Þvílík byrjun hjá nýjum landsliðsþjálfara!

C-deildarlið að rústa hinu sögufræga íslenska landsliði og það að falla niður um deild. Ef ég man rétt þá var Ísland í a-deildinni fyrir tveimur árum! Fallið er hratt enda þjálfarnir með eindæmum illa valdir!
Arnar Gunnlaugs er samt sýnu verri en Norsarinn. Reyndi þó að herma eftir honum í fyrrri leiknum en nú breytti hann útaf illu heilli. Velur lið sem að hálfu er skipað leikmönnum sem lítið sem ekkert fá að spila með sínum félagsliðum. Setur toppmann eins og Hákon Haralds á bekkinn og tekur svo Orra Óskars útaf í seinni hálfleik þegar liðið er einu marki undir.
Svo er auðvitað Aron Einar algjör hörmung en það sást einnig í síðasta leik undir stjórn Hareide. Sem betur fer meiddist Aron þá og fór snemma útaf en nú er hann settur inná í byrjun seinni hálfleiks en Guðlaugur Victor enn látinn sitja á bekknum!
Svo er auðvitað meiri snilld þarna hjá þjálfaranum en þessi. Valdi aðallega miðju- og sóknarmenn í liðið en fáa varnarmenn. Það kom honum, og liðinu, illilega í koll í þessum leik.
Já framtíðin er döpur hjá landsliðinu undir stjórn þessa manns.

Slök frammistaða og Ísland fallið

RÚV orðið að helsta slúðurfréttamiðlinum?

Þetta er allt með mestu ólíkindum. Hvernig komst RÚV að þessu? Ekki í gegnum barnsföðurinn þar sem fréttastofan hafði samband við hann að fyrra bragði. Það mætti halda að slúðurfréttafjölmiðlar eins og DV kæmi með slíka frétt en ekki ríkisfjölmiðillinn. Hann er reyndar frægur fyrir ýmislegt undanfarið eins og byrjunarmálið og fleira en þetta tekur nú öllu öðru fram.
Svo er það forsætisráðuneytið sem barst erindi um þetta fyrir um viku síðan. Lofaði að fara með það sem trúnaðarmál en lak því svo í RÚV-miðilinn.
Það var auðvitað strax ljóst að ráðherranum væri ekki sætt í embættinu eftir þetta og yrði að segja af sér. Þetta er reyndar ekki fyrsta aðförin að henni persónulega undanfarið en þessi er verri en nokkuð sem vont er. 
Flokkur flokksins hlýtur að bregðast við þessu, enda hefur spjótunum verið mjög beint að honum. Eðlilegustu viðbrögðin eru að slíta stjórnarsamstarfinu nú.
Var það kannski ætlunin með þessum leka hjá forsætisráðuneytinu?

Barnamálaráðherra átti barn með 15 ára dreng

Meðan íslenskir ráðamenn þegja ...

... hefur Störe forsætisráðherra Norðmanna tjá sig um fjöldamorð Ísraela í nótt á almennum borgurum á Gaza. Hann talar reyndar um tragedíu, harmleik, en mætti vel komast sterkara að orði. Hann bætir svo við að þetta séu árásir á varnarlaust, heimilislaust fólk sem búi í tjöldum. Að drepa mörg hundruð manns til að ná einum háttsettum Hamasliða, er framganga sem verði að stöðva. Utanríkisráðherra Norðmanna, Eide, tekur mun djúpar í árina og krefst þess að Ísraelar hætti nú þegar árásum sínum og virði vopnahléð.
https://www.nrk.no/urix/store-om-gaza-angrep_-_-en-stor-tragedie-1.17344139

Miðað við herskáan tón utanríkisráðherrans okkar í garð Rússa og nauðsyn þess að vernda Úkraínumenn er þessi þögn íslensku ríkisstjórnarinnar meira en lítið aumingjaleg. Spurning hvað veldur. Rasismi, fyrirlitning á Palestínufólki og öðrum í þriðja heiminum, eða fyrst og fremst samsinni með stríði Ísraela á Gaza?
Vestræn ríki eru í raun að styðja, beint og óbeint, Úkraínu og Ísrael með lítt falinni útþennslustefnu sinni. Nýlendustefnan enn og aftur en nú í breyttri mynd (samt alltaf jafn mikið fegruð). Norðmenn virðast vera þeir einu með sómatilfinningu í málefnum Gazabúa.

Hávær mótmæli fyrir utan ríkisstjórnarfund

Evrópulöndin andvíg friði í Úkraínu

Ljóst er af þessi frétt og ótal yfirlýsingum leiðtoga Evrópuríkjanna, þar á meðal íslensku ríkisstjórnarinnar, að Evrópa leggst alfarið gegn hugmyndum Bandaríkjastjórnar um raunverulega frið í Úkraínu.
Það sama er að gerast nú og gerðist í friðarviðræðum Rússa og Úkraínumanna í Istanbúl sem hófust 10. mars 2022. Samningur var lagður fram 17. mars og 15. apríl og munaði litlu að hann yrði samþykktur af báðum aðilum. Vesturlönd komu hins vegar í veg fyrir það, m.a. vegna þess að þau sættu sig ekki við að Úkraína yrði hlutlaust land!

Þetta er enn þvert á það sem Evrópuþjóðirnar vilja. Þær krefjast þess að úkraínski herinn verði efldur með vopnum og með aðstoð frá Vesturlöndum - og hafna með öllu afvopnun hersins.
Þetta þó þær viti að Rússar munu aldrei samþykkja slíkt. 

Rússar krefjast þess hins vegar að Vesturlönd hætti með öllu að sjá Úkraínu fyrir vopnum og að þjálfa úkraínska hermenn. Ennfremur að landið láti af öllum áformum um að gerast meðlimur í Nató og verði í þess stað hlutlaust ríki. Það verði einnig að fækka stórlega í herliði sínu.

Þetta eru þær forsendur sem Rússar setja fyrir friði á svæðinu, forsendur sem Evrópa hafnar með öllu og vill þannig halda stríðinu áfram með öllum ráðum. 
Úkraínustríðið er í raun og veru styrjöld Evrópu (Nató reyndar því Kaninn er enn með) við Rússland með Úkraínu sem staðgengil sinn (proxy war), þ.e. stríð sem Evrópulöndin (og Nató) styrkja að fullu en þurfa ekki að fórna neinum mannskap í það (láta Úkraínu sjá um mannfórnirnar að mestu, auk "sjálfboðaliða" úr vestrinu).

Segir víðtæka samstöðu vera að myndast

Meiri skandall en Álfabakkinn?

Mikið hefur verið hneyklast á vöruhúsaskemmunni á Álfabakka í Breiðholti vegna nálægðar við blokk Búseta þar rétt við.
En þetta byggingarfyrirbæri við Grensásveg er líklega enn verra. Nálægðin milli húsa miklu meiri og það alltsaman íbúðir þar sem fólk horfir inn á hvert annað í nokkurra metra fjarlægð. Birtan næstum engin. Líklega verður andlegt ástand íbúanna eftir því. 

Svo er það blessaður Mogginn með þessa líka rosalega jákvæða frétt af þessu furðufyrirbæri, enda eru þarna athafnamenn að verki sem íhaldsblaðið elskar.
Reyndar vekur það furðu að hann noti ekki tækifærið til að úthúða vinstri meirihlutanum í borginni fyrir þessa fáránlegu þéttingarstefnu sína með okurverð á lóðum sem afleiðingu.
Hún gerir þessa samþjöppunarstefnu að helsta úrræði braskaranna í að ná hámarksgróða með því að nýta lóðirnar til hins ítrasta.

15 milljarða uppbygging

Blekkingarleikurinn kringum WOW air

Það var vitað mál lengi að WOW air væri í raun gjaldþrota, og það löngu áður en forstjórinn, Skúli Mogensen, viðurkenndi það. Þrátt fyrir það tókst honum að blekkja fjárfesta til að kaupa hlutabréf í gjaldþrota flugfélaginu, komst upp með það og þurfi svo engu að gjalda fyrir að hafa féflett fjölda félaga.
Eftir á sagðist hann hafa sett allt sitt fé í fyrirtækið og stæði uppi fjárvana - en tókst samt að kaupa Hvammsvíkina stuttu síðar og byggja þar upp þokkalegustu aðstöðu - fyrir stórfé. Seinna kom fram að hann hafi aðeins tapað 770 milljónum í gegnum félag sitt Titan. Gjaldþrotið nam hins vegar 20 milljörðum.
Já, Ísland er gósenland fyrir braskarana. Engin viðurlög þrátt fyrir margítrekað svindl.

Flugfélagið varð opinberlega gjaldþrota 28. mars 2019. Deginum áður birtist frétt í Fréttablaðinu, að Skúli, ásamt nokkrum stjórnarmönnum, hafi farið á fund í fjármálaráðuneytinu og komið flestir glaðbeittir út þaðan.
Í “söluræðu” Skúla sem vitnað er til í fréttinni segir að lausafjárstaðan verði orðin jákvæð um meira en milljarð þegar það sumarið (í júní!). Hún verði svo komin í næstum þrjá milljarða í lok árs 2021 og rekstrarafgangur orðinn um níu milljarðar!
Svo leið ekki nema sólarhringur frá þessari frétt þar til flugfélagið var lýst gjaldþrota. Þrátt fyrir þennan blekkingarleik Skúla birta blöðin viðtöl við hann eftir gjaldþrotið og fréttir um hve sárt þetta taki hann, þ.e. birta mynd af honum sem góða gæjanum. 
Í skuldabréfaútboðið 18. september 2018 söfnuðust um 8 milljarðar króna sem áttu að duga til að brúa reksturinn næstu 18 mánuði! Í lok nóvember birti WOW hins vegar tilkynningu þar sem fram kom að langtímafjármögnun væri ótrygg og félagið þyrfti nauðsynlega á auknu fé að halda. Spurt var hvert þessir átta milljarðar hafi farið en fullnægjandi svör fengust ekki.
Þeir virðast hafa gufað með öllu upp og aldrei farið í að greiða niður skuldir.

WOW air var í raun gjaldþrota löngu fyrr