Aron meiddur?

Svo virðist sem Aron hafi haltrað útaf á 51. mín. í leiknum í dag, eftir að hafa skorað mörkin tvö og þannig orðið markahæsti leikmaðurinn í dönsku úrvalsdeildinni.

Maður var að vonast til að Lars Lagerbaeck myndi velja Aron í landsleikinn í næstu viku vegna þess að Kolbeinn er tæpur en þessi meiðsl gætu sett strik í reikninginn.

Annars er Lagerbaeck algjörlega óutreiknarlegur og ekkert víst að hann hefði valið Aron, þrátt fyrir sex mörk í tveimur leikjum í einni af betri deildum í Evrópu!

Aron heldur áfram að skora

Hjörvar tapaði fyrir 14 ára strák!

Þessi frétt segir ekki nema hálfa söguna. Þessi b-sveit Tyrkja er unglingasveit þeirra (Tyrkir 2016 kölluð) og var send í keppnina svona frekar til gamans.

Hjörvar Steinn tefldi á 2. borði gegn 14 ára strák (f. 1998) sem var um 150 stigum lægri en Hjörvar.

Samt tapaði okkar efnilegasti skákmaður aðeins í 16 leikjum og var í raun komið með tapað tafl eftir 12 leiki!!! Það þykir mjög sérstakt þegar komið er á þetta hátt gæðastig í skákinni.

Ljóst er að skák Hjörvars við tyrkneska strákinn á eftir að fara víða, og muni ekki auka hróður Hjörvars eða íslenskrar skákar.

Hins vegar leyfi ég mér að efast um að skák Þrastar við  sinn Tyrkja eigi eftir að vekja athygli skákheimsins - nema auðvitað hér á landi þar sem "mont" Jóns sterka í Skugga-Sveini á enn vel við: "Sáuð þið hvernig ég tók hann?"

Ísland vann Tyrkland

Erfiður riðill hjá Helga Val og félögum

Kannski má segja að riðillinn sem lið Helga Vals Daníelssonar, AIK í Stokkhólmi (Solna), hafi verið góður því liðin í honum eru fræg. PSV Eindhoven varð t.d. í 3. sæti í hollensku deildinni í fyrra, Napoli 5. í þeirri ítölsku og úkraínska liðið með langa nafnið varð 4. í deildinni þar.

En erfiður er hann, rétt eins og riðillinn sem Ajax lenti í í Meistaradeildinni!

FCK-fólk ætti að vera ánægðara því það getur varla talist slæmt að fá norska liðið Molde sem mótherja. Þá ættu Rúmenarnir að vera viðráðanlegir andstæðingar.

Tottenham í riðli með Lazio - Liverpool mætir Eto'o og félögum

Einum valkosti færra fyrir Lars!

Þessi tíðindi ættu að létta landsliðsþjálfaranum valið á miðvörðunum í landsliðið.

Af leiknum við Færeyinga að dæma þá er fjórðu-deildar leikmaðurinn á Englandi, Kári Árnason, fyrsta val þjálfarans í þá stöðu (hann spilaði jú allan leikinn gegn Færeyingum) - og Indriði annað val (átti að spila allan leikinn en baðst undan því).

Eftir standa þá þeir félagarnir hjá FCK, Ragnar Sigurðsson og Sölvi Geir Ottesen. Ragnar fékk náðarsamlegast að spila annan hálfleikinn gegn frændum vorum en Sölvi var þá meiddur.

Nú er hr. Ottesen frískur og verður því að teljast líklegra val en Ragnar, sem landsliðsþjálfarinn virðist einhverra hluta vegna hafa litla trú á.

Þjálfari FCK er öndverðar skoðunar og velur Ragnar í byrjunarliðið, m.a. á kostnað Sölva.

Svo má nefna að auki, að annar leikmaður sem landsliðsþjálfarinn okkar hefur litla trú á, Helgi Valur Daníelsson, var að fá, ásamt með liði sínu, höfðinglegar móttöku á Arlanda, eftir frægilegan sigur í gær í Moskvu: 

http://www.dn.se/sthlm/solna-ska-fira-aiks-sensationella-seger

 

 

Indriði ekki með gegn Noregi og Kýpur

Gott mál en ...

Þessi dráttur verður vonandi til að reyna Kolbein í hinum harða heimi atvinnuknattspyrnunnar en ég held nú samt að Ajax hefði viljað fá léttari andstæðinga - og veit svo sem ekki hvort þetta sé gott fyrir liðið.

En ég ætla að skrifa um annað. Í gær léku tvö Íslendingalið í undanrásum Evrópukeppninnar - án þess að íþróttaskríbent Moggans sæi ástæðu til að fjalla um það.

Annað liðið, AIK í Stokkhólmi, gerði sér lítið fyrir og sló rússneska stórliðið CSK Moskvu út (0-2 á útivelli og samanlagt 1-2!) og er komið í riðlakeppni Evrópumótsins! Þetta þýðir mikla og dýrmæta reynslu fyrir Helga Val Daníelsson en hann lék allan leikinn í gær - og kemur sér vonandi vel fyrir íslenska landliðið, þ.e. af landsliðsþjálfarinn finnur hjá sér ástæðu til að velja Helga (sem hann hefur ekki gert undanfarið).

Hitt liðið er AZ Alkmaar. Af því liði er því miður ekki sömu sögu að segja því það tapaði illa heima í gærkvöldi (0-5 og samanlagt 0-6) yfir öðru rússnesku liði (eða kasönsku með Samuel Eto´o innanborðs). Lið Jóhanns Bergs Guðmundssonar er þannig úr leik en Jóhann kom inn undir lok fyrri hálfleiks og lék svo allan seinni hálfleikinn. Hvað landsliðsþjálfarinn gerir með þessi úrslit er svo annað mál...

Kolbeinn fer á þrjá flotta velli

Ekki það sem búist var við

Þetta var sagt um Íslendingana fyrir seinni leikinn gegn Lille:

"Det er sandsynligt, at Sölvi Ottesen og Ragnar Sigurdsson skal udgøre stopperparret, fordi de er luftstærke og kan tage sig af Lilles giftige dødboldindlæg. Michael Jakobsen, der debuterede i Randers i lørdags, og Kris Stadsgaard har ikke virket lige så solide som de to islændinge i de kampe, de har spillet på holdet, der ikke har tabt i de første ti turneringskampe."

Þetta reyndist svo ekki rétt eins og kemur fram í frétt mbl.is, því Sölvi var ekki í byrjunarliðinu þegar á reyndi heldur Kris Stadsgaard.

Svo verður auðvitað fróðlegt að sjá hvað landsliðsþjálfarinn hér heima gerir. Hann vildi helst ekki nota Ragnar í æfingarleiknum gegn Færeyingum, svo maður getur allt eins búist við að Ragnar byrji á bekknum í leiknum gegn Norðmönnum en Sölvi verði í byrjunarliðinu!

 

Ragnar byrjar en Sölvi á bekknum

Aron Kristjánsson?

Er landsliðsþjálfarinn genginn í lið Kiel í þýska handboltanum?

Stórsigur hjá Kiel í dag

Ætli það sé ekki frekar ökuníðingarnir sem valda usla?

Það mætti alveg setja þessa frétt upp sem frétt um það þegar ekið er á gangandi og/eða hjólandi vegfarendur: "Gangandi fólk veldur usla í umferðinni".

Málið er einfaldlega það að ökumenn bifreiða eiga að haga akstri samkvæmt aðstæðum. Ef það eru kindur við vegi þá ber ökumanninum að sýna aðgát og hægja á sér. Það er ökumaðurinn sem ber ábrygð á slysi, ef af verður, ekki þeir sem verða fyrir bílnum.

Svo er þessi frétt auðvitað forkastanleg því hún felur í sé óbeina réttlætingu á að ökumenn stingi af frá slysstað, því helv. sauðkindin var jú að þvælast á veginum (og "veldur usla").

Kannski ættu ökumenn að taka upp á því sama þegar þeir aka á fólk?

Sauðfé veldur usla í umferðinni

"hefur einstaka hæfileika"

Forráðamenn danska félagsins AGF hafa greinilega aðra sýn á hæfileikum Arons Jóhannssonar en landsliðsþjálfari íslenska karlaliðsins í fótbolta.

Lars Lagerbaeck bar saman 21- árs landsliðsmennina Björn Bergmann Sigurðarson og Aron í tengslum við val landsliðins um daginn í komandi leikjum gegn Noregi og Kýpur og sagði - óumbeðinn - að Björn Bergmann væri miklu hæfileikaríkari en Aron. 

Mér finnst þessi samanburður óheppilegur - og óþarfur - auk þess sem hann er rangur að mínu mati.

Þeir sem sáu leik 21-árs liðs Íslands gegn Azerum á KR-vellinum fyrr á þessu ári (1-2 tap) sáu mjög hreyfanlega og léttleikandi Aron, sem var potturinn og pannan í sóknarleik íslenska liðsins - en pirraðan og staðan Björn Bergmann.

Af þeim leik að dæma þá er Aron mun hæfileikaríkari en Björn Bergmann - og með miklu betra viðhorf til leiksins.

Ég legg því til að forráðamenn KSÍ komi að máli við Lagerbaeck og biðji hann um að láta af slíkum heimskulegum samanburði. Hann er engum til góðs.

AGF vill halda Aroni

Sérkennileg skýring

Já, það er nokkuð sérkennileg skýring sem Skáksambandið gefur á því af hverju fyrstaborðsmaður sveitarinnar var rekinn úr Ólympíuskáksveitinni. Ósættanlegur ágreiningur!

Í gærkvöldi bloggaði ég þetta þar sem ég benti á að látið var eftir duttlungum fjórðaborðsmannsins sem hafði neitað að tefla í sveitinni fyrst Héðinn væri í henni. Niðurstaðan var sú að reka Héðin!!! Þvílíkur barnaskapur! Líklega er engu logið upp á skákmenn og félagslega (ó)hæfni þeirra:

http://torfis.blog.is/blog/torfis/entry/1255061/

 

„Ósættanlegur ágreiningur“