Spennandi að sjá seinni leikina

Loksins finna íslenskir fjölmiðlar ástæðu til þess að fjalla um Evrópukeppni félagsliða og svo sem einnig meistaraliða.

Í gær gerði FCK jafntefli á útivelli við hvít-rússneska félagið Borisov, sama liðinu sem FH tapaði 1-5 fyrir. Eins og kunnugt er þá leikur íslenskur strákur með FCK, Sölvi Ottesen, og þótti sýna mjög góðan leik. Ekkert var þó fjallað um þetta í íslenskum fjölmiðlum.

Núna voru einnig Íslendingar að keppa í Evrópukeppninni, einnig með erlendum liðum enda öll þau íslensku úr leik. Jóhann Berg Guðmundsson fékk loks að byrja inn á hjá liði sínu AZ Alkmaar og skoraði á heimavelli gegn Íslendingaliðinu Gautaborg, þar sem þrír Íslendingar spila. Það verður fróðlegt að sjá hvernig seinni leikurinn fer - og gæti skipt máli hvernig landsliðið verður skipað í haust.

Mér finnst reyndar sjálfgefið að Sölvi Geir og Ragnar Sigurðsson (hjá Gautaborg) skipi miðvarðarparið en lansliðsþjálfarinn er eflaust á öðru máli. Þá skil ég alls ekki af hverju Hjálmar Jónsson (Gautaborg) er ekki vinstri bakvörður í íslenska landsliðinu miðað við þá reynslu sem hann hefur og þá merítur sem hann hefur öðlast. Gaman væri að fá einhvern tíma rökstuðning fyrir því.

Rúrik Gíslason er hins vegar sjálfskipaður í landsliðið enda lykilmaður í næst besta liði Danmerkur, OB.

 

Jóhann Berg og Rúrik skoruðu í Evrópudeildinni