Arfaslakur fyrri hálfleikur!

Það er ljóst að landsliðsþjálfarinn er ekki að ná miklu út úr þessu liði. Kannski má segja að það sé þegar orðið of gamalt?

Margrét Lára er ekki svipur hjá sjón, Guðbjörg óörugg í markinu (missti tvo bolta út úr höndunum á sér í byrjun leiks) og Glódísi fer ekkert fram, frekar aftur þótt ung sé.

Íslenska liðið er slakt og það sem verra er. Á bekknum eru ekki margar sem geta bætt liðið.

Líklegast er þó að þjálfarinn sé vandamálið. Hann virðist ekki hafa neinar hugmyndir til að bæta liðið. Lítið um spil. Aðallega langar spyrnur fram og svo hlaupið. 
Þá hefur hann dálæti á röngum leikmönnum ...

 

Skellur gegn Hollendingum

Athugasemdir

[Torfi Kristján Stefánsson, 11.4.2017 kl. 19:43]

Ekki var seinni hálfleikurinn betri og ljóst að liðinu bíður ekkert nema afhnoð á EM í sumar ef þetta lið verður burðarásinn.
Hallbera er greinilega mjög veikur hlekkur í liðinu, alltof sein og að auki klaufi í varnarleiknum (klárt víti á hana t.d. sem ekki var dæmt). 
Þá eru innáskiptingar þjálfarans fáránlegar. Einn besti maður liðsins, Elín Metta tekin útaf í stað Berglindar sem ekkert sást í leiknum, eða Margrétar Láru sem alls ekki ætti að vera fyrirliði liðsins. Reyndar er Freydís einnig alltof mikið notuð.
Þá er undarlegt að ekki var skipt um markvörð í hálfleik því Guðbjörg var mjög óörugg allan leikinn.