Málþóf á alþingi

Furðulegt er að heyra þennan málflutning hjá Mogganum - og hjá stjórnarandstöðunni.

Stjórnarandstaðan er að leika einhvern píslarvott vegna þess að stjórnarliðar eru orðnir þeyttir á þessu málþófi andstöðunnar - og leyfa sér að sýna einhver svipbrigði!!

Það væri nær að setja þau fundarsköp á þingi sem koma í veg fyrir þetta málþóf sem stjórnarandstaðan hefur stundað allt frá því að núverandi stjórn var stofnuð - og hefur náð hámarki á síðasta þingi og svo aftur núna.

Í raun getur stjórnarflokkarnir sjálfum sér um kennt að láta stjórnarandstöðuna komast upp með þetta virðingarleysi fyrir þinginu og fyrir málefnum þjóðarinnar - virðingarleysi sem hefur smitað sig langt út fyrir þingið og getur stefnt þingræðinu í voða.

Það er einmitt það sem hægri öflin hafa alltaf viljað - koma þingræðinu á kné og koma á einskonar einræðisstjórn hægri aflanna.

Manni sýnist á stemmningunni í þjóðfélaginu að það sé að takast hægt og hægt.

Mál er að taka í taumana.

Sakaðir um að misnota þingsköp