Púra víti!

Leiðinlegt þetta væl í leikmönnum og þjálfurum þegar dæmt er á lið þeirra. Það er orðinn vani að mótmæla öllum dómum og reyna þannig að hafa sem mest áhrif á ákvarðanir dómaranna sér í hag. 

Fjölmiðlarnir taka meira að segja þátt í þessum leik og gera sem mest úr mótmælunum. Þeir halda að það selji.

Tek undir með þjálfara Víkings um að þetta er enn alvarlegra þegar starfsmaður KSÍ, landsliðsþjálfari kvenna, vælir út í eitt yfir dómgæslunni og það leik eftir leik.

Hann á auðvitað að vera til fyrirmyndar og koma í veg fyrir þessi leiðindi bæði innan vallar, á pöllunum og í fjölmiðlum.

Englendingar sekta þjálfara fyrir svona framkomu - og greinilega kominn tími til að gera slíkt hið sama hér.

Vítaspyrna eða ekki? (myndskeið)

Ögmundur með stórleik

Ögmundur bjargaði liði sínu Hammarby í útileiknum gegn Falkenberg. Vesturstrandarliðið var miklu betra í leiknum og hélt Ögmundur Stokkhólmsliðinu inni í leiknum lengi vel, "det var målvakten Ögmundur Kristinsson som länge höll kvar Bajen i matchen. Särskilt minnesvärd var hans dubbelräddning när Falkenbergs anfallsduo Gustaf Nilsson och Hakeem Araba prövade honom".

Ögmundur bjargaði svo liðinu enn og aftur undir lokin, rétt áður en Hammarby gerði sigurmarkið. Þjálfari Falkenberg sagði þá þetta: "´Det känns surt´, sade Eklund och konstaterade att Gustaf Nilsson i anfallet före Hammarbys segermål hade chansen att avgöra. Åter var det Ögmundur Kristinsson som räddade Bajen":

http://www.dn.se/sport/fotboll/torsteinbo-fixade-sen-bajenseger/

Ögmundur hlýtur að fara að fá tækifærin með landsliðinu, ekki síst í ljósi þess að Hannes Þór fékk á sig þrjú mörk í síðasta leik, en Ögmundur er búinn að halda marki sínu hreinu í þremur leikjum.

 

Ögmundur hélt hreinu

Dæmi um söguþekkingu eða sögufölsun?

Er ráðherrann gjörsamlega úti að aka?! Talar um að stuðningur við viðskiptaþvinganir ESB og Kanans í garð Rússa séu hagsmunir heildarinnar, þ.e. íslensku þjóðarinnar!

Spurningin er hvort hann sé á leið í stjórnarsamstarf við kratana og aðra ESB-sinna með því að hóta að taka auðlindina frá útgerðarfélögunum og/eða stokka upp veiðileyfakerfið.
Það er jú eitt helsta baráttumál Samfylkingarinnar (væntanlega til að selt veiðileyfi til ESB).

Svo heyrist mér hann tala um innrás Rússa í Úkraínu (hvenær átti hún sér stað annars?) og að slíkt hafi ekki gerst síðan í lok seinni heimstyrjaldarinnar (1945). Við skulum vona að það hafi einhver annars sagt þetta en sjálfur utanríkisráðherrann, en sá sem þetta sagði er annað hvort svona illa að sér í sögunni eða falsar hana alveg hikstalaust.

Fyrir það fyrsta þá gerðu rússneskmælandi Úkraínumenn í austur-Úkraínu uppreisn gegn valdaráni vesturhlutans. Og í öðru lagi hafa nú verið gerðar nokkrar innrásir í lönd Evrópu eftir seinna stríð, eins og flestir vita. 

Auk þess hefur blessaða góða ESB ítrekað gert loftárásir á lönd í Evrópu síðan þá og það ekki fyrir svo löngu síðan.

Útgerðin sýni samfélagslega ábyrgð

Jónas og dópið

Ég hefði nú haft vit á því að þegja ef ég væri þessi maður. Hann styður þann mann til forseta alþjóða frjálsíþróttasambandsins sem hvað ákafast hefur reynt að hylma yfir lyfjamisferlið í íþróttinni.

Það eru nefnilega sífellt að koma nýjar upplýsingar um stórfellt lyfjamisferli frjálsíþróttamanna og hvernig alþjóðalega frjálsíþróttasambandið hefur reynt að þagga niður í þeim aðilum sem hafa verið að rannsaka þetta misferli. Meira að segja hefur sambandið gengið svo langt að leyna niðurstöðunum og meina fjölmiðlum aðgang að skýrslum sem sýna hversu víðtæk lyfjanotkunin er.

Samt hafa niðurstöðurnar lekið út. Nú er ekki aðeins búið að afhjúpa dópneysluna á fyrsta áratug þessarar aldar heldur einnig allt til ársins 2012!

Frjálsar íþróttir hafa tekið við af hjólreiðum sem mesta dópíþróttin:

http://jyllands-posten.dk/sport/andensport/atletik/ECE7938836/Atletikforbund-beskyldes-for-at-blokere-rapport-om-doping/

 

Harmar vinnubrögð formanns FRÍ

Heimurinn á ekki von á góðu

Hillary Clinton stutti á sínum tíma innrásina í Írak, ein fárra demókrata. Hún er sannkallaður haukur í utanríkismálum og nú bætir hún um betur. Gengur lengur en sjálfir repúblikanir í stríðsæsingnum og harmar það að Bandaríkin og Bush hafi dregið her sig burt úr landinu (sem Obama reyndar gerði).

Hún virðist eiga sigurinn vísan í næstu forsetakosningum. Þá megum við búast við enn meiri hörku í stríðinu gegn þjóðunum í Miðausturlöndum (svokölluðum islamistum og stríðinu gegn "hryðjuverkum"). Hætt er einnig við að viðsjár aukist við landamæri Rússlands enda hefur Hillary boðað aukna hörku gagnvart Rússum komist hún til valda. 

Nýtt heimsstríð á næsta leiti?

Skaut föstum skotum að Jeb Bush

Athyglisvert!

Hlaupagikkurinn breski, Sebastian Coe, margfaldur Ólympíu-, heims- og evrópumeistari í millivegalengdum komst í fréttirnar um daginn á frekar óheppilegan hátt. 

Þá tók hann stórt upp í sig vegna umfjöllunar fjölmiðja um víðtækt lyfjamisferli frjálsíþróttamanna á fyrsta áratug þessarar aldar. Hann fordæmdi fréttaflutninginn og talaði um stríðyfirlýsingu á hendur frjálsum íþróttum.

Þessi viðbrögð voru vægast sagt furðuleg vegna þess að vitað var að ýmislegt kæmi í ljós þegar könnuð yrðu gömul sýni úr frjálsíþróttafólki með nýrri tækni - þ.e. tækni sem var ekki fyrir hendi þegar sýnin voru tekin.

Viðbrögð Coes gætu bent til þess að hann, og/eða vinir hans, hefðu dópað sig hér áður fyrr og viðbrögðin þannig tilraun til að breiða yfir það.

Merkilegt að þessi maður sé í framboði til formanns samtakanna og að smáþjóðir lýsi yfir stuðning við framboð hans.

Pólitísk ólga innan Frjálsíþróttasambandsins

Ekki-frétt?

Þetta er nú skrítin frétt og mjög svo óljóst hvað sé átt við með svokölluðum Brynjureit. Hvað á að gera þarna? Á t.d. að rífa sjálft húsið sem verslunin Brynja er í (Laugaveg 29), eins og upphaflega tillagan var, eða er hér með fallið frá því?

Einnig er spurning með Laugaveg 27. 

Svo veit ég ekki betur en að framkvæmdir séu löngu hafnar þarna og búið að rífa gömlu húsin fallegu (þrjú talsins) sem stóðu í bakgörðunum milli Laugavegar og Hverfisgötu.

Já, enn fækkar bakgörðunum við Laugaveg. Þó er bót í máli að þarna er ekki verið að byggja enn eitt hótelið, eða hótelin, eins og verið er að gera svo víða á þessu svæði, svo sem á Hljómalindarreitnum.

Svo er auðvitað spurning hvað ferðamönnum finnist um allar þessar framkvæmdir við Laugaveginn - alla þessa byggingakrana og allan þennan hávaða.

 

Nýr miðborgarreitur tilbúinn 2017

Kratarnir samir við sig!

Kratarnir voru alltaf harðir andstæðingar þýðu í garð Sovétmanna á sínum tíma og eru það enn þó að flokkurinn heiti ekki lengur Alþýðuflokkur heldur Samfylking. 

Ástæðan var líklega upphaflega sú að kratarnir voru í baráttu við sósíalista um vinstra fylkið og því þótti henta að grípa til Rússagrýlunnar í því skyni.

Síðan leituðu kratarnir mjög til hægri eftir seinna stríð og urðu jafnvel enn harðari í kaldastríðsáróðrinum en sjálft íhaldið nokkru sinni.

Þeir halda enn áfram á sömu braut, enda harðir NATÓ- og ESB sinnar, líklega þeir hörðustu hér á landi.

Talandi um hlutleysi akademíunnar ...

Meiri búsifjar fyrir önnur lönd

Skagfirska efnahagssvæðið að væla?

Stjórnarandstaðan fór mikinn fyrir ekki svo margt löngu - með kratamiðilinn stundin.is og Birgittu Jónsdóttur í broddi fylkingar - og töldu að ríkisstjórnin væri að fara út úr ESB-viðræðunum vegna hagsmuna útflutningsfyrirtæka í fiskiðnaði og jafnvel kjötiðnaðinum, eins og Kaupfélags Skagfirðinga, varðandi viðskipti til Rússa. Var í því sambandi talað um skagfirska efnahagssvæðið sem væri að ná yfirráðum á landinu öllu með setu Gunnar Braga Sveinssonar í stóli utanríkisráðherra.

Sjá t.d http://stundin.is/frett/skagfirsku-ahrifin-vidraeduslitin-vid-esb/

Síðan hefur verið frekar hljótt um þessa samsæriskenningu, enda hefur Gunnar Bragi gert allt til að afsanna hana - var t.d. meðal fyrstu vestrænna stjórnmálamanna til að fara til Kiev og lýsa blessun sinni - og íslensku þjóðarinnar - yfir valdaráninu í Úkraínu.

Eftir stendur þó sú bakviðliggjandi hugsun að það sé ekkert mál þó svo að markaðir tapist í Rússlandi. Það lendi bara á vondu útgerðarmönnunum en ekki á almenningi eða íslenska hagkerfinu. Það sýnir auðvitað barnaskap kratanna sem halda að verkafólk komist betur af á bótum en með því að hafa atvinnu - þegar og ef við komumst inn í dýrðina hjá ESB.

Sem betur fer er þessi hugsun á undanhaldi eins og skoðanakannanir um fylgi stjórnmálaflokkanna sýna og fylgishrun ESB-flokkana.
Nú hefur hins vegar Píratinn Birgitta Hauksdóttir stigið fram og stutt "refsi"aðgerðir ESB og NATÓ gegn Rússum sem sýnir að hún er ekki hótinni betri en kratar og Björt framtíð. 

Vonandi fer almenningur að átta sig á því og að það komi fram í næstu könnunum.

Sendingum til Rússlands snúið við

Viðskiptaþvinganir af hálfu ESB og USA ef við segjum okkur af listanum?

Það er spurning hvort við verðum fyrir einhvers konar viðskiptabanni  eða -þvingunum af hálfu vestrænna þjóða ef við hættum stuðningi við refsiaðgerðir gegn Rússum.

Þetta gefur Styrmir Gunnarsson í skyn á bloggi sínu. Kannski hafi einmitt þannig hótanir eða ótti við slíkar afleiðingar orðið til þess að Gunnar Bragi var að sleikja sig upp við fasistastjórnina í Úkraínu strax eftir valdarán hennar í fyrra - og sé helsta ástæða þess að við samþykktum auknar refsiaðgerðir gegn Rússum nú í vor:

"Þeir sem halda því fram, að við eigum að segja okkur frá þeim stuðningi, sem við höfum sýnt við refsiaðgerðir Vesturlanda gegn Rússlandi vegna útflutningshagsmuna okkar mega ekki gleyma því að ef við gerum það, getur allt í einu annað viðmót snúið að okkur frá þeim löndum. Það á bæði við um ESB-ríkin, þar sem við eigum mikilla viðskiptahagsmuna að gæta og Bandaríkin, þar sem á ferð eru annars konar hagsmunir."

Styrmir er enn við gamla Moggahornið í þessari færslu og skýtur óbeint á Svía fyrir hlutleysisstefnu þeirra í kalda stríðinu. Hann kallar sjálfsagða og eðlilega hlutleysisstefnu smáþjóða eins og Íslands "að tala í báðar áttir."

http://styrmir.is/entry.html?entry_id=1922699

Tagnhnýtingsháttur Íslendinga frá og með inngöngunni í NATÓ 1949 er enn og aftur á sveimi í íslenskri utanríkispólitík og þar með tækifærismennska okkar á alþjóðavettvangi.

Meira undir hér en annars staðar