Þá veit maður af hverju Kaninn er þarna!

Þetta hlaut að vera! Kaninn fer aldrei inn í lönd nema innrásin borgi sig "in the long run". Að vísu klikkuðu þeir illa í Víetnam en tókst þó að nýta sölu á allri ópíumframleiðslu Laos til að kosta herförina, rétt eins og þeir hafa þurft að gera í Afganistan til þessa.

En á meðan herlið Kanans er að murrka lífið úr almenningi í landinu, með dyggri aðstoð NATO, eru blessaðir vísindamennirnir þeirra að leita dyrum og dyngjum að góðmálmum til að hafa af landinu. 

Þetta er sama munstrið og maður sér í Írak enda vel þekkt leyndarmál að USA fór þangað inn fyrst og fremst til að komast yfir olíuauðlindir landsins.

Vandamálið er bara það að nú eru aðrar óskyldar þjóðir farnar að átta sig á þessum brellum og vilja eignast hluta af kökunni. 

Fyrir nokkru var auðlindamálaráðherra Afganistan látinn taka poka sinn vegna meinta mútugreiðslna frá Kínverjum. Honum varð það nefnilega á að láta kínverskt námufyrirtæki fá einkarétt á námugreftri á helst til álitlegu svæði í landinu. 

Já, helvítis Kínverjarnir! Þeir valda óskunda á fleiri stöðum en hér uppi á klakanum, eins og nýjustu fréttir herma! Er ekki kominn tími til þess fyrir Kanann að kasta svo sem einni eða tveimur atómbombum á þá? Ísrael gæti hjálpað þeim, enda sannur vinur í raun!

Heimsyfirráð eða dauðinn!!!

Ofboðsleg verðmæti í jörðu

Athugasemdir

[Axel Jóhann Hallgrímsson, 14.6.2010 kl. 22:20]

Þetta smellpassar í formúluna.