(Kalda)stríðsáróður

Danir gera það ekki endasleppt í hernaðarhyggju sinni (reyndar eru öll Norðurlöndin þar sek). Þeir ætla að stórauka framlög til hermála en rífast þó um hvar eigi að taka peningana. M.a.s. innan stjórnarinnar er tekist á um þetta. Hægra liðið vill fyrst og fremst skera niður í velferðarkerfinu en kratarnir í stjórn vilja að skorið sé jafnt niður (eða álögum deilt jafnt). 
Hins vegar er þetta varla nokkur frétt því henni var strax mótmælt af sérfræðingum á sviði hermála. Þetta sé mjög ólíklegt. Meðal annars er bent á að þá þyrfti NATÓ að vera liðið undir lok og að Evrópulöndin hætti að hervæðast. Þá eru Rússar þegar illa haldnir vegna stríðsins í Úkraínu (og Kúsk) og hafa engan áhuga á að færa átökin út. Reyndar hafi þeir aldrei haft neinn áhuga á að hefja stríð við ESB-löndin. Þá hafa þeir margoft lýst því yfir að þeir vilji ekki stríð við NATÓ.

En Mogginn birtir auðvitað aðeins það sem þjónar þeirra (kalda)stríðsáróðri - og miðhægri stjórnin (og Þorgerður Katrín) spilar með.

https://www.dr.dk/nyheder/indland/eksperter-afviser-risikoen-en-storskalakrig-i-europa

Gætu hafið stórstyrjöld innan fimm ára