Nýjar hugmyndir á HM

Svíar hafa sent þjálfara 21 árs landsliðs þeirra á HM til að fylgjast með nýjum hugmyndum í leik liðanna. Hann kemst að þeirri niðurstöðu að fótboltinn sem spilaður er þarna, sé mun hraðari en áður og leikmenn liðanna hreyfanlegri.

Leikmenn skipta stöðugt um stöður í sókninni sem gerir varnarmönnum andstæðinganna mun erfiðara fyrir en ella. Dæmi um þetta er leikur Argentínu, Úruguay og Þýskalands. En þessu fylgir einnig áhætta. Leikmenn þurfa að hafa góðan leikskilning og þekkja vel inn á hvern annan.

Þá eru liðin hætt að nota langar sendingar inn fyrir vörn andstæðingsins enda stendur hún aftar á vellinum en áður og þannig "teygist" meir á liðinum en verið hefur. Nú eru það stuttar sendingar sem blífa en minna um sendingar inn á auð svæði. Þjóðverjar eru þar undantekning eins og sjá má á myndbandinu.

Spánverjar eru bestir í stutta spilinu eins og sást í seinni hálfleiknum gegn Portúgal. Suður-amerísku liðin hins vegar spila öll svipaðan sóknarleik. Eru með tvo menn fremsta og svo einn fyrir aftan þá sem matar þá á sendingum. Hjá Argentínu eru það Higuain og Tevez studdir af Messi, hjá Úruguay eru það Suarez og Cavani með Forlan fyrir aftan og hjá Brasilíu leikur Kaká fyrir aftan Fabiano og Robinho. Það hefur reynst erfitt að verjast gegn þremur svona sóknarsinnuðum leikmönnum og skapar mikil vandamál hjá miðvörðunum.

Evrópsku liðin nota hins vegar kerfið 4–2–3–1 sem varð vinsælt á EM í Portúgal fyrir tveimur árum. Liðin fórna sóknamanni til að notast við þrjá miðjumenn. Það hefur ekki gengið eins vel eins og má sjá af úrslitunum.

Þá er ekkert ákveðið kerfi í uppbyggingu suður-amerísku liðanna. Bakverðirnir sækja kannski hægra megin og sóknarmennirnir taka þátt í vörninni vinstra megin (svo sem hjá Brössunum). Spánverjar spila einnig frjálst að þessu leyti. Þá skiptir hraðinn og samheldnin miklu máli en þetta hvort tveggja vantar hjá Evrópuliðunum svo sem hjá Englandi og Frakklandi.

Þjálfari 21 árs liðs Svía er hrifnastur af Spáni og Argentínu. Síðarnefnda liðið hafi komið á óvart með mikilli samvinnu. Maradona felur sínu fólki mikla ábyrgð. Aðstoðarþjálfarnir sjái að mestu um taktík liðsins ásamt með leikmönnunum en goðsögnin er þarna aðallega upp á móralinn!

Fallegustu mörkin á HM (myndband)