Að eigin frumkvæði?

Þetta eru auðvitað stórtíðindi í íslenskum fótbolta. Hareide hættur sem þjálfari íslenska karlaliðsins í fótbolta!
Ánægjulegar fréttir að mati flestra held ég því þessi Norsari hefur ekki staðið undir væntingum. En að eigin frumkvæði? Eitthvað er það nú loðið.
Lengi hefur verið talað um að kominn væri tími á kallinn, en aðallega talað um há laun hans í því sambandi, ekki slakan árangur liðsins undir hans stjórn. Merkilegt!

Annars er þessi feluleikur með laun og launakröfur þjálfara karlalandsliðsins ansi þreytandi. Var það ekki í raun ástæða þess að Hareide hætti? Að KSÍ væri ekki tilbúið að borga honum áfram sömu háu launin og hann hefur haft (eða jafnvel hærri). Því hafi hann farið í fýlu og hætt?
Hvernig væri nú að hætta þessum feluleik og segja hlutina eins og þeir eru? Kannski vita allir þeir sem standa nærri landsliðinu hina raunverulegu ástæðu, en hvað með okkur hin? Eigum við ekki rétt á, sem áhugafólk um íslenskan fótbolta, að fá nánari skýringar á þessum tíðindum? Það finnst mér og eflaust finnst það fleirum.

Åge hættur með landsliðið

Byrjunarliðið gegn Wales

Sparkspekingar voru búnir að spá þessu vali þjálfarans að mestu. Svo sem að Alfons færi í hægri bakvörðinn en Valgeir Lunddal yfir í þann vinstri. Samt er það skrítið að mínu mati því Alfons hefur varla byrjað leik með Birmingham í ensku c-deildinni og oft ekkert komið við sögu. Að Ísland sé ekki með betur mannað lið en enskt c-deildarlið hlýtur að vekja furðu fleiri en mína. Annar hægri bakvörður sem ætti frekar að koma inn er Dagur Dan sem spilar nær alla leiki með góðu bandarísku liði.
Þá hefur liðið ágætan kost í vinstri bakvörðinn, Keflvíkinginn Rúnar Sigurgeirsson, sem byrjar alla leiki með Willum II í hollensku úrvalsdeidinni en lið hans stendur sig vel þar. Því var engin ástæða til að færa Valgeir yfir, hvað þá að taka Alfons inn. Svo er auðvitað besti vinstri bakvörðurinn okkar, Davíð Ólafs, ekki einu sinni valinn í landsliðið! Þjálfarinn á greinilega mjög erfitt með að taka nýja menn inn í liðið.
Annars er ákvörðunin um að taka Stefán Þórðar útaf og byrjar frekar með Ísak Bergmann ekki svo vitlaus. Þarna hefði þó mátt gera fleiri breytingar svo sem að gefa hinum fúllynda Jón Degi frí og byrja í staðinn með Mikael Ellerts. 
En þetta verður vonandi spennandi leikur þrátt fyrir vafasamt val þjálfarans ... að venju.

Þrjár breytingar á byrjunarliðinu

Heppnir í hálfleik!

Ekki var nú íslenska karlaliðið í fótboilta sannfærandi í fyrri hálfleik. Heilt yfir voru Svartfellingarnir betri og settu lengstum pressu á íslenska liðið. Hákon markmaður bjargaði marki tvisvar með flottri markvörslu áður en "markið" kom, sem var svo réttilega dæmt af vegna rangstöðu.
Annars var fátt um fína drætti hjá "strákunum okkar" og vou flestir þeirra frekar slappir. Aron Einar sýnilega verstur, í engri þjálfun og fór sem betur fer útaf snemma.
Merkilegt að hann hafi verið valinn í byrjunarliðið, og kannski enn merkilegra að fótboltaspekingarnir hafi nær allir viljað hann í byrjunarliðið.
Guðl. Victor kom inná og stóð sig vel, þannig að hann verður vonandi í byrjunarliðinu gegn Wales í næstu viku. Vörnin var góð hjá liðinu en miðjan slök nema Arnór Trausta sem var maður leiksins. Sóknin var einnig frekar döpur en batnaði við skiptingarnar þegar Mikael Ellerts og Ísak komu inná - og gerðu út um leikinn (stoðsending og mark). 

Glæsilegur sigur Íslands í Svartfjallalandi

Fólksflótti úr landsliðinu?

Þjálfari íslenska karlaliðsins í fótbolta hefur þurft að gera fjórar breytingar á liðinu fyrir leikina tvo í Þjóðadeildinni. Ástæðan er sögð vegna meiðsla.
Samt er það svo að þrír þessara leikmanna léku með félagsliðum sínum í síðasta leik núna um helgina og nær allan eða alveg allan leikinn.
Mikael Andersson lék fram í uppbótartíma. Hlynur lék allan leikinn með sínu liði og Daníel sömuleiðis! Ekki er vitað um Kolbein Finns því hann hefur ekki komist í hóp hjá sínu félagi að undanförnu.
Haraide landsliðsþjálfari hefur sætt gagnrýni undanfarið af fólki sem stendur íþróttinni nærri. Sögusagnir herma að hann fái ekki framlengingu á samningi sínum eftir leikina nú í nóvember, sama hvernig fer. Ýmislegt er tínt til um ástæðuna. Ekki aðeins slakur árangur landsliðsins undir hans stjórn, heldur og einnig meint vanvirðing hans gagnvart liðinu - og landinu - með því að koma ekki til landsins á fjölmiðlafundi heldur taka þá á Teams, fyrir að fylgjast ekki með atvinnumönnunum, sem er að spila í útlöndum (og ber við fjárskorti!), sem og fyrir val á liðinu.
Áður hafði hann sagt að hann veldi ekki menn í landsliðið sem spili lítið með félagsliðum sínum, en raunin er önnur eins og dæmið um Kolbein Finnsson sýnir.
Fleiri dæmi  má nefna eins og Guðlaug Victor, sem lítið fær að spreyta sig hjá frekar lélegu b-deildar liði á Englandi. Sama má segja um Stefán Þórðar sem vermir yfirleitt bekkinn hjá sínu liði og ekki síst Alfons Sampsted, sem spilar lítið með ensku c-deildarliði! 

Nú síðast er Andri Baldursson tekinn inn í liðið en hann spilar lítið í Svíþjóð. Á meðan koma menn eins og Kolbeinn Þórðar ekki til greina, fastamaður í Gautaborg og Davíð Ólafs, sem spilar mikið með spútnik-liði í Póllandi og skorar reglulega! Þá hrósar landsliðsþjálfarinn Andra Guðjohns mikið en hann er oftar en ekki á bekknum hjá nýja liðinu sínu í Belgíu.
Menn eru m.a.s. farnir að sakna Birki Bjarna sem stendur sig enn vel á Ítalíu og skilja ekkert í því af hverju Aron Einar er valinn í liðið, spilandi í deild útbrunninna leikmanna á Arabíuskaganum!
Já. landsliðsþjálfarinn er fullur mótsagna og sérkennilegheita, sem gæti verið helsta ástæða þess að landsliðsmenninrnir melda sig nú "meidda" hver á fætur öðrum.

Tvær breytingar á A-landsliðshópnum

Arfaslakt landslið

Fyrri hálfleikur hræðilegur hjá íalenska fótboltalandsliðinu. Það er spurning hver sé lélegastur í liðinu. Af hverju er Willum t.d. í byrjunarliðinu, c-deilarleikmaður í Englandi? Svo er það Jón Dagur, alltaf jafn grófur og ögrandi enda kominn með spjald. Þá er það Stefán Þórðar sem einnig er kominn með spjald. Á hann ekki að vera nýjasta stjarnan okkar en hefur varla sést í leiknum? Allir þessir leikmenn hafa skipt um lið nýlega, farið úr betri liðum í lélegri, sem segir manni að þeir hafi verið á útsölu.
En landsliðsþjálfarinn? Hann segir jú að það sé gott að menn séu á hreyfingu! Alltaf jafn falskur. 
Svo er það gamli karlinn hann Jóhann Berg. Hann verður sífellt grófari eftir því sem hann verður lélegri.
Þá eru það skiptingarnar í hálfleik. Migylfi kael Ellertsson inná en ekki Mikael Anderson!

En hin skiptingin í hálfleik, Loga Tómassonar Hermannsonar Akureyrings, gerir það gott!
Svo fleiri skiptingar svo sem bakveika gamalmennið Gylfi Þór inná en einn besti leikmaður dönsku úrvalsdeildarinnar á bekknum allan leikinn!

Stórkostleg innkoma Loga tryggði Íslandi stig

Enn eitt skrýtið byrjunarval

Enn heldur Norsarinn besta leikmanni Íslands, Stefáni Teiti Þórðarsyni, út úr liðinu. Þegar Stefán kom loks inná í leiknum gegn Englendingum komst jafnvægi í leik liðsins.
Þetta vandamál, stressið, sást strax vel í leiknum gegn Hollendingum þar sem Ísland hélt boltanum nær aldrei heldur lá undir stanslausri pressu. Það leiddi auðvitað til marks sem urðu sem betur fór ekki fleiri í fyrri hálfleiknum. 
Nær allir íslensku leikmennirnir hafa átt slakan leik til þessa svo það mætti skipta þeim flestum út í seinni hálfleik. Jón Dagur, Jóhann Berg, Arnór Trausta og Andri Lúkas ættu að fara fyrstir útaf. Svo Hákon Haralds sem hefur ekki heldur sést í leiknum.

4-0 tap gegn Hollendingum eftir útisigur gegn Englendingum - og afsakanirnar þegar byrjaðar!
Var ekki einhver að hneykslast á þeim sem setja spurningarmerki við landsliðsþjáfara íslenska landsliðsins? Kristian loksins inná á 83. mín!!

Holland reyndist ofjarl Íslands í Rotterdam

Að venju skrýtið byrjunarliðsval hjá þeim norska

Stefán Þórðar, valinn leikmaður dönsku bikarkeppninnar, er ekki í byrjunarliðinu!
Annars er valið á Bjarka ekki svo vitlaust en hann er enginn bakvörður heldur sóknartengiliður. Ef val þetta á að sýna að þjálfarinn ætli að láta liðið vera sóknarsinnað gegn Englendingum, þá er hann illa úti að aka (sem hann er reyndar yfirleitt).
Þá er spurning um formið á Jóhanni Berg. Hann hefur lítið fengið að spila með Burnley og liðið féll jú niður í b-deildina í ár.
Einnig er spurning hvort ekki sé kominn tími á Arnór Trausta. Lið hans er í botnbaráttu í sænsku úrvalsdeildinni og hefur verið að tapa stórt undanfarið. Sjálfstraustið er eflaust ekki mikið þessa dagana hjá kappanum. 
Af hverju fær Kristian Hlyns ekki tækifæri - spilandi í miklu betra liði?
Svo er auðvitað þessi mikla ást á Jóni Degi. Hann er að spila í lélegu liði, og fær svo sem takmarkaðan spiltíma þar, en er alltaf valinn í byrjunarlið Hareide.

Bjarki beint í byrjunarliðið á Wembley

Karlalandsliðið í fótbolta

Landsliðshópurinn fyrir vináttuleiki við Englendinga og Hollendinga nú í júní hefur verið valinn. Þarna eru menn sem leika lítið sem ekkert með liðum sínum eins og Hlynur Karls sem er hægri bakvörður. Af hverju ekki Dagur Dan Þórhallsson? Þá er Logi Tómasar ekki í hóp en hann leikur alla leiki með Strömsgodset í norsku úrvalsdeildinni. Ekki heldur Kolbeinn Þórðar sem er fastamaður í liði Gautaborgar eða Davíð Ólafs sem leikur alla leiki með liði sínu í Póllandi.
Líklega er þó undarlegast að Þórir Helga sé ekki í hóp en hann var lykilmaður í því að Braunschweig bjargaði sér frá falli í þýsku b-deildinni. Í staðinn er Arnór Sig valinn sem ekkert hefur leikið með enska b-deildarliðinu Blackburn eftir að hann meiddist í síðasta landsleik og var reyndar yfirleitt varamaður í félagsliði sínu fyrir þann tíma.
Annar sem hlýtur að banka á dyrnar en er ekki valinn, er Júlíus Magnússon sem er fyrirliði spútnikliðs Fredrikstad í norsku úrvalsdeildinni. Einnig Sævar Magnússon hjá Lyngby.

Hins vegar er gaman að sjá Bjarka Stein í liðinu sem hefur fengið mikinn leiktíma hjá Venezia, mun meiri en félagi hans Mikael Ellerts, sem einnig má setja spurningarmerki við að sé valinn í landsliðshópinn. Einnig er Kristian Hlyns í hópnum en hann hefur ekkert fengið að spreyta sig með landsliðinu undanfarið undir stjórn Hareide. Vonandi verður breyting þar á í þessu æfingarleikjum.

Nú er búið að framlengja samning KSÍ við landsliðsþjálfarann út árið 2025, þrátt fyrir að hann hafi ekki náð þeim markmiðum sem sett voru þegar Arnar Viðars var rekinn, þ.e. að komast á EM. Árangur Norðmannsins er á engan hátt betri en Arnars og það sem meira er, Hareide virðist ganga í smiðju hans með vali á landsliðshópnum. Af hverju var þá verið að reka Arnar Þór fyrst arftaki hans er bara eftirherma?
Svo er auðvitað þetta með Albert Guðm. hreinasti farsi. Valinn í umspilinu um sæti á EM en ekki núna!!

Albert ekki í landsliðshópnum

Hæpið val á byrjunarliðinu

Um valið á karlaliðinu í fótbolta gegn hermönnunum frá Ísrael má margt segja.
Hákon Valdimarsson í markinu án þess að hafa spilað nokkurn keppnisleik undanfarna mánuði. Arnór Sig einnig í byrjunarliðinu þrátt fyrir að hafa lítið spilað með frekar lélegu liði í ensku b-deildinni, Blackburn. Á bekknum eru t.d. Kristian Hlyns sem er alltaf í byrjunarliði Ajax í hollensku a-deildinni og Mikael Anderson sem er einn besti leikmaður dönsku deildarinnar og spilar þar alla leiki í góðu liði.

Þá er auðvitað enn áleitin spurning hvort nokkurn tímann hefði átt að spila gegn þessari morðingjaþjóð (yfir 30.000 óbreyttir borgmarar á Gaza drepnir, þar af hátt í 20.000 konur og börn, allt í hefndarskyni fyrir drápum á um 100 Ísraelum og nokkrum "gíslum" enn í haldi (meðan tugþúsundum Palestínumanna er haldið í fangelsi án dóms og laga). Já, líf "gyðinga" er þetta miklu verðmætara en líf "araba", nokkuð sem einnig er skoðun hinna hræsnisfullu Vesturlanda).
Frammistaða landsliðsþjálfarans í þessu máli en ekki skárri en val hans á liðinu. Til dæmis sagði hann, til að þóknast ísraelsku pressunni, að leikmenn liðsins væru ekki hermenn heldur fótboltamenn. Hann ætti þó að vita að það er þriggja ára herskylda í landinu - fyrir alla karlmenn (sem ekki eru öfgafullir heittrúarmenn) á aldrinum 18-21 árs.
Ekki veit ég til þess hvort fótboltamenn séu á einhverri undanþágu frá þessu eins og trúarofstækismennirnir, en varla allir. Líklegt er að einhver þeirra hafi miðað byssu á palestínska 13 ára stráka og drepið þá fyrir það eitt að hafa hent steinum í áttina til þeirra, eða verið að skemmta sér við að skjóta upp flugeldum, eins og nýlegt dæmi sýnir.
Landsliðsþjálfari íslenska liðsins var sko ekki að nota tækifærið til að gagnrýna fjöldmorðin á Gaza þrátt fyrir að vera í beinni útsendingu í ísraelska sjónvarpinu. Já, mikið eru hugrekki þessa manns - og "sókndirfska".

Byrjunarlið Íslands: Fimm breytingar

Af hverju fegrar Alfreð Finnbogason hlutina svona?

"Já, það er al­veg nýtt hjá mér að spila alla leiki" segir Alfreð. Samkvæmt tölfræðinni er það þó hæpin fullyrðing. Hann fær í mesta lagi örfáar mínútur í hvert sinn ef hann kemur þá inná - og byrjar alltaf á bekknum.
Og það í liði sem er líklega það lélegasta í belgísku a-deildinni og stefnir hraðbyri niður um deild. 

Líkleg ástæða fegrunarinnar er sú að hann sé að réttlæta það fyrir sjálfum sér, og öðrum, að vera valinn í íslenska landsliðið og/eða að betla nokkrar mínútur í næsta landsleik.  

Það er auðvitað stórfurðulegt val og sýnir að landsliðsþjálfarinn er alls ekki starfi sínu vaxinn - hefði reyndar aldrei átt að vera ráðinn.
Fleiri leikmenn eru í liðinu sem eins er ástatt með og Alfreð, svo sem Hjörtur Hermannsson. Hann fær varla nokkrar mínútur með liði sínu í ítölsku b-deildinni, en er samt valin.
Svo eru það markmennirnir. Einn valinn sem er að spila í portúgölsku b-deildinni - og fer engum sögum af - og annar sem var nýlega keyptur til Englands en kemst ekki einu sinni í hóp hjá liði sínu þar.
Eru íslensku fótboltakarlarnir virkilega svona lélegir að það þurfi að velja slíka leikmenn í landsliðið?

Varla. Aðalmarkmaður landsliðins undanfarin ár er í hóp hjá góðu liði en ekki valinn. Þá er gamla brýnið Birkir Bjarnason reglulega að spila með sínu liði og iðulega í byrjunarliðinu, en er ekki valinn. Þórir Helgason er einnig fast í byrjunarliði síns félags en ekki valinn.
Svo fullyrti landsliðsþjálfarinn að Stefán Þórðar væri meiddur og því ekki valinn, en hann hefur samt verið í byrjunarliði síns félags undanfarið og spilað nær allan tíma. Af hverju var Norðmaðurinn að ljúga þessu?
Að lokum má spyrja sig um afstöðu landsliðsþjálfarans til leiksins gegn Ísrael. Fyrst þóttist hann vera á móti því að spila gegn liðinu en svo var hann tvísaga og að lokum segist hann vera meira en fús til að spila leikinn í Ísrael! Leikmennirnir séu jú ekki hermenn! Það er greinilega ekkert að marka þennan mann.

Alveg nýtt hjá mér