Úruguay á greiðri leið í 4. liða úrslit?

Úruguay hefur komið einna mest á óvart á HM eins og er fyrir skemmtilega knattspyrnu. Menn hafa bent á að A-D riðlar undankeppninnar séu miklu léttari en hinir fjórir og að lið eins og Úruguay eigi því greiða leið í fjögurra liða úrslit.

Þessu með léttari riðla er ég sammála en ekki að Úruguay eigi greiða leið nú. Fyrst er það að vinna Suður-Kóreu sem hefur sýnt fína leiki - og síðan bíða Bandaríkjamenn eða Ghana sigurliðsins.

Bandaríkjamenn hafa sýnt sig vera stórhættulegir, enda leyfa dómararnir þeim að komast upp með mjög grófan leik ("líkamlega sterkir" segir Hjörvar Hafliða um tuddaskapinn í þeim). Þá er Ghana með flott lið.

Allavega bjóða leikir dagsins upp á mikla spennu, enda hver leikur úrslitaleikur úr þessu.

Nú verða allir leikir sýndir beint á RÚV en fyrir þá sem ekki hafa sjónvarp má benda enn einu sinni á útsendingu hér: http://www.eurovisionsports.tv/fifaworldcup/

 

Úrúgvæ fyrst liða í 8-liða úrslit

Athugasemdir

[Theódór Norðkvist, 26.6.2010 kl. 17:02]

Ef stigafjöldi liðanna í hverjum riðli samkvæmt styrkleikalista FIFA er lagður saman lítur stigatala, eða styrkleiki riðlanna svona út:

A-riðill: 3230
B-riðill: 3555
C-riðill: 3706
D-riðill: 3715
E-riðill: 3569
F-riðill: 3191
G-riðill: 4317
H-riðill: 4053

Af þessu sést að G- (Brasilía og Portúgal) og H-riðlarnir (Spánn og Chile), eru langsterkastir og þar á eftir koma C- (USA og England) og D-riðlar (Þýskaland og Ghana.) Síðarnefndu riðlarnir eru þó jafnari.

Spánn og Portúgal eru í öðru og þriðja sæti FIFA-listans og Brasilía á toppnum. Það er eitthvað skrýtið við kerfi sem lætur tvö af þremur sterkustu liðunum mætast innbyrðis í 16 liða úrslitum, auk þess sem tvö efstu liðin lenda saman í riðli.

Ég hélt að þessu væri skipt upp í potta og útilokað að tvö lið úr sama styrkleikaflokki röðuðust saman í riðla. Hef eitthvað misskilið kerfið.