Smjörklípa Moggans!

Það er athyglisvert að á meðan flestir fjölmiðlar landsins fjalla þessa daganna mest um styrkveitingar til Guðlaugs Þórs Þórðarsonar fyrrum ráðherra í hrunstjórninni og núverandi alþíngismanns fyrir Sjálfstæðisflokkinn, þá fjallar Mogginn nær ekkert um þann mútuskandal, heldur reynir að þyrla upp moldvirði vegna launamála seðlabankastjóra.

Ljóst er að með tilkomu Davíðs Oddssonar í stól ritstjóra blaðsins þá hefur Mogginn aftur orðið að flokksblaði sem birtir helst engar fréttir sem eru óþægilegar flokknum.

Auk þess má benda á að á mánudaginn var sagt frá því að ákveðið hafi verið að fara með mál Seðlabankans og Fjármálaeftirlitsins fyrir dóm. Er því núverandi ritstjóri Morgunblaðsins og fyrrverandi seðlabankastjóri, Davíð Oddsson, í enn sterkari stöðu grunaðs manns en áður - og mundu flestir heiðvirtir fjölmiðlar víkja manni, sem svo stendur á hjá, úr starfi þótt ekki væri nema tímabundið.

En Mogginn tekur í staðinn upp smjörklípuaðferð ritstjóra síns og reynir að þyrla upp sem mestu moldvirði til að hylja mál ritstjórans - og þingmanns flokksins.

Lengi má böl bæta með að benda á eitthvað annað.

 

„Ræddi ekki launamálin“