Hendi Guðs

Því miður lét ég ekki verða af því að hætta að horfa á útsendingar Sjónvarpsins á HM og hefnist svo sannarlega fyrir það.

Fyrst var það leikur Ítala og Nýja Sjálands þar sem dómarinn bjargaði Ítalíu, og það ekki í fyrsta skipti á HM í gegnum tíðina. Reyndar stóðu verktakarnir á RÚV sig þokkalega þar og viðurkenndu að vítið hafi verið hæpið, en hrósuðu annars Ítölum fyrir frábæran leik, þrátt fyrir að þeir sýndu ekki neitt.

En steininn tók úr í leik Brasílíu gegn Fílabeinsströndinni. Þar var hlutdrægnin hreint yfirgengileg. Fyrst í öðru marki Brassanna, sem var greinilega ólöglegt, en samt stókostlegt mark að mati spekinganna í HM stofunni.

Og svo brottrekstur Kaká sem kom eftir leiðinlega framkomu hans og fleiri Brassa, leikaraskap og grófan leik. Kaká setti greinilega olnbogann í Fílabeinsstrandarmanninn og var réttilega rekinn útaf, en spekingarnir hjá RÚV mótmæltu ákaft.

Það er greinilegt að léleg frammistaða "stórþjóðanna" í keppninni er farin að setja mark sitt á dómgæsluna. Stórþjóðirnar gefa mestar tekjur og ef þær falla úr leik í sjálfri riðlakeppninni mun áhuginn detta mjög niður. Dagskipunin hjá Fifa er því sú að það verður að koma í veg fyrir þetta, og það ekki í fyrsta sinn í sögu HM, og dómararnir sem eru flestir frá þessum þjóðum sjá til þess að því verður framfylgt.

Svo er verið að halda því fram að sannur íþróttaandi sé það sem skiptir mestu máli!

Brassarnir yfirspiluðu strandarmennina

Athugasemdir

[karl (IP-tala skráð) 21.6.2010 kl. 00:22]

Horfðu endilega á atvikið aftur, hreinn og klár leikaraskapur hjá strandarmanninum :/

[Dóri Stóri (IP-tala skráð) 21.6.2010 kl. 00:50]

Tek undir með karli

Strandarmaðurinn fær högg á bringuna og grípur um andlit sér, óskarinn þangað í snarhasti.

varðandi mark 2 hjá brasilíu þá er það mjög tæpt eins og sést á eftir markinu þegar dómarinn er að ræða við fabiano eftir markið, bendir réttilega á að boltinn hafi farið í hönd fabiano enn ef fabiano hefði verið með höndina fyrir neðan strandarmanninn hefði verið dæmt víti.

mjög umdeilt enn ekki nærri því eins umdeilt og rauða spjaldið hans kaká, ekki undir neinum kringumstæðum brot hvað þá rautt.

[Brynjar Jóhannsson, 21.6.2010 kl. 01:05]

Kannski munurinn á þér og spekingunum að þeir hafa kannski einhvern tíman sparkað tuðru. Kaka gerði nákvæmlega ekkert af sér. Hann rekst í bringuna á honum en strandargaurinn tekur um andlitið. Hmmm ... hvernig skildi nú standa á því ?