Þjálfaranum að kenna?

Norski landsliðsþjálfarinn hefur verið gagnrýndur harðlega heima fyrir undanfarið og hafa fimm fastir leikmenn liðsins ekki gefið kost á sér í norska landsliðið vegna hans.

Nú er honum hins vegar hrósað í hástert af norskum fjölmiðlum fyrir að velja 18 ára ungling í byrjunarliðið gegn Íslandi -og það leikmanni sem leikur í 2. deildinni í Noregi! - sem gerir sigurmarkið.

Íslenski landsliðsþjálfarinn, Sigurður R. Eyjólfsson, þorir hins vegar ekki að taka neinar áhættur, velur t.d. Margréti Láru Viðarsdóttur í byrjunarliðið og tekur hana ekki útaf í leiknum þrátt fyrir lélega leiki í keppninni og þó svo að hún hafi ekki sýnt neitt undanfarin ár.

Reyndar veit ég ekki af hverju fjölmiðlar fullyrða að íslenska liðið eigi ekki lengur möguleika á að komast í 8-liða úrslit keppninnar. Með sigri á Þýskalandi í síðasta leiknum er 3. sætið raunhæfur möguleiki og þar með sæti í úrslitunum.

En þá verður Sigurður Ragnar að sýna dug og skipta úr gömlum, útbrunnum jöxlum eins og Margréri Láru og setja inn unga stjörnu, rétt eins og norski þjálfarinn gerir, þ.e. stúlku eins og Fanndísi Friðriksdóttur.  Hann hefur jú engu að tapa.

EM: Mjög ósáttur við að tapa

Athugasemdir

[Guðmundur Pétursson, 27.8.2009 kl. 21:13]

Það lekur af þér bullið eins og vanalega Torfi minn.  En ég er sammála því að Fanndís með hraða sínum er alltaf akkur.  Það vantar allt support fyri Margréti,  48 mörk í 53 landsleikjum er nú ekki slæmt fyrir "útbrunninn" 23 ára leikmann.