Þetta gos er auðvitað aprílgabb eins og allt í fjölmiðlunum (allt árið um kring), hvorki fugl né fiskur. Líklega með ræfilslegustu gosum síðan eldarnir byrjuðu á Reykjanesi. Segja má að því hafi lokið áður en það byrjaði miðað við fullyrðingar um rosalega kvikusöfnun og hættu á stórgosi.
Enda var umfjöllun fjölmiðlafólksins í samræmi við það til að byrja með: Hamfarir!! Svo er aðeins dregið úr og sagt "ekki stórbrotið", eða "ekki mjög mikið" o.s.frv. 

Nær væri auðvitað að segja eins og er: Þetta gos er óttalegur ræfill!

	Beint: Eldgos á Reykjanesskaga
Ábyrgðarmaður færslu Tilkynna um óviðeigandi tengingu við frétt

Þetta er allt með mestu ólíkindum. Hvernig komst RÚV að þessu? Ekki í gegnum barnsföðurinn þar sem fréttastofan hafði samband við hann að fyrra bragði. Það mætti halda að slúðurfréttafjölmiðlar eins og DV kæmi með slíka frétt en ekki ríkisfjölmiðillinn. Hann er reyndar frægur fyrir ýmislegt undanfarið eins og byrjunarmálið og fleira en þetta tekur nú öllu öðru fram.
Svo er það forsætisráðuneytið sem barst erindi um þetta fyrir um viku síðan. Lofaði að fara með það sem trúnaðarmál en lak því svo í RÚV-miðilinn.
Það var auðvitað strax ljóst að ráðherranum væri ekki sætt í embættinu eftir þetta og yrði að segja af sér. Þetta er reyndar ekki fyrsta aðförin að henni persónulega undanfarið en þessi er verri en nokkuð sem vont er. 
Flokkur flokksins hlýtur að bregðast við þessu, enda hefur spjótunum verið mjög beint að honum. Eðlilegustu viðbrögðin eru að slíta stjórnarsamstarfinu nú.
Var það kannski ætlunin með þessum leka hjá forsætisráðuneytinu?

	Barnamálaráðherra átti barn með 15 ára dreng
Ábyrgðarmaður færslu Tilkynna um óviðeigandi tengingu við frétt

Ljóst er af þessi frétt og ótal yfirlýsingum leiðtoga Evrópuríkjanna, þar á meðal íslensku ríkisstjórnarinnar, að Evrópa leggst alfarið gegn hugmyndum Bandaríkjastjórnar um raunverulega frið í Úkraínu.
Það sama er að gerast nú og gerðist í friðarviðræðum Rússa og Úkraínumanna í Istanbúl sem hófust 10. mars 2022. Samningur var lagður fram 17. mars og 15. apríl og munaði litlu að hann yrði samþykktur af báðum aðilum. Vesturlönd komu hins vegar í veg fyrir það, m.a. vegna þess að þau sættu sig ekki við að Úkraína yrði hlutlaust land!

Þetta er enn þvert á það sem Evrópuþjóðirnar vilja. Þær krefjast þess að úkraínski herinn verði efldur með vopnum og með aðstoð frá Vesturlöndum - og hafna með öllu afvopnun hersins.
Þetta þó þær viti að Rússar munu aldrei samþykkja slíkt. 

Rússar krefjast þess hins vegar að Vesturlönd hætti með öllu að sjá Úkraínu fyrir vopnum og að þjálfa úkraínska hermenn. Ennfremur að landið láti af öllum áformum um að gerast meðlimur í Nató og verði í þess stað hlutlaust ríki. Það verði einnig að fækka stórlega í herliði sínu.

Þetta eru þær forsendur sem Rússar setja fyrir friði á svæðinu, forsendur sem Evrópa hafnar með öllu og vill þannig halda stríðinu áfram með öllum ráðum. 
Úkraínustríðið er í raun og veru styrjöld Evrópu (Nató reyndar því Kaninn er enn með) við Rússland með Úkraínu sem staðgengil sinn (proxy war), þ.e. stríð sem Evrópulöndin (og Nató) styrkja að fullu en þurfa ekki að fórna neinum mannskap í það (láta Úkraínu sjá um mannfórnirnar að mestu, auk "sjálfboðaliða" úr vestrinu).

	Segir víðtæka samstöðu vera að myndast
Ábyrgðarmaður færslu Tilkynna um óviðeigandi tengingu við frétt

Það var vitað mál lengi að WOW air væri í raun gjaldþrota, og það löngu áður en forstjórinn, Skúli Mogensen, viðurkenndi það. Þrátt fyrir það tókst honum að blekkja fjárfesta til að kaupa hlutabréf í gjaldþrota flugfélaginu, komst upp með það og þurfi svo engu að gjalda fyrir að hafa féflett fjölda félaga.
Eftir á sagðist hann hafa sett allt sitt fé í fyrirtækið og stæði uppi fjárvana - en tókst samt að kaupa Hvammsvíkina stuttu síðar og byggja þar upp þokkalegustu aðstöðu - fyrir stórfé. Seinna kom fram að hann hafi aðeins tapað 770 milljónum í gegnum félag sitt Titan. Gjaldþrotið nam hins vegar 20 milljörðum.
Já, Ísland er gósenland fyrir braskarana. Engin viðurlög þrátt fyrir margítrekað svindl.

Flugfélagið varð opinberlega gjaldþrota 28. mars 2019. Deginum áður birtist frétt í Fréttablaðinu, að Skúli, ásamt nokkrum stjórnarmönnum, hafi farið á fund í fjármálaráðuneytinu og komið flestir glaðbeittir út þaðan.
Í “söluræðu” Skúla sem vitnað er til í fréttinni segir að lausafjárstaðan verði orðin jákvæð um meira en milljarð þegar það sumarið (í júní!). Hún verði svo komin í næstum þrjá milljarða í lok árs 2021 og rekstrarafgangur orðinn um níu milljarðar!
Svo leið ekki nema sólarhringur frá þessari frétt þar til flugfélagið var lýst gjaldþrota. Þrátt fyrir þennan blekkingarleik Skúla birta blöðin viðtöl við hann eftir gjaldþrotið og fréttir um hve sárt þetta taki hann, þ.e. birta mynd af honum sem góða gæjanum. 
Í skuldabréfaútboðið 18. september 2018 söfnuðust um 8 milljarðar króna sem áttu að duga til að brúa reksturinn næstu 18 mánuði! Í lok nóvember birti WOW hins vegar tilkynningu þar sem fram kom að langtímafjármögnun væri ótrygg og félagið þyrfti nauðsynlega á auknu fé að halda. Spurt var hvert þessir átta milljarðar hafi farið en fullnægjandi svör fengust ekki.
Þeir virðast hafa gufað með öllu upp og aldrei farið í að greiða niður skuldir.

	WOW air var í raun gjaldþrota löngu fyrr
Ábyrgðarmaður færslu Tilkynna um óviðeigandi tengingu við frétt

Sjarm-sókn Macrons með heimsókn sinni í Hvíta húsið til "vinar" síns, Trumps, er greinilega gerð til að bæta stöðu hans heima fyrir. Þar hefur hann átt mjög í högg að sækja eftir kosningarnar í Frakklandi í fyrra þar sem flokkur Macrons beið afhroð, tapaði miklu fylgi.
Í kjölfar þessa ósigurs hefur hann komið því til leiða að flokkur hans heldur enn völdum þrátt fyrir að lítinn stuðning á þingi. Macron hefur þannig í raun afnumið þingræðið í landinu með því til dæmis að skipa fjárlög án samþykki þingsins og þar sem afnema löggjafarvald þess að hluta.
Því er honum mikil nauðsyn að sýna fram á að hann sé í leiðtogahlutverki í Evrópu og standi vörð um öryggi ESB-landanna (og NATÓ). Segja má að þetta hafi honum tekist með því að halda góðu sambandi við Trump, þrátt fyrir allt. 

Líklega hefur fundur Selenskís og Trump, í boði Macrons, í París í desember síðastliðnum haft þar mikið að segja. Eftir myndum að dæma af þeim fundi hefur Selenski móðgað Trump, sem skýrir fjandsamleg ummæli Bandaríkjaforseta í garð Úkraínumannsins. Þá gekk Macron á milli sem hinn viðkvæmi (og hégómlegi) Trump kunni að meta. Þar hljóp Selenskí illilega á sig, sem hann í raun viðurkennir nú með því að bjóðast til að segja af sér.
Sjá hér myndina sem sýnir móðgunina - og tilraun Macrons til að stöðva Selenski - glögglega. Hinn litla karl sem er að gera sig breiðan:

https://www.ruv.is/frettir/erlent/2024-12-07-zelensky-raeddi-vid-trump-um-horfur-stridsins-i-ukrainu-430470

	„Enginn leiðtogi heimsins höndlar Trump eins vel og Macron“
Ábyrgðarmaður færslu Tilkynna um óviðeigandi tengingu við frétt