Sögulegur sigur í "uppbyggingu"

Sögulegur sigur staðreynd, sigurstranglegasta liðið tapaði fyrir því leiðinlegasta!

Annars var leikurinn skemmtilegur og Svisslendingar komu á óvart með mikilli baráttu.

Samt var helsta upplifunin að heyra í þulunum:

Einar handbolta fór á kostum í lýsingunni og kom með amk eitt nýyrði og eina nýja setningu: "Sögulegur sigur í uppbyggingu" og "eitt andarblik"

Annars er Hjörvar alltaf bestur, sbr. "Saga leiksins hjá Spáni: lélegar fyrirgjafir" og "Spánverjar þurfa að sækja á móti Hondúras í næsta leik".

Meira af þessu takk!

 

Fyrsti sigur Sviss á Spáni í 19 leikjum

Athugasemdir

[Friðrik Friðriksson, 16.6.2010 kl. 16:21]

Varla eru Grikkir mikið betri en ég forðast að sjá það landslið að spila knatttspyrnu, Svisslendingar voru frábærir og börðust vel en Spánverjar óðu í færum en það er ekki nóg því það eru mörkin sem telja víst.

Þetta var skemmtilegasti leikurinn hingað þótt aðeins 1 mark hafi verið skorað en núna eru Spánverjarnir undir mikilli pressu.

[Torfi Stefánsson (IP-tala skráð) 16.6.2010 kl. 17:01]

Já, það er satt. Grikkir eru leiðinlegri en Svisslendingarnir.

Spánn á nú eftir að hrapa á börsinum eftir þessi úrslit. Ég leyfi mér að fullyrða að þetta sé besti riðillinn, sannkallaður dauðariðill, og vel getur verið að Spánn komist ekki upp úr honum. 

Leikur Chile og Honduras var frábær, besti leikur á HM til þessa að mínu mati, og Chile eitt af sigurstrangustu liðunum á HM. Hondúras er einnig með gott lið og sýndu fínan leik í morgun, enda í hörku riðli í undankeppninni.

Ameríkuliðin eigia eftir að koma á óvart hér, ekki síst þau lægra skrifuð, lið eins og Chile, Paraguay, Urugauay og Mexíkó - sem og Bandaríkin.

Ég held að þetta verði ekki mót Evrópuliðanna, nema þá kannski Þjóðverjanna.

[Theódór Norðkvist, 16.6.2010 kl. 18:27]

Spánverjar sóttu nánast allan leikinn, Svisslendingar áttu 5-6 sóknir í leiknum og skoruðu úr einni. Knattspyrnan er stundum grimm.

Því miður skilar það stundum árangri að tjalda í eigin vítateig, eiga nokkrar skyndisóknir allan leikinn og skora eitt mark. Fáir kunna það betur en Svisslendingar.