Nýjustu fréttir ...

... eru þær að frönsku landsliðsmennirnir eru búnir að lýsa því yfir að þeir muni ekki taka við nokkrum taktískum skipunum frá þjálfaranum í næsta leik (síðasta leik riðilsins)!

Þetta er orðið stórmál í Frakklandi og hefur aðstoðarmaður Sarkozi Frakklandsforseta sagt að þetta sé skandall sem sé ólíðandi.

Þjálfari Svisslendinga, hinn gamalreyndi þýski þjálfari, Ottmar Hitzfeld, hefur lýst því yfir að hann hafi aldrei heyrt eða upplifað annað eins - og hefði sent allan þá sem eru með uppsteit heim þegar í stað ef hann ætti í hlut.

Það er bara spurning hvort hægt sé að senda heilt lið heim, þar sem leikmennirnir virðast samheldnir í málinu - og eitthvað myndi það kosta franska knattspyrnusambandið ef Frakkar mætti ekki til leiks í þriðju umferð riðlakeppninnar!!!

Þekktur sænskur knattspyrnumaður segir að þetta ástand sé dæmigert fyrir hrokann í hæst launuðu atvinnumönnunum í dag. Þeir líti svo stórt á sig að þeir sjái ekkert nema sjálfan sig. Heiður landsins skipti engu máli.

Við sáum þetta í leik Brasilíu og Fílabeinsstrandarinnar í kvöld er Kaká varð sér til skammar - og reyndar fleiri leikmenn - og stórhætta varð á að almenn slagsmál brytist út meðal leikmanna.

Sem betur fer tókst dómaranum að koma í veg fyrir það með því að vísa Kaká út af, en yfirleitt taka dómararnir allt of veikt á þessum stjörnustælum, og þora ekki að dæma á þá frægustu.

Frakkar neituðu að æfa og framkvæmdastjórinn sagði upp