Væl!

Þetta er nú að verða nokkuð þreytt hjá Ara.
Fyrir tveimur árum eða svo lék hann sama leikinn. Vildi komast í burtu frá Sundsvall en þeir vildu ekki sleppa honum. Fyrir ári gerði hann svo tveggja ára samning án þess að hafa neina klásúsu um að honum yrði leyft að fara til annars félags ef liðið félli.
Nú hins vegar fannst forráðamönnum Sundsvall tilboðin sem komu í Ara vera of lág. Þau voru um tvær milljónir sænskra króna en til samanburðar má nefna að Aron Jóhannsson var seldur á um sexföldu því verði.
Það er greinilegt að áhuginn fyrir Ara var takmarkaður sem er nokkuð sem hann verður einfaldlega að sætta sig við - og sýna framá að hann sé meira virði en þetta.
Þá er markaðurinn mjög erfiður um þessar mundir, sérstaklega á Norðurlöndunum.

Ari: Læstu mig inni og hentu lyklunum

Ferðamannabransinn sleginn kaldur?

Hvað er eiginlega að þessum manni? Ferðamannaiðnaðinn "í raun algerlega sleginn kaldur með skattabreytingum"??

Halló! Það er verið að hækka hlægilega lágan skatt (7%), sem að auki innheimtist illa, upp í 14% og meira að segja búið að fresta gildistöku hækkunarinnar fram á haustið!

Á sama tíma hefur gróði þessa "iðnaðar" aldrei verið meiri, enda hefur ferðamannastraumurinn aukist stórlega ár frá ári.

Þetta er greinilega einn þeirra manna sem kennir öllum öðrum en sjálfum sér um slæman rekstur fyrirtækis síns.

„Ekki verið að ýta undir fjárfestingar“

Halló! Var ekki almennur kosningarréttur lögbundin þetta ár?

Árið 1915 voru það ekki aðeins konur sem fengu kosningarétt heldur einnig "eignalausir" karlmenn, þ.e, tómhúsamenn og vinnukarlar.
Að halda sérstaklega upp á það árið 2015 að konur hafi fengið kosningarétt er grófleg kynjamismunun og að sjálfsögðu lögbrot.
Alþingi: takið ykkur á!

Konur hafa kosið í 100 ár 2015

Blessað fórnarlambið!

Jón Gnarr tekur gagnrýni á sig á hverfisfundi sem einelti.
Hann stígur þar á stokk, með fleirum, um að hann sé fórnarlamb vonda fólksins (vegna þess að hann hefur ekki rök til þess að mæta gagnrýni).
Er þetta eitthvað sem við eigum von á frá pólitíkusum í "Bjartri framtíð": að öll gagnrýni á þá sé bara einelti?
Just fokk it!

„Einelti og hreint og klárt ofbeldi“

"hálfs fimmta árs"?

Eitthvað hefur nú blaðamaður Moggans klikkað í frádrættinum (eða samlagningunni)!
Vorið 2016 mínus jan/feb 2013 er hálf þriðja ár eins og kemur fram í frétt fotbolta.nets rétt í þessu:

http://fotbolti.net/news/29-01-2013/aron-johannsson-i-az-alkmaar-stadfest

En þá er það komið á hreint. Svo er það bara að pressa á nýuppklappaða stjórn KSÍ að landa þessum manni í landsliðið. Ekki veitir af.

Aron samdi við AZ til 2017

Enn ekki búið að ganga frá málunum

Ekki er alveg ljóst af hverju er ekki búið að ganga frá samninginum um kaup (og sölu) Arons.
Samkvæmt fréttum hefur hann staðist læknisskoðun en samt kemur fram í dönskum fjölmiðlum að hann er meiddur og þurfi að taka því rólega á næstunni:

http://www.tipsbladet.dk/nyhed/superliga/az-regner-med-johannsson-aftale

Þar með eru orð Lars Lagerbäck um meiðsli Arons loksins staðfest.

Þá vekur athygli að sagnir af kaup/söluverði eru misvísandi. Sumir nefna 11 milljónir danskra króna, aðrir 12-13 en hæsta talan er 15 milljónir (líklega eftir frammistöðu í Hollandi).
Fróðlegt væri að vita hvað Fjölnir fær mikið í hlut af þessari upphæð.

Rétta skrefið á ferlinum

Vegna veikinda?

Já, svo segir hann sjálfur og danska handknattleikssambandið einnig, en viðbrögð Wilbeks í þessu myndbandi sýna nú að vangaveltur um sanngildi þessa eru ekki vel liðnar!!

http://ekstrabladet.dk/sport/haandbold/article1909464.ece

Wilbek mætti ekki vegna veikinda

Af hverju þessi frétt?

Mér sýnist að með þessu sé verið að reyna að gera forsetann tortyggilegan.

Eftir hinn mikla sigur hans hvað Icesavemálið varðar þá finnst mér nú frekar ástæða til að taka viðtal við hann um málið.
Nei, í stað þess eru leituð uppi einhver jákvæð ummæli hans um vondu kommana í Kína og gerð að frétt í Mogganum.
Finnst mönnum forsetinn kannski vera orðinn of sterkur í augum þjóðarinnar - og því orðinn hættulegur valdakerfinu í landinu?

Forsetinn lofar kínverskan leiðtoga

Hvernig væri að bíða aðeins?

Í auka hádegisfréttatíma á Rúv sagði Dóra Sif Tynes að dómurinn hafi aðeins tekið til hluta af mismununarákvæði EES-samningsins.

Þetta var orðað á blogginu nú fyrr í dag eitthvað á þessa leið:
Efta-dómsstóllinn tók ekki afstöðu til hvort mismunun hefði átt sér stað á grundvelli 4. greinar EES-samningsins. Tók ekki afstöðu til þess vegna þess að í uppleggi ESA var málið takmarkað við dírektíf 94/19 og lágmarkstryggingu.
Því sé spurning hvort þetta þýði ekki í raun að Ísland beri frekar ábyrgð á allri summunni (en aðeins lágmarkstryggingunni)?
Það segi sig alveg sjálft að einhversstaðar hljóti 4. grein EES-samningsins að koma við sögu í þessu máli.
Ætli það fylgi ekki þá næst að ákært verður fyrir allri summunni?

Því er ástæða til að anda rólega - og gera það sem Össur sagði í gær (en virðist hafa gleymt í dag) - að taka sér góðan tíma í málið eða allt að fimm mánuði áður en fagnað verður (eða hryggst sem virðist hafa verið það sem Össur bjóst við).

„Löðrungur fyrir Evrópusambandið“

Þykist hafa orðið skyndilega veikur!

Wilbek - og Danirnir - voru fljótir að koma með afsökun. Landsliðsþjálfarinn þykist nú hafa orðið veikur - ekki sofið í tvo sólarhringa - og að hann hafi ekki treyst sér að bíða í einn og hálfan tíma eftir blaðamannafundinum.
Þá segja Danir að viðtölin strax eftir leikinn séu miklu mikilvægari - og eftirsóttari af fjölmiðlum - en blaðamannafundirnir, og þar hafi Wilbek gefið kost á viðtali.
Jamm. Danir kunna að fagna sigri en spurningin er hvort þeir kunni að taka ósigri.

Wilbek lét sig hverfa