Viðskiptaráðið og Tryggvi Þór

Þessi mynd, Inside Job, sýnir ekki aðeins blekkingarleik Viðskiptaráðs og Tryggva Þórs Herbertssonar (eða vanhæfni íslenskra hagfræðinga) heldur einnig vanhæfni Sjálfstæðisflokksins og fjölmiðla við að takast á við Hrunið.

Fyrir það fyrsta er ótrúlegt til þess að vita hversu oft fjölmiðlar leita til Viðskiptaráðs með umsögn um stöðu fjármála hér á landi, í ljósi þess hvernig ráðið hagaði sér fyrir Hrun.

Þá hefur Sjálfstæðisflokkurinn á engan hátt gert upp við þátt sinn í Hruninu heldur þvert á móti, kennt öllu öðru um en sjálfum sér. Flokkurinn beit svo höfuðið af skömminni með því að kjósa Tryggva Þór á þing í síðustu kosningum og situr nú uppi með hann þegar upplýsingar streyma inn um keyptar upplýsingar frá honum fyrir Hrun.

Vonandi kemur að því að Sjálfstæðisflokkurinn, fjölmiðlar og Viðskiptaráð horfist í augu við gerðan hlut og bæti vinnubrögð sín til muna. Við þurfum á heilbrigðara og heiðarlegra samfélagi að halda!

Styrmir: Dýrt spaug Viðskiptaráðs