla háu bensínverði hér á landi. Að minnsta kosti á meðan Samkeppniseftirlitið skiptir sér ekkert af samráði á þessum markaði - og það þrátt fyrir að salan færist á sífellt færri og stærri hendur með tilheyrandi okri á vörunni.

Olíuverð hækkar vegna ófriðarástands