Titringur fyrir leikinn

Í gær var upplýst að lokaðar æfingar úruguayska liðsins hafi verið teknar upp á myndband af einhverju óþekktum aðilum. Ekki er vitað hvort Hollendingar hafi staðið að baki þessu en frekar er þó talið að einhverjir fjölmiðlar hafi þar verið á ferð. Amk hefur verið fjallað um taktík liðsins og liðskipan í fjölmiðlum, en það átti auðvitað að vera leyndarmál.

Þetta varð til þess að þjálfari Úruguay hefur enn ekki tilkynnt byrjunarlið sitt en yfirleitt gerir hann það með sólarhrings eða jafnvel tveggja sólarhings fyrirvara.

Þannig hvílir mikil óvissa um það hverjir byrja inn á hjá liðinu en tveir lykilmenn þess meiddust í síðasta leik, fyrirliðinn Diego Lugano og miðjumaðurinn Nicolás Lodeiro, auk þess sem liðið er með tvo af sínum bestu mönnum í banni,  Luis Suárez og Jorge Fucile.

Hollendingar hljóta að vera líklegri til að vinna í kvöld, ekki síst vegna þessara miklu forfalla í liði Úruguay. En þeir síðarnefndu eiga eitt kort á hendi, sem er Diego Forlán en hann getur unnið leiki á eigin spýtur.

Ekkert afrekað enn