Helsingborg íhugar kæru

Stjórn Helsingborgarliðsins er að hugsa um að kæra Lokeren, gamla lið Alfreðs, fyrir framkomuna í kringum söluna á honum.

Upphaflegt verð átti að vera um 80 milljónir, frá láni til kaupa á leikmanninum, en eftir góða frammistöðu í undankeppni Evrópukeppninnar - og þegar átti að semja um kaupin á Alfreð, var upphæðin skyndilega tvöfölduð.

Talsmaður Helsingborgar segir félagið vera vant að standa í viðskiptum um kaup og sölu á leikmönnum en aldrei lent í öðru eins.

http://www.dn.se/sport/fotboll/hif-rasar-mot-spelarforsaljning

Það var ekki hægt að segja nei

Óvænt!

Það verður að segjast eins og er að ferill Alfreðs hafi verið skjótur undanfarið.
Í fyrra komst hann varla í lið hjá belgíska úrvalsdeildarliðið Lokeren sem hafnaði um miðbik deildarinnar.
Síðan er hann lánaður til Helsingborgar og gerði það gott næstum strax.
Og þá barst orðstír hans út svo að nú er hann kominn til Heerenveen sem lenti í 5. sæti hollensku úrvaldsdeildarinnar á síðustu leiktíð (rétt á eftir lið Jóhanns Bergs, AZ Alkmaar).
Svíar undrast þetta rétt eins og við:
http://www.sydsvenskan.se/sport/fotboll/finnbogason-forlorad-for-hif

Alfreð samdi við Heerenveen til þriggja ára

Kolbeinn leikur nú með Ajax!

Líklega eru íþróttafréttamenn ekki hæfari í starfi sínu en þetta.

Ég heyrði viðtal á RÚV rétt fyrir leikinn í gær þar sem dóttir útvarpsstjórans ræddi við Emil Hallfreðarson. Ég heyrði ekki betur en að hún kallaði hann Grétar (Rafn) og það tvívegis.

„Ég á að sjá um að skora mörkin“

Slakur leikur

Munur á liðinu er aðeins einn, Kolbeinn Sigþórsson. Annars er íslenska liðið frekar lélegt en þó hefur Jóhann Berg verið að ná góðum fyrirgjöfum og lagði upp markið.
Liðið leikur allt of hægt og er hugmyndasnautt. Þá var Aron Einar að brjóta af sér illa í fyrri hluta hálfleiksins og það á hættulegum stöðum - og svo var auðvitað ljótt að sjá til Birkis Bjarnasonar þegar hann fékk að sjá gula spjaldið.

Svo skil ég ekki af hverju Bjarni Guðjóns er látinn lýsa leikjunum, eins hlutdrægur og leiðinlegur og hann er.

Að lokum má nefna að Noregur var að tapa fyrir heima fyrir Grikkjum (2-3). Það var þó ekki vegna innáskiptinga því það fór að ganga betur eftir að sex leikmönnum var skipt útaf (og inná!).
Ég efast um að Lars skiptir inná nema þeim tveimur sem hann skiptir nú í hálfleiknum, svo íhaldssamur og hugmyndasnauður er garmurinn.

Kolbeinn skoraði tvö í fyrsta sigri Lagerbäcks

Skrítið val

Það er greinilegt að Svíinn ætlar að vera jafn mistækur í vali á leikmönnum landsliðsins og Óli Jó. var. Lagerbaeck velur helst þá sem eru í hvað minnstri leikæfingu, rétt eins og Óli.
Kári Árna, Jóhann Berg, Birkir ... og svo jálkarnir þungu, Rúrik og Aron Einar.
Svo mun Eggert Gunnþór leika seinni hálfleikinn samkvæmt fréttum frá fotbolta.net, en hann hefur ekkert spilað með liði sínu síðan hann kom þangað í janúar, þ.e. í meira en hálft ár!
Það á greinilega að byggja á sama liði og kom okkur niður í 135. sæti Fifa-styrkleikalistans!
Svo eru menn að bðja um jákvæðari umfjöllun um landsliðið en verið hefur.

Byrjunarliðið gegn Færeyingum

Hvað með íslenska liðið?

Merkilegur þessi feluleikur alltaf með val á íslenska landsliðinu í karlafótboltanum.
Það er ekki gefið upp hvernig byrjunarliðið verður fyrr en rétt fyrir leik, m.a.s. í vináttuleikjum.
Já mikið er pukrið, en hvers vegna? Til að halda eigin leikmönnum á tánum eða réttara sagt á taugum?

Íslandsvinir í byrjunarliði Færeyja

Umsögn Östers um Davíð Þór

http://www.ostersif.se/CM.php?PageID=187322&news_id=7192

Svo ég þýði það helsta úr þessu fyrir þá sem ekki kunna sænsku þá óskar félagið leikmanninum alls góðs í framtíðinni með sínu nýja félagi.

Davíð Þór er kallaður boltavinnandi miðjumaður og hafi orðið mjög vinsæll jafnt hjá  áhangendum liðsins sem og liðsfélögum allt frá því hann skrifaði undir samning við félagið fyrir leiktíðina 2010.

Hann hafi verið varafyrirliði og oft verið fyrirliði í fjarveru aðalfyrirliðans. Hann sé mikill foringi og með stálharðan vilja ...

Ekki dónalega ummæli þetta!

Vejle-Kolding staðfestir samning við Davíð

Hvernig væru nú að kíkja á Davíð Þór í landsleik?

Davíð Þór Viðarsson hefur nú í amk tvær leiktíðir verið fyrirliði Östers, spútniksliðsins í sænsku fyrstu deildinni sem fyrir leikinn í kvöld var ósigrað í deildinni í ár - og er enn langefst.
Samt virðist hann ekki koma til greina í landsliðið en menn eins og Eggert G. Jónsson og Kári Árnason valdir sí og æ í staðinn.
Sá fyrrnefndi hefur ekkert spilað með liði sínu síðan í janúar og sá síðarnefndi spilar nú með liði í neðstu deildinni ensku!
Lars Lagerbaeck virðist ekkert vera betri en fyrirrennari sinn í því að velja landsliðið.

Davíð Þór semur við Vejle á morgun

Samt kemst hann ekki í landsliðið!

Það var merkilegt að hlusta á Lars Lagerbaeck landsliðsþjálfara tala um að hann yrði að nota varnartengiliðinn Ara Frey Skúlason í vinstri bakvörðinn vegna þess að Íslendingar ættu engan almennilegan vistri bakvörð. Bjarni Ólafur er auðvitað einn slíkur og svo má nota Indriða sigurðsson í stöðuna og einnig Arnar Þór Viðarson.
Málið er auðvitað það að Lars getur ekki sleppt því að velja Ara vegna þess hversu góður hann er, en þorir ekki að nota hann í þeirri stöðu sem Ari spilar venjulega með liði sínu: varnartengiliður hægra megin á miðjunni.
Þá væri nefnilega farið að þrengjast um gæludýr landsliðsþjálfaranna, Arons Einars Gunnarssonar.

Bjarni Ólafur eftirsóttur

Dómari slegin niður!

Hér má sjá annað myndskeið, í þetta sinn frá "vináttu"leik Dusseldorf og Benfica í gær, þar sem dómarinn var sleginn niður af fyrirliða Benficaliðsins þegar dómarinn ætlaði að gefa einum leikmanni Benfica rauða spjaldið:

http://www.youtube.com/watch?v=vCZ7ETLmdvA

Tekið skal fram að dómarinn er þegar búinn að kæra atvikið til UEFA og ætlar einnig að kæra það til lögregunnar.

Kolbeinn tryggði Ajax stig (Myndskeið)