Er Straumur ekki gjaldþrota?

Ég sem hélt að Straumur væri gjaldþrota og taldi mig hafa lesið um það á mbl.is í mars.

Annars er þessi frétt nokkurra daga gömul og birtist í Børsen á föstudaginn var, 7. ágúst. Þar kemur fram að Straumur hafi verið í samkeppni við Trackside Holding um kaupin og að síðarnefnda félagið hefði ekki fjárhagslegt bolmagn til að kaupa þessi tvö flaggskip danskra viðskipta. Það finnst mér merkileg frétt, þ.e. að hið gjaldþrota fyrirtæki Straumur, hafi meira bolmagn til kaupanna!

Er þetta enn eitt dæmið um sjónarspil íslenskra fjárgæframanna? Eða er einhver svo vitlaus að lána þessu skrípafyrirtæki peninga? Kannski íslensku skilanefndirnar og með góðfúslegu leyfi íslenskra eftirlitsstofnana?? Og skattgreiðendurnir borga enn og aftur?

Er íslenska ríkið kannski sá joint venture-partner sem talað er um í greininni í Børsen?

Og hefur bankinn birt ársreikning sinn sem hann fékk frest af Fjármálaeftirlitinu til að birta síðast í maí sl.?

Illum og Magasin til Straums

Athugasemdir

[Maelstrom, 11.8.2009 kl. 17:42]

Ef það var Straumur sem fjármagnaði kaupin upphaflega má einnig orða fréttina þannig að ekki hafi tekist að selja fasteignir Magasin og Illum og þrotabúið hafi því neyðst til að leysa þær til sín.  Það hljómar bara ekki eins vel :)

 Þetta er spurning um PR.  Hjá sumum virðist allt vera í klessu en hjá þrotabúi Straums eru bara glæstir sigrar!!!

[Torfi Stefánsson (IP-tala skráð) 11.8.2009 kl. 21:47]

Þetta er auðvitað hárrétt hjá þér. Það var Staumur sem átti Magasin og Illum fyrir (yfirtóku 75% hlut Baugs í byrjun mars síðastliðinn), rétt áður en bankinn var gjaldþrota. Fyrirtækin eru þar með eign íslenska ríkisins (eða eigum við að segja skilanefndanna sem starfa jú eins og ríki í ríkinu?).

Sjá http://www.mbl.is/mm/vidskipti/frettir/2009/03/09/fall_straums_gaeti_haft_miklar_afleidingar_i_danmor/

Þannig er verið að dæla meira fé inn í þessi fyrirtæki fyrst ekki tókst að selja þau fyrir viðunandi verð (þ.e. kaupa þau af sjálfum sér eins og hefur veri svo vinsælt í aðdraganda kreppunnar). En hver er þá sá sem tekur þessa ákvarðanir (skilanefndirnar eða ríkið?) og hvaða eftirlitsaðilar hafa leyft það (Fjármálaeftirlitið og ráðuneytið)? Og hver lánar peninga?

Að þetta skuli geta gerst í nýrri ríkisstjórn, og það ríkisstjórn vinstri flokkanna, sýnir aðeins hversu spillt íslensk pólitík er og að við þurfum að stokka upp spilin aftur.

Burtu með Samfylkinguna og Steingrím J. Sá síðarnefndi sýnir með setu sinni sem fjármálaráðherra að hans tími er liðinn rétt eins og Ingibjargar Sólrúnar. Við þurfum nýja vendi til að sópa burtu óþverranum. Ekki þarf að taka fram að tími Jógu er löngu liðinn!

[Maelstrom, 12.8.2009 kl. 09:52]

Það er skilanefnd sem tekur þessar ákvarðanir og það eru kröfuhafa bankanna sem borga.

Það er hlutverk skilanefndar/skiptanefndar að hámarka virði þeirra eigna sem eru þarna.  Það er því val um að greiða kröfuhöfum beint út með þeim peningum sem til eru eða að nota hluta þessarra peninga til að viðhalda þeim eignum sem eru í búinu.