Er þetta frétt?

Djöfuls röfl og engin hætta! 
Hinsvegar má gagnrýna hvernig umferðin á höfuðborgarsvæðina Löggan sést aldrei enda fara bílar reglulega yfir á rauðu ljósi.

 

Myndskeið: Stórhættulegur framúrakstur

Að setja skilyrði fyrir sjálfstæði þjóðar

Fréttirnar af góðmennsku Kanadamanna (og Breta) í garð Palestínu eru fullar af hræsni. Ekkert talað um skilyrði þess að viðurkenna sjálfstæði landsins.
Skilyrði Kanadastjórnar eru m.a. þau að að útiloka Hamas frá þátttöku í lýðræðislegum kosningu í Palestínu og afvopnun samtakanna. Taka skal fram að árið 2008 voru kosningar haldnar í Palestínu þar sem Hamas vann stórsigur á hinum gjörspillta Fatah-flokki sem þá var við stjórn og er enn að hluta.
Þessi beinu afskipti af innanríkismálum þjóðarinnar eru auðvitað forkastanleg og vitað mál að engin þjóð með snefil af sjálfsvirðingu mun sætta sig við slíkt (nema kannski hin spillta stjórn Abbas á Vesturbakkanum).
Þetta er þannig einber sýndarmennska í Kanadamönnum og hið sama gildir auðvitað um Bretana. Jafnframt er þetta óbeinn stuðningur við Ísrael og réttlæting á ofbeldi þeirra gagnvart Gazabúum.
Þjóðarmorðið þar er nefnilega allt Hamas að kenna!

Kanada hyggst viðurkenna sjálfstæði Palestínu

Af hverju ekki lögbann á þetta?

Nú hefur Landsvirkjun verið gerð afturreka með virkjunarframkvæmdir þarna allavega tvisvar, nú síðast með dómi Hæstaréttar en halda samt áfram eins og ekkert hafi í skorist.

Þetta er klárlega lögbrot og það af grófara taginu. Vinir Þjórsár hafa barist af miklum krafti gegn þessum virkjunaráformum og -framkvæmdum og haft ítrekað haft erindi sem erfiði.

En hvað dvelur Orminn langa nú? Af hverju krefjast þeir ekki lögbanns á þessar ólöglegu framkvæmdir?

Kraftur í framkvæmdunum

Gosmóða?

Merkilegir þessir "náttúruvár"sérfræðingar. Þokamóðan sem nú liggur yfir höfuðborgarsvæðinu og eflaust víðar, kallast nú gosmóða, því eitt pínulítið eldgos er í gangi ekki langt frá!

Samt liggja engar mælingar fyrir um að þetta sé goðsmóða, enda flestir mælar sem slíkt mæla bilaðir, eins og komið hefur fram í fréttum.

Ótrúlegt hve sumt fólk hefur mikla þörf á að koma sér og starfi sínu á framfæri. Rosalega mikilvægt lið ...

Mikil mengun en ekki komin á hættustig

Úr hörðustu átt

Ekki nennti ég nú að hlusta á spekingana í Stofunni en get mér þess til að þeir hafi ekki verið alltof hrifnir af landsliðinu né þjálfara þess. Vitandi af Óla Kristjáns þarna er þó ljóst að þar fer maður sem bæði veit og kann.

Hins vegar er því sama ekki fyrir að fara hjá syni landsliðsþjálfarans. Hann getur ekkert í fótbolta og veit greinilega engu meira. Ávallt valinn í landsliðið, eflaust í gegnum pabba-klíku, þrátt fyrir að verma iðulega bekkinn hjá lélegu, þýsku b-deildarliði.

Vondandi losnum við alfarið við þá feðga héreftir og þó fyrr hefði verið.

Landsliðsmaðurinn skaut rækilega á RÚV

Liggur á landanum!

Sérkennilegt val landsliðsþjálfaranum í hægri bakvarðarstöðuna. Guðný Árnadóttir valin, sem kemst varla í lið hjá félagsliði sínu í Svíþjóð, Kristianstad! Enda notfæra Finnarnir sér það ágætlega, sækja mikið á hana upp vinstri kantinn svo mikil hætta skapast hvað eftir annað þeim megin.
Ekki sannfærandi fyrri hálfleikur hjá íslenska liðinu.
Svo eru það skiptingarnar í seinni hálfleiknum, það er að taka Hlín útaf og setja Öglu inná í staðinn. Allt í lagi með Öglu en af hverju Hlín en ekki Sandra Jensen sem hefur lítið sést?
Svo 0-1 (auðvitað upp vinstra kantinn) og Ísland einum færri! Og áfram sækja Finnar. Og nú eiga þeir ekki aðeins mun fleiri skot að marki heldur halda boltanum mun betur (55% en áður var þetta jafnt).
Karólína útaf. Þjálfarinn mikli og sjálfumglaði að gefast upp?
Katla Tryggva gerir kröfu til byrjunarliðssætis í næsta leik eftir góða innkomu.

Allt fór á versta veg í fyrsta leik Íslands

Skelfilegt!

Eftir góðan sigur gegn Skotum hefði maður búist við eitthverju svipuðu frá landsliðinu gegn Norður-Írum. En ó nei! Þveröfugt. Skelfilega lélegur leikur, hægur og leiðinlegur.
Sökudólgurinn er þjálfarinn. Tekur útaf bestu leikmenn liðsins í fyrri leiknum, Mikael Ellerts og Stefán Teit, og setur inná tvö mjög slaka leikmenn, Loga Tómasar og Willum Willums.

Það eru fleiri vandamál í þessu byrjunarliði, svo sem Hákon í markinu. Hann á stóra sök á hve hægur og leiðinlegur leikur Íslands er. Stuttar sendingar, hægt spil, mikið spilað til baka. Elías Ólafs var miklu betri í leiknum gegn Skotum. Setti hraða í leikinn með löngum spyrnum fram.
Svo er auðvitað sama vandamálið með Jón Dag og venjulega. Það kemur ekkert út úr honum og hefur ekki gert lengi.
Það þarf fljóta kantmann þarna hægra megin, mann eins og Mikael Anderson. So er Andri Guðjohns ansi dapur frammi og Hákon Haralds er mjög ofmetinn leikmaður. Alltof líkamlega veikburða og tapar nær öllum návígjum. Þarf sterkan mann á miðsvæðið.
Fimm skiptingar í hálfleik. Mikael Ellerts í stað Loga, Stefán Teitur í stað Willums, Elías Ólafs í stað Hákons V, Mikael Anderson í stað Jón Dags og Ísak í stað Hákons H. Svo vantar okkur tilfinnanlega almennilegan senter.

Aðeins ein skipting í hálfleik. Arnór Trausta gerður að sökudólgi. Lengi lifi hinn geðprúði og tungulipri þjálfari íslenska landsliðsins sem kemur alltaf á óvart með liðsvali sínu (og mjög svo þróuðu "leikskipulagi"), Arnar Gunnlaugsson!!
Svo þreföld skipting á 62. mín. Daníel tekinn útaf en ekki Logi!!!
Gaman samt að fá Mikael A, Þóri Helga og Kristian Hlyns inná.
Svo ennþá meiri skemmtun í skiptingum! Albert útaf (en ekki Andri) og Sævar inná (framherji jú sem ekki veitir af).
Svo loksins er Logi tekinn útaf og loksins kemur Stefán Þórður inná. Alltof seint og alltof lélegt!
Ætli leikmenn landsliðsins séu enn að læra á þetta frábæra leikkerfi þjálfarans (hvaða leikkerfi annars?)?

Ísland nýtti ekki liðsmuninn í Belfast

"fínasta veður"?

Athyglisverð þetta um fínasta veður í Fljótshlíðinni, um 10 stig hiti nú þegar sumarið ætti að vera komið á fulla ferð. 
Svo var það nóttin, aðfararnótt hvítasunnudags. Þá frysti víða svo sem hér á höfuðborgarsvæðinu. Það frysti t.d. á Sandskeiði (í fjóra tíma). Frostið fór mest í -2,5 stig. Í Víðidal fór hitinn lægst í 0,2 stig og við Korpu í 0,6 stig.
Á Þingvöllum var frost í þrjá tíma (mest -1,1 stig) en í fjóra tíma í Þykkvabæ (mest -1,4 stig). Hitinn fór niður undir frostmark á fleiri stöðum á Suðurlandi. Sem sé "fínasta veður"!
Þá frysti í Húsafelli, Hvanneyri og víðar í Borgarfirði. Einnig frysti fyrir norðan, svo sem á Haugi í Miðfirði. 
Var ekki einhver að tala um hnattræna hlýnun ...

Ferðalangar fjölmenna á Hellishóla

Með skap mömmu sinnar!

Sex breytingar frá síðasta leik þar af fjórir á bekknu­­m se­m byrjuðu þá: Hákon Rafn Valdi­marsson, Willum Þór Willumsson, Þórir Jóhann Helgason og Arnór Ingvi Traustason.
Sérkennilegt er að Mikael Ellerts er í vinstri bakverðinum, stöðu sem hann hefur eflaust aldrei leikið í áður. Hörður Björgvin beint inn í byrjunarliðið eftir að hafa spilað í nokkrar mínútur undanfarin tvö til þrjú ár. Það væri fróðlegt að vita hvað Daníel Grétars og Logi Tómasar finnst um að þannig sé gengið framhjá þeim en þeir hafa verið fastamenn í landsliðinu undanfarið, þó Daníel hafi verið meiddur í síðustu leikjum. Þá hafa Kristian Hlyns og Þórir Helga verið að spila mikið með félagsliðum sínum í sterkum deildum en sitja nú á bekknum.
Svo eru það Arnór Trausta, Mikael Andersen og Willum. Þeir spila alla leiki með félagsliðum sínum og hafa staðið sig vel með landsliðinu. Einnig eru markmannsskiptin sérkennileg.
Þá nenni ég varla að nefna lengur Jón Dag sem lítið sem ekkert fær að spila með lélegu þýsku b-deildarliði. Ætli KSÍ heimti að hann sé fastamaður í landsliðinu vegna þess að pabbi hans er að þjálfa kvennalandsliðið?
Undarleg tilraunamennska hjá landsliðsþjálfarinn. Hræddur við að nota yngri og efnilegri menn? Skapið frá mömmunni? Svo fagnaði Arnar ekkert þegar Ísland komst yfir. Brosti ekki einu sinni. Ætli honum leiðist að vinna?
Hörður Björgvin með tvö slæm mistök og mark í seinna skiptið!
Albert alltaf að rífa kjaft. Efast um að Everton hafi áhuga á að kaupa hann!
Ísland komið yfir. Sverrir skoraði markið, ekki Jón Dagur, enda var boltinn kominn yfir línuna þegar Jón sparkaði honum aftur inn (greinilega rangstæður).
Mikael Ellerts verið besti maður Íslands í fyrri hálfleik, sérstaklega framávið. Stefán Þórðar einnig góður, sem og Sverrir sem aldrei klikkar.
Hörður útaf, Daníel inná!
Flott aukaspyrna hjá Albert og flott mark (1-3) - og enn brosir Arnar landslliðsþjálfari ekki!
Elías í markinu flottur!! Hákon að missa sæti sitt?

Glæsilegur sigur Íslands í Glasgow

Íslenskt skáklíf í mikilli sókn?

Ekki er alveg ljóst hvers vegna Gunnar Björnsson er að hætta sem forseti Skáksambandsins en líklega er (loksins) komið fram framboð gegn honum - framboð sem gæti bent til óánægju með störf hans.
Í 16 ára forsetatíð Gunnars hefur árangur íslenskra skákmanna hrakað ört. Nær engir efnilegir skákmenn hafa komið fram, eins og sést á slökum árangri þeirra á alþjóðlegum vettvangi, auk þess sem árangur íslenska karlalandsliðsins hefur orðið lélegri með hverju árinu sem líður. 

Þetta sést vel á árangri landans á Reykjavíkurskákmótinu í ár. Þar töpuðu nær allir Íslendingarnir stigum, nema ungu krakkarnir sem græddu einhver stig (en urðu þó neðarlega).

Einnig á Ólympíumótinu í fyrra (2024). Þá varð íslenska karlasveitin í 68. sæti, neðst Norðurlandaþjóðanna (m.a.s. lægri en Færeyingar!). Fyrir mótið var Ísland 46. stigahæsta landið.
Eins og einhverjir muna er besti árangur Íslands á Ólympíumóti fimmta sætið! Það var auðvitað fyrir tíð Gunnars í forsetastóli.

Konurnar enduðu í 58. sæti, einnig neðstar Norðurlandaþjóðanna.

Á EM ungmenna í fyrra (2024) voru 23 keppendur frá Íslandi (en engir á HM)! Aðeins einn keppandinn var með 50% vinninga og þar yfir (5 v. af 9 mögulegum). Sjö voru með 4 vinninga. Fæsta vinninga fékk strákur í efsta aldursflokki, með 2 vinninga (varð nr. 123). Fimm voru með 2,5 vinninga og þrír með þrjá vinninga. Sex Íslendinganna voru með 3,5 v. Sætin voru frá 35-138. Átta þeirra lentu undir 100. sætinu. Lélegasti árangurinn var í þremur elstu strákaflokkunum en þar lenti sá með flesta vinninga í 88. sæti. 12 keppendanna töpuðu stig á mótinu, eða meirihluti þeirra íslensku. Sá sem tapaði mestu missti næstum 50 stig!

Sem sé. Mikil sókn: íslenskt skáklíf "hafi vaxið þétt á tíma hans sem for­seti."

Gunnar Björnsson hættir sem forseti skáksambandsins