Leikur um 5. sætið?

Þetta er nú ótrúlegt að sjá. Ekki eitt einasta mark á fyrstu sjö mínútunum og aðeins tvö mörk á rúmum tíu mínútum!

Þetta er í raun enn dapurlegra en á móti Svíum en munurinn nú er sá að við erum að spila við mun lélegra lið. Enn eru Aron Pálma og Alex að klikka en bættu reyndar fyrir það undir lokin.

Einhver íþróttaféttamaðurinn sagði að þetta lið væri mun sterkara en liðið á síðasta HM (!) en það er augljóst að þetta lið er mun lélegra. Það er mun eldra og sömu leikmenn með nú og síðast, nema þeir ungu svo sem Ólafur Guðmundsson og Rúnar Kárason sem báðir fá að sitja heima meðan gamlingarnir eru valdir (og ofnotaðir) enn eitt árið.

Ég held að það sé fullreynt með Aron Kristjáns sem landsliðsþjálfara. Við eigum fullt af góðum þjálfurum sem eru að gera það gott á alþjóðavísu en Aron er því miður ekki í þeim gæðaflokki. 


mbl.is Torsóttur en öruggur sigur á Alsír
Tilkynna um óviðeigandi tengingu við frétt

Samsæriskenningar ...

Gangrýnir menn eru aðeins farnir að rýna í atburðina í Frakklandi og viðbrögð franskra stjórnvalda við þeim. T.d. þykir skipulagningin á samstöðugöngunni í París hafa gengið ótrúlega hratt og vel fyrir sig. Það var eins og menn væru undirbúnir árásunum. Ráðamenn þjóðanna, eins annríkt og þeir annars hafa, mættu flestir án nokkurra vandkvæða þó svo að fyrirvarinn væri stuttur. Það var eins og haft hefði verið samband við þá fyrir löngu og þeir beðnir að taka þennan dag frá (það gleymdist aðeins að hafa samband við íslensk og bandarísk stjórnvöld!).

Þá var eins og skyltin og spjöldin, sem þátttakendurnir báru, hafi verið tilbúin fyrirfram en það tekur auðvitað langan tíma að útbúa slík spjöld.

Því er spurningin hvort morðin á starfsmönnum skopmyndablaðsins hafi ekki verið skipulögð af frönskum stjórnvöldum til þess að herða eftirlit með borgurunum. Nú þegar eru stjórnvöld á Vesturlöndum byrjuð að undirbúa enn meiri njósnir í netheimum og herta "hryðjuverkalöggjöf".

Auk þess má benda á að blaðið var óþægilegt fleirum en múslimum. Vestræn stjórnvöld fengu einnig sinn skammt þar.

Þá hlýtur það að vekja upp spurningar af hverju tilræðismennirnir voru allir drepnir, skotnir eins og dýr, í stað þess að reynt væri að ná þeim lifandi og yfirheyra þá. Skýringin er augljós ef þeir voru útsendarar stjórnvalda, plataðir á einhvern hátt til verknaðarins. Saga þeirra mátti ekki heyrast.


mbl.is Nýtt myndskeið af morðingjunum
Tilkynna um óviðeigandi tengingu við frétt

Af hverju ekki Obama?

Ætli ástæðan fyrir því að topparnir í USA mættu ekki til samstöðufundarinnar í París sé sú að þeir styðja á laun ISIS sem eiga að standa að baka árásanna?:
http://www.infowars.com/iraqi-intelligence-usa-is-supplying-isis-with-weapons-food/

 

 


mbl.is Tróð Nicolas Sarkozy sér fremst?
Tilkynna um óviðeigandi tengingu við frétt

Af hverju þá að skilja hann eftir?

Fyrst landsliðsþjálfarinn var svona ánægður með hægri hornamanninn þá hlýtur það að vekja furðu að skilja hann eftir og fara aðeins með einn vinstri handar hornamann á HM (Ásgeir Örn getur varla talist hornamaður eins og sást í leiknum gegn Slóvenum í gær þar sem hann klúðraði tveimur dauðafærum úr horninu í lokin). Í staðinn valdi Aron Gunnar Stein Jónsson og þar með að fara með þrjá liðstjórnendur á mótið. Skrítið.


mbl.is Ánægður með Guðmund
Tilkynna um óviðeigandi tengingu við frétt

Og Nethanyau

Þarna er einnig forsætisráðherra Ísraels sem er ábyrgur fyrir fjöldamorðunum á Gaza, sem eru ekkert annað en verstu stríðsglæpir, og sem heldur fjölda Palestínumanna í fangelsi án þess að rétta í máli þeirra.

Það sem flestir þessara einræðisherra og mannréttindabrotamanna eiga sameiginlegt er að vera handbendi vestrænna stjórnvalda, aðallega Bandaríkjanna, í yfirgangsstefnu þeirra gagnvart fjölmörgum ríkjum í Miðausturlöndum (Afganistan, Írak, Sýrland, Líbýu).

Þeir þykjast vera á móti ofbeldi en það eru þessar þjóðir sem beita mestu ofbeldinu sjálfar og ættu með réttu að kallast hryðjuverkaríki.


mbl.is Fordæma nærveru „afræningja“
Tilkynna um óviðeigandi tengingu við frétt

"Ég er Ahmed"!

Um netheima fer nú nýtt slagorð tengt atburðunum í París, slagorð sem byggist á því viðtekna: Ég er Charlie.

Það tengist islamska lögreglumanninum sem var skotinn fjarri ritstjórnarskrifstofum skopblaðsins.

"Ég er Ahmed", segir þar ("JeSuisAhmed"), "ég dó svo að þið gætuð haldið áfram að hæðast að trú minni og menningu."

http://mic.com/articles/107988/the-hero-of-the-charlie-hebdo-shooting-we-re-overlooking

 


mbl.is Atburðarás gærdagsins
Tilkynna um óviðeigandi tengingu við frétt

Tilraunamennska eða kannski ekki?

Loksins kom að því að íslenska karlalandsliðið í fótbolta léki æfingarleiki. Tveir æfingarleikir gegn Kanada nú um miðjan janúar!

Og hópurinn er nú loksins tilraunakenndur þó svo að enn séu nokkur lík í lestinni eins og Þórarinn Valdimarsson og einnig uppvakningar eins og Hörður Árnason, leikmaður Stjörnunnar sem enginn hefur heyrt talað um fyrr en nú.

Hins vegar eru menn enn skildir eftir sem ætla mætti að styrktu þetta lið, menn eins og Steinþór Þorsteinsson og Indriði Sigurðsson, Viking, Pálmi Rafn Pálmason (Lilleström/KR), Hjálmar Jónsson, Gautaborg, Guðmundur Kristjánsson, Start, og Arnór Ingvi Traustason Norrköping (en hann átti stórleik með 21. árs liðinu gegn Dönum nú í haust). Í staðinn eru menn eins og Ólafur Finsen og Elías Ómarsson valdir, auk þeirra áðurnefndu Þórarinn og Hörð.

Þá er einnig athyglisvert að Rúrik og Theódór Elmar séu í þessu liði þar sem maður hefði haldið að þeir væru gefnir í A-liðið. Gaman hefði verið að sjá í staðinn Helga Val og Hólmar Örn, jafnvel Ólaf Skúla og Hörð B. Magnússon sem eru nokkuð langt frá byrjunarliðinu eins og er. Einnig Viðar Örn sem hefur fengið fá tækifæri með A-liðinu. Svo er auðvitað spurning um Birki Má. Er hann öruggur um sæti sitt í byrjunarliði aðalliðsins og því ekki valinn nú? Svo er það eilífðarspurningin um Björn Bergmann Sigurðarsson. Gefur hann kost á sér eða ekki?


mbl.is Fimm nýliðar í fótboltalandsliðinu
Tilkynna um óviðeigandi tengingu við frétt

Voru að kaupa framherja

Þetta er eflaust satt og rétt hjá Redknapp því QPR var að kaupa framherja og ætti því að vera vel sett með sóknarmenn úr þessu.

Lille gæti hins vegar verið vænlegur kostur fyrir Kolbein en liðið hefur skorað einna minnst liða í frönsku úrvalsdeildinni á þessari leiktíð. 

Enda kominn tími til að það komi íslenskur leikmaður í frönsku deildina - og sömuleiðis að hann fái þá eitthvað að spila ...


mbl.is Redknapp neitar fréttum af Kolbeini
Tilkynna um óviðeigandi tengingu við frétt

Rasistar?

Þessi franski rithöfundur er nú þekktur rugludallur og últra-hægri sinni en heimspekingurinn, Alain Finkiekraut, ekki síður. 

Hann er síonisti, þ.e. harður stuðningsmaður útþenslustefnu Ísraelsríkis, pólskur gyðingur sem flutti til Frakklands og lærði í USA.

Þrátt fyrir uppruna sinn umgengst hann menn eins og króatíska forsætisráðherrann og fasistann Tudman, sem hefur neitað að helförin hafi nokkurn tímann átt sér stað. Finkiekraut hefur einnig verið sakaður um að vera hlynntur fasískum stjórnarháttum.

Athyglin sem umrædd bók hefur fengið sýnir hve nýfasismanum hefur vaxið fiskur um hrygg á undanförnum árum.

Merkilegt hve sumir meintir líberalistar hér á landi hampa henni. Frjálslyndið er kannski bara í nösunum á þeim?


mbl.is Íslamski Svartiskóli Parísar
Tilkynna um óviðeigandi tengingu við frétt

Felld?

Þetta er greinilega pró-ísraelsk - og pró-bandarísk frétt.

Tillagan var auðvitað ekki felld heldur samþykkt með stórum meirihluta atkvæða en Bandaríkin beittu neitunarvaldi - að venju - til að koma í veg fyrir að hún öðlist lagalegt gildi.

Þessi fréttaflutningur mbl.is er auðvitað enn eitt dæmið um hlutdrægni hægri pressunnar hvað málefni Ísraels varðar ("Ísraelar fagna niðurstöðunni") og ágætt dæmi um þjónkunina við Kanann.

Menn þar á bæ virðast gleyma því að Ísland hefur viðurkennt Palestínu sem sjálfstætt ríki og fordæmt Ísrael fyrir margítrekuð mannréttindabrot gagnvart Palestínumönnum.


mbl.is Tillaga um brotthvarf frá Palestínu felld
Tilkynna um óviðeigandi tengingu við frétt

« Fyrri síða | Næsta síða »

Um bloggið

Torfi Kristján Stefánsson

Höfundur

Torfi Kristján Stefánsson
Torfi Kristján Stefánsson
Höfundur er áhugamaður um hina ólíkustu hluti

Færsluflokkar

Heimsóknir

Flettingar

  • Í dag (22.8.): 0
  • Sl. sólarhring: 7
  • Sl. viku: 29
  • Frá upphafi: 0

Annað

  • Innlit í dag: 0
  • Innlit sl. viku: 24
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband