Sama farsinn að byrja aftur?

Jæja, nú fá þeir hjá gæslunni að æfa sig enn á ný í byssuleik - og ef það gengur ekki nógu vel fær löggan á Blönduósi væntanlega einnig að leika sér aðeins.

Í Danmörku hins vegar - og auðvitað víðar - eru svona dýr eftirsótt í dýragarða og mjög vinsæl af gestum. Og þau virðast hafa það fínt, þ.e.a.s ef aðbúnaðurinn er góður.
Nú erum við búin að drepa fjögur bjarndýr á nokkrum árum og enn vantar okkur almennilegan dýragarð með spennandi dýrum.
Hvernig væri nú að leyfa þessum greyjum að lifa og fara að útbúa aðstöðu fyrir bjarndýrspar, t.d. í húsdýragarðinum? Húnn undan þeim væri ekki amalegt aðdráttarafl fyrir erlendu ferðamennina.

Þyrlan að hefja leit

Fá einn milljarð dollara að launum!

Pakistanar fengu nú ekki aðeins afsökunarbeiðni frá Könunum heldur einnig 1,1 miljarð dollara sem Bandaríkjastjórn hafði haldið af styrk til Pakistana sem áttu að notast til að koma í veg fyrir uppreisn í landinu!
Þetta hefðu nú einhverjir kallað mútur.

http://politiken.dk/udland/ECE1678138/usa-frigiver-milliarder-til-pakistan-efter-graenseaabning/

Opna birgðaleiðir fyrir NATO

Slakir fjárfestar?

Í ljósi þess hve skringilegt það er að reisa stærðar hótel á Fjöllum þar sem hið stutta íslenska sumar er hvað allra styst, þá koma fréttir um misheppnuð umsvif Kínverja í henni svörtustu Afríku ekki á óvart.

Rétt fyrir utan höfuðstað Angóla hafa kínverskir verktakar byggt 750 átta hæða blokkir. Ætlun þeirra var að selja húsnæðið en aðeins örfáar íbúðir hafa selst (eða um 10%). Tekið skal fram að kínverka ríkið á þetta hverfi.
Fleiri svona satelit-hverfi (þ.e. líta vel út á loftmynd) hafa verið reist af Kínverjum víða í Angóla en standa jafn tóm og þetta.
Hætt er við að örlög risahótelsins á Fjöllum verði þau sömu.

http://www.dn.se/ekonomi/kinesiska-spokstader-i-angola

Klára samninga við Huang í ágúst

Stuðningsmenn Þóru á ferð?

Hér er áskorun frá Elfi Logadóttur, stuðningskonu Þóra og frambjóðanda Samfylkingarinnar til margra ára:
"Þið sem verðið á ferðinni milli bæja og landshluta á morgun, munið að setja ykkur í samband við kosningaskrifstofur til að aðstoða við að koma utankjörfundaratkvæðum áleiðis í rétta kjörkassa."

Eru þessir kjörseðlar þá komnir frá kosningaskrifstofum Þóruliðsins?
Það er kannski í lagi að svindla með upplýsingar um hverjir styrktu baráttuna, eftir kosningarnar (svo háskólaprófessorinn) en verra að stunda víðtækt kosningarsvindl ...

Dreifðu kjörseðlum á Austurvelli

Davíð að brillera!

Hér er lýsing á öðru marki Östers sem Davíð Þór átti stærstan þátt í:
"Det var med två minuter kvar av ordinarie matchtid som de som kan sina Österspelare suckade när även Vidarsson hamnat ute till vänster. Den exceptionellt vänsterfotade islänningen BORDE inte kunnat åstadkomma mycket kreativt där, men stod istället för dagens delikatess med en slicad chip som helt friställde Denis Velic. Kaptenen [Davíð], som slåss med Stefan Karlsson om titeln assistkung serverade Matteo Blomqvist-Zampi ett perfekt inlägg, som måltjuven iskallt placerade in bakom Brian Edwards."
http://www.ostersif.se/cm.php?pageid=187322&news_id=6851

Heiðar Geir á skotskónum - Davíð Þór vann

Athyglisvert

17-18% minni kosningaþátttaka nú en í alþingiskosningunum 2009?
Reyndar eru utankjörfundaratkvæði ekki með í þessu en þau munu vera um 13% af öllum atkvæðum og hafa aukist um næstum helming. Það skýrir þó ekki muninn þannig að segja má að kosningarþátttakan nú sé um 10% minni en 2009, eða um 75% þegar upp er staðið.
Þetta sýndu skoðanakannanir reyndar (þ.e. fjölda óákveðinna) svo léleg kosningarþátttaka nú á ekki að breyta svo miklu hvað útkomuna varðar í þeim.

Um 40% kjörsókn í Reykjavík

Sundsvall vann útisigur á einu af toppliðunum

Hér má sjá myndir frá leik Haecken og Sundsvall en fyrrnefnda liðið, frá Gautaborg, hefur verið í toppbaráttu síðustu ár (og er enn í 4. sæti þrátt fyrir tapið).
Ari Freyr Skúlason er fyrirliði Sundsvall eins og sést í upphafi myndbandsins.
http://www.tv4play.se/sport/fotbollsklipp?title=hojdpunkter_giffarna_fick_tva_straffar_mot_sig_-_vann_anda&videoid=2203422&utm_medium=keep-watching&utm_source=dn.se&utm_campaign=tv4play.se&utm_content=video-2

Gunnar Heiðar skoraði í sigri Norrköping

Þýskaland 0 - King Kong 2!

http://www.dn.se/sport/fotbolls-em/gazetta-dello-sport-ber-balotelli-om-ursakt

Balotelli sá um Þjóðverja

Æ hann Bjarni!

Enn eru dómararnir í aðalhlutverki í leikunum á EM. Þeir eru hliðhollir "sterku" liðunum - og fótboltaspekingar eins og Bjarni Guðjóns einnig.
Til dæmis var augljós hindrun á Nani sem var að komast framhjá tveimur varnarmönnum Spánverja og átti greiða leið að markinu, þegar hann var hindraður. Ekkert á þetta samkvæmt dómaranum og Bjarni kóari tók undir þetta, sagðist ekkert skilja í Nani að "láta" sig detta!
Þá er leiðinlegt að sjá hvernig Spánverjar nöldra í dómaranum í þau fáu skipti sem dæmt er á þá - og tilraunir þeirra til að fá hann til að spjalda Portúgalina.
Jamm. Portúgal er búið að vera mun betri aðilinn í þessum leik - og fá vonandi að uppskera eins og þeir sá, án þess að dómarinn reyni að hindra það.

Spánverjar í úrslitin

Hvað með Öster og Davíð Þór?

Ekki veit ég hver skrifar íþróttafréttir á mbl.is eða á öðrum íþróttamiðlum en þeir eru harla selektívir að mínu mati.
Það er nær aldrei skrifað um frammistöðu liðs Davíðs Þórs Viðarssonar í sænsku fyrstu deildinni (líklega vegna þess að miðjumaðurinn Davíð Þór skorar ekki mikið).
Þó er lið hans með yfirburðaforystu í deildinni og stefnir hraðbyri í efstu deild. Liðið er með 40 stig eftir 14 leiki, 13 sigra og eitt jafntefli!!!

Næsta lið er 10 stigum á eftir. Halmstad er í 3. sæti, 13 stigum á eftir (með leik minna) og Angelholm í 4. sæti með 23 stig eða 17 stigum minna eftir 14 leiki!
Svo má minna á að Davíð er treyst til að vera fyrirliði liðsins, en virðist ekki koma til greina í landsliðið!

Heiðar Geir skoraði tvö af mörkum Ängelholm