Góður liðsauki í gróft Fylkislið

Gylfi Einarsson hefur ekki verið þekktur fyrir mjúku hliðina síðan hann gekk til liðs við Brann í Noregi eftir frekar misheppnaðan feril á Englandi. Hann hefur oftar en ekki lent í slagsmálum á leikvellinum og ávallt fyrsti maður á vettvang ef von er á einhverju slíku.

Nýjustu fréttirnar af kappanum eru þær að á æfingu í gær hjá Brann hafi hann og annar leikmaður liðsins rokið saman og það hafi þurft að skilja þá að: http://fotball.aftenposten.no/eliteserien/article182876.ece

Fylkisliðið var langgrófasta liðið í Pepsi-deildinni í sumar og leikmenn þess langoftast reknir út af í leikjum sumarsins. Nú getur Skagamaðurinn sterki - þjálfarinn þeirra Ólafur Þórðarson - glaðst yfir að fá enn einn "harðjaxlinn" í hópinn.

Þá er bara að taka vel á járnunum í vetur og koma svo enn dýrvitlausari til leiks næsta sumar.

Gylfi samdi við Fylkismenn

Öll íslensku liðin úr leik

Ef ég skil það rétt þá eru öll íslensku liðin úr leik í Evrópukeppninni þetta árið og það strax í fyrstu umferð. Ekki er það beysin niðurstaða og sýnir varla mikinn styrk íslenskra félagsliða.

Betur gengur félögunum í Skandinavíu en þar eru þau flest komin áfram og á móti svipuðum liðum og þau íslensku hafa verið að etja kappi við. Reyndar er Íslendingaliðið Stabæk úr leik þrátt fyrir að Veigar Páll skoraði aftur í kvöld, tapaði fyrir liði frá Georgíu með færri mörkum skoruðum á útivelli.

Lið Sölva Geirs Ottesen (Jónssonar!), FC Kaupmannahöfn, mun keppa í næstu umferð við Hvít-rússneska liðið sem vann FH. Verður fróðlegt að sjá úrslitin í þeim leik og ættum við þá að geta gert samanburð milli dönsku meistaranna og þeirra íslensku. Ég hef nú ekki mikla trú á að FCK tapi 1-6 á móti Hvítrússunum!

Svo fáum við auðvitað bráðum að sjá hvernig landsliðið okkar stendur í samanburði við danska landsliðið,  en við munum mæta því danska í fyrsta leiknum á EM nú í byrjun september, á Parken. Ætli Ólafur landsliðsþjálfari treysti enn og aftur á leikmenn sem spila hér heima - og svo unga og óreynda leikmenn ytra sem verma bekkina í liðum sínum, eða spila með varaliðinu? 

Það kæmi mér ekki á óvart.

 

Blikar úr leik eftir annað tap

Eru dagar Willums brátt taldir?

Miðað við hvað Willum nær litlu út úr þeim toppmannskap sem hann er með hjá Keflvíkingum, hlýtur að vera kominn tími til að endurskoða ráðningarsamninginn við hann. Fjórir eða fimm öflugir fyrrum atvinnumenn í liðinu en samt er titillinn að renna þeim úr greipum.

Willum er greinilega ofmetnaðasti þjálfarinn í dag, ásamt Loga Ólafssyni þjálfara KR-inga, sem báðir eru með úrvalsmannskap en árangurinn alls óviðunandi.

Merkilegt hvað langlundargeð félaganna í garð þjálfaranna er mikið á þessari leiktíð.

Hólmar Örn: Gengur illa að skora

Ætli Alfreð sé betri en Birkir?

Nú eru norsku Víkingarnir búnir að setja upp skoðanakönnun um besta markið í ár, hjá liðinu. Birkir Bjarnason á þar tvö af fimm flottustu mörkunum, enda var hann markahæðstur leikmanna liðsins í ár (og einn sá hæsti í stigavalinu).

Sjá mörkin hér: http://fotball.aftenposten.no/eliteserien/article155416.ece

 

Viking vill skoða Alfreð nánar á Spáni