Ekki er þetta nú strangur dómur!

Tveggja milljón króna sekt eða fangelsi í tvo mánuði (hafa milljón á mánuði í laun við að sitja inni) fyrir að komast yfir hlutabréf með ólöglegum hætti og græða þar með 49 milljarða íslenskra króna!!!

Þetta eru skýr skilaboð til hvítflibbanna að hvítflibbaglæpir borgi sig svo sannarlega.  

Berið þetta svo saman við ofbeldisbrot, fíkniefnabrot og smáþjófaði ógæfumanna svo dæmi séu tekin. Það er greinilegt að það er ekki sama Jón og sr. Jón - yfirstéttin og peningaöflin annars vegar og ógæfusamur almenningur hins vegar.

 

Dæmdur til að greiða 2 milljónir

Fleiri vandamál en þessi!

Lars Lagerbäck á nú við fleiri vandamál að stríða en þessi - þó svo að hann fari ekki hátt með þau. Hann talaði á blaðamannafundinum um að Björg Bergmann væri ekki valinn í liðið, m.a. vegna þess að hann hefur ekki fengið mikið að spila með félagsliði sínu, Úlfunum.

Það á nú við um fleiri. Birkir Bjarnason var einnig að falla með liði sínu um deild - og hefur spilað minna með því (ónotaður varamaður í fjórum leikjum af síðustu sjö) en Björn Bergmann en er samt valinn.

Þá er Ólafur Ingi Skúlason valinn í liðið (eins og undanfarið) þó svo að hann sé nær ekkert að spila með liði sínu (varamaður í átta síðustu leikjum og kom ekkert inná í þremur þeirra. Þetta gerir um tíu mínútur að meðaltali í síðustu 10 leikjum!!!).

Sama er að segja um Rúrik Gíslason. Hann er valinn þó svo að hafa lítið sem ekkert fengið að spila með liði sínu, FCK (ónotaður varamaður í fimm leikjum af síðustu sjö).

Og skyndilega er Hjálmar Jónsson valinn í liðið á ný þó svo að hann hafi ekkert leikið með Gautaborg í sænsku deildinni í vor! Hvað með Indriða Sigurðsson sem leikur alla leiki með sínu liði í mjög svipaðri deild (og svipað sterku liði)? 

Fyrir utan liðið eru menn eins og Steinþór Þorsteinsson þó svo að hann sé að spila alla leiki með liði sínu í norsku deildinni, Sandnes og er einn af hæstu mönnum í stigagjöf blaðsins VG. Þá má nefna Theodór Elmar Bjarnason sem spilar reglulega með liði sínu Randers sem varð í 3. sæti dönsku úrvalsdeildarinnar. Fleiri má auðvitað nefna.

Eins og venjulega velur Lars landsliðsþjálfari nær alltaf sömu mennina sama í hversu lélegu leikformi þeir eru (Sölvi Geir er enn eitt dæmið).

Þetta hlýtur að enda illa. 

 

  

Öflugra leikmanna er saknað

Baggalútur með´etta!

http://baggalutur.is/mobile/?id=5781

Á þess að ég viti um málið þá er það ekki mjög alvarlegt og óþarfi að gera sig að fórnarlambi vegna þess.

Það versta skilst mér að hafi verið það að hún var kölluð afturhaldspíka. Varla er það svo alvarlegt! Annars var mest verið að gera grín að ambögunum sem hafa komið frá henni í þinginu.

„Komið yfir vitleysingastigið“

Norðurfirði er það ekki?

Ekki er ég svo kunnugur á Ströndum að ég viti hvar Litla-Ávík en til er þar Norðurfjörður (en ekki Norðfjörður!).

Alhvít jörð í Norðurfirði

Loksins kynjahlutlaus umræða um heimilisofbeldi

Það er kominn tími til að umræðan um kynbundið ofbeldi fjalla ekki aðeins um karla sem gerendur heldur einnig konur.

Þetta á auðvitað ekki síður við um ofbeldi gagnvart börnum en niðurstöður rannsóknarinnar sem fjallar er um í þessari frétt sýna að konur beita börnum oftar ofbeldi en karlar gera.

Þá er auðvitað allaf jafn furðulegt að sjá að upplýsingar um kynbundið ofbeldi komi fyrst og fremst frá félagasamtökum sem beinlínis hafa fjárhagslega hagsmuni af því að draga einhliða fram ofbeldi á hendur konum. 

Því meira af slíku ofbeldi sem sagt er frá, því meiri peningar fást til starfsemi Kvennaathvarfsins og Stígamóta. 

„Þú ert svo mikill aumingi“

Innflytjendur sem hin nýja lágstétt

Af hverju er svona lítið fjallað um óeirðinar í Stokkhólmi (Husby) sem nú breiðast út um allt landið - en þeim mun meira um morðið á hermanninum í London?
Er ástæðan kannski getuleysi miðstéttarinnar (borgaranna) við að horfa sjálfa sig í augun og játa misskiptinguna í samfélaginu (en hneykslast á þeim sem fríka út vegna hennar)? Innflytjendur sem hin nýja lágstétt í Evrópu:
http://www.dn.se/kultur-noje/det-som-hander-i-husby-ar-inte-konstigt

Takk mbl.is annars fyrir þessa frétt. Hún er mun áhugaverðari en viðtalið á Rúv í morgunútvarpinu við Sigrúnu Davíðsdóttur frá London um hermannsmorðið þar á bæ.

Enn loga úthverfi Stokkhólms

Gagnkvæmt ástarjátning

Eru ástarjátningar Katrínar Júl. og Bjarna Ben. í garð hvors annars skilaboð til Framsóknar um að láta nú að stjórn - annars komi brátt nýr stjórnarmeirihluti? ....
http://visir.is/her-er-orugglega-skilid-vel-vid,-segir-bjarni/article/2013705249951

Bjarni „góður maður og ábyrgur“

Og eigandinn á yfir höfði sér langan fangelsisdóm

http://www.vb.is/frettir/84308/

 

Tónlistarmenn mótmæla niðurrifi

Á hann ekki Landsímahúsið og NASA-reitinn?

Ef ég man rétt þá hefur þessi maður komist yfir alla vesturhlið Austurvallar og ætlar þar stóra hluti í uppbyggingu (allt í boði fyrrverandi og núverandi meirihluta í borginni).

Gott að meintir hvítflibba(glæpa)menn skuli enn fá að njóta athafnafrelsis í okkar landi - og munu væntanlega meira að segja sjá fram á bjartari daga með tilkomu nýrrar ríkisstjórnar ....

Eiginmaður fv. ráðherra ákærður

"stórkostlegur karakter"?

Ég held nú að íþróttafréttamenn Stöðvar 2 ættu að hugsa sinn gang eftir þessa frétt. Þeir hafa vart mátt vatni halda yfir stjóranum (Valtýr Björn t.d.) og skort orð til að lýsa aðdáun sína á honum. Þessi gamli fasisti, Di Canio, virðist hafa engu gleymt og notar fasískar aðferðir við að stjórna liði sínu.

Eitthvað fyrir íslenska knattspyrnuþjálfara að taka upp að mati íþróttafréttamanna Stöðvar 2? Þetta er amk hætt að vera fyndið.

Ég vil líka minna á dónaskap kvenkyns þjálfara blakliðs HK (að mig minnir) í garð leikmanna karlaliðsins sem hún þjálfar. Framkoma hennar þótti slík að hún fékk fjölda viðtala í fjölmiðlum sem átti ekki orð til að lýsa framúrskarandi þjálfunarhæfileikum hennar.

Er fasismi virkilega að ryðja sér til rúms í íþróttum hér á landi? 

Aðgerðir Di Canio rannsakaðar