Nú, var hann ekki búinn að semja við Val?

Sorglegt fyrir leikmann eins og Andra að lenda í klúbbi sem fær ekkert út úr leikmönnum sínum, sama hvað þeir eyða miklum peningum í að fá þá.

Andri Ólafsson til KR

Að gera illt verra!

Þssi forstjóri Útlendingaefirlitsins virðist vera vanhæf í starfi sínu. Hún gerir sér ekki grein fyrir því að svona getgátur sem hún setur fram eru ekki samboðnar þeim faglegu vinnubrögðum sem þurfa að einkenna starf stofnunarinnar. Hún ætti kannski að fá sér fjölmiðlafulltrúa og láta hann sjá um að tala við fjölmiðlana?

Þá er ótrúlegt að verða vitni að því hvað eftir annað að forstöðumenn ríkisstofnana fara í fjölmiðla til að kría út aukið fjármagn til stofnananna. Þeir afsaka eigið getuleysi - og seinagang - með því að segjast ekki hafa mannskap í verkin!
Hvernig væri svo að eiga slíka umræðu við ráðuneytin og þingið en hlífa almenningi við henni?

Orð tekin úr samhengi

"erlends liðs"?

Nokkuð skrítin frétt hjá Mogganinum. Séð frá okkar bæjardyrum eru öll lið á hinum Norðurlöndunum erlend!

Annars er málið það að hugur Ara stendur nú til Randers í Danmörku sem er í einu af efstu sætunum í dönsku úrvalsdeildinni. Þar er fyrir annar Íslendingur, Theódór Elmar Bjarnason:

http://forzagif.se/nyheter/1.5485626-huvudsparet-randers-fc

 

 

Ari til Danmerkur eða Noregs?

Vá! Þaulreyndur blaðamaður?

"Írönsk stjórnvöld neita því að hafa nokkurn tíma framleitt kjarnorkuvopn."

Svona til útskýringar þá hafa Íranir aldrei verið sakaðir um að eiga kjarnorkuvopn, heldur um það að í núverandi kjarnorkuáætlun geti falist möguleiki á framleiðslu kjarnorkuvopna. Því hafa Íranir ávallt neitað.

Stjórnendur Moggans þyrftu að gera aðeins meiri kröfur til starfsmanna sinna!

Árangurslausar viðræður í Íran

51,6% vill stöðva viðræðurnar

Eðlilegra væri nú að hafa fréttina þannig að 51,6% þjóðarinnar vilji stöðva viðræðurnar því það er ný staða mála.

36,4% vilja draga umsóknina til baka og 15,2% vilja stöðva viðræðurnar og kjósa um framhald þeirra. Þetta gerir jú 51,6%, ekki satt?

48,5% vilja ljúka viðræðum við ESB

Hvernig frétt er þetta eiginlega?

Hér er vitnað í alsírskan ráðherra sem er að réttlæta dráp alsírska hersins á fjölda gísla þar af a.m.k. átta Norðmanna.

Á meðan mbl.is flytur fréttir af þessari "árangursríku" aðgerð, þá eru Bretar og Japanir rasandi yfir framferði alsírska hersins - og sömuleiðis hafa Bandaríkjamenn gagnrýnt aðgerðirnar.

Það eru bara Norðmenn sem eru að reyna að afsaka þær þó svo að flestir drepnu gíslanna hafi verið Norðmenn.

Þetta minnir á viðbrögð norsku stjórnarinnar við morðunum í Útey en þá varði hún seinagang lögreglunnar fram í rauðann dauðann.

Mogginn ætti (þó) að geta gert betur en þetta, þ.e. að birta gagnrýnislaust tilraun Alsírmanna til að réttlæta gerðir sínar.

Mogganum ætti að vera það vel kunnugt að herforingjastjórnin í Alsír er einhver sú mesta fantastjórn sem ríkir í arabaheiminum og er þá mikið sagt.

Aðgerðir enn í gangi í Alsír

"2007" komið aftur?

Vá! Maður var farinn að halda að við myndum sleppa við þessa geðveiki sem uppbyggingin á umræddu reitum var - og er. En svo virðist alls ekki vera.

Það er skrítið að stjórnvöld hafi ekkert um það að segja hvernig banki í eigu ríkisins er að ráðstafa eigum sínum. Við eigum þannig von á nýjum skandölum einhvern tímann í náinni framtíð, í líkingu við meðferðinni á gamla Landsímahúsinu og á NASA við Austurvöll.

Og það í boði þeirra sem síst skyldi - "vinstri" stjórnarinnar.

Stórtæk lóða- og fasteignakaup í 101

Níu Norðmenn drepnir?

Svo virðist sem alsírski herinn hafi drepið um 35 gísla í árás á bílalest sem þeir voru í mþar af níu Norðmenn.

Alsíringarnir virðast ekki hafa haft neitt samráð við aðrar þjóðir um þessar aðgerðir, hvorki við Breta né Norðmenn svo dæmi séu tekin.

Þetta þrátt fyrir mjög ákveðnar óskir norska forsætisráðherrans til ráðamanna í Alsír um að aðhafast ekkert fyrr en nánari upplýsingar bærust af kröfu gíslatökumannanna.

Þessi árás á bíla sem gíslar eru í, sýnir auðvitað ekkert annað en brútalitet alsírska stjórnvalda og það ekki í fyrsta sinn. Herforingjastjórnin í landinu hefur stjórnað því á mjög harðneskjulegan hátt allt frá því að hún rændi völdum á 9. áratugnum og komið þannig í veg fyrir að íslamskur flokkur kæmist til valda eftir stórsigur í lýðræðislegum kosningum.

Hætt er við að mörg vestræn lönd fari að endurskoða margra ára stuðning sinn við þessa harðstjórn eftir atburði dagsins, ekki síst Norðmenn.

Nema þá auðvitað að fjárhagslegir hagmunir skipti meira máli en líf eigin þegna. Það hefur nú gerst áður.

Um fimmtíu látnir í Alsír

Loftárás?

Svo slæmt er það nú ekki. Samkvæmt norskum (og öðrum) fjölmiðlum var ráðist á mannræningjana og gíslana með þyrlum en ekki flugvélum svo varla er hægt að tala um eiginlega loftárás.
Allar fréttir eru reyndar mjög óljósar ennþá. Norskir fjölmiðlar rekja atburðarrásina næstum frá mínútu til mínútu, sjá t.d. http://www.aftenposten.no/nyheter/Hevder-flere-gisler-og-gisseltakere-er-drept--7094001.html

Fjölmargir látnir í Alsír

Danirnir mjög ánægðir!

Þjálfari Dana, Wilbeck, talar um að danska spilið í gær hafi verið eitt það allra besta sem hann hafi séð til liðsins meðan hann hefur verið með liðið - en það er lengi!

En spurningin er hvort þetta gekk ekki alltof auðveldlega fyrir sig hjá Dönunum. Liðstjórnandi þeirra, Rasmus Lauge segir til dæmi ekki skilja vörn Íslendinganna í seinni hálfleik: 

"Rasmus Lauge mente, at den islandske opdækning var noget ’mystisk’ efter pausen.
»De gik aldrig frem og dækkede midtzonen, når Henrik Møllgaard løb med frem i ’anden bølge’ i de hurtige angreb, og det forstod jeg ikke. Han kunne enten aflevere frit eller skyde, når det passede ham«.

Tekið skal fram að Møllgaard þessi er ekkert unglamb þó hann  sé nýliði í danska landsliðinu. Hann spilar með Skern, gamla liðinu hans Arons Kristjánssonar, og er orðinn 29 ára!

Annars voru dönsku fjölmiðlarnir að hrósa íslenska landsliðsþjálfarnum fyrir að tala góða jósku (god jysk) en hann spilaði sjö leiktíðir með Skern í den!

Danirnir of stór biti