Afneitunaráráttan vinsæl nú um stundir!

Forsetabókin ætlar að koma við kaunina á mörgum. Nú þegar er Jón Baldvin búinn að sverja af sér sakir vegna dráttar á afhendingu gjafar forseta Íslands til forseta Bandaríkjanna (um eitt ár og sjö mánuði!) og Agnes Bragadóttir, sérstakur talsmaður Davíðs Oddssonar, undrast það eitt hversu Davíð er mikið í sviðsljósinu alla tíð en lætur sér í léttu rúmi liggja framkomu Davíðs vegna brúðkaups Ólafs og Dottittar.

Og nú rís einhver vanhæfasti embættismaður íslenskra stjórnvalda, maðurinn sem klúðraði tveimur (þjóð)hátíðum á Þingvöllum (og var launað það með sendiherratign), upp á afturlappirnar og talar um haugalygi!

Hvernig var það annars? Var forsetanum ekki meinað að taka þátt í hátíðarhöldum á Ísafirði árið 2004 til minningar um heimastjórnina og um Hannes Hafstein. Ég er þess fullviss að forsetaembættinu hafi aldrei verið sýnd önnur eins lítilsvirðing og þá - og það af eigin stjórnvöldum.

Og hver var það sem neitaði forsetanum þessu? Var það ekki Júlíus sjálfur sem fulltrúi stjórnvalda? Það er jú skjalfest og á allra vitorði. Því trúi ég því vel að það sama hafi átt að gerast á 17. júní 2003 sama hvað Júlíus tautar og raular!

Þessi maður ætti auðvitað að þegja og skammast sín, en það kann hann greinilega ekki. 

 

„Haugalygi"