Popularistinn Ögmundur

Það er greinilega ekki mikið að marka fullyrðingar Ögmundar um að honum sé annt um litla manninn og vilji tekjujöfnun í samfélaginu.

Svo virðist sem honum sé mun vænna um millistéttina, sbr orð hans um að hann vilji ekki ræða hátekjuskatt á tekjur undir 600 þús!

Hvað ætli það séu margir venjulegir launamenn sem eru með slíkar tekjur? Sem dæmi má nefna að kennarar mega þakka fyrir ef þeir ná um 350.000 kr. á mánuði. Nei Ögmundur hefur greinilega villst mjög af leið síðan hann var formaður BSRB en þar munu fáir vera yfir þeim launum.

Eigum við ekki að fara bil beggja núna og koma á tveimur skattþrepum þar sem mörkin eru 450.000-500.000? Taka skal fram að hátekjuskattur er alls staðar við lýði í nágrannalöndunum og mörkin mun lægri en hér á landi.

Þetta er þannig ekkert nema atkvæðaveiðar í versta tækifærisstíl hjá Ögmundi.

Er leitt til þess að vita að órólegi armurinn í Vg einkennist af öðrum eins tækifærissinnum og hentistefnufólki og Ögmundi og Lilju, sem aðeins hlaupa eftir því sem þau telja að henti til vinsældaveiða hverju sinni.

Varar við heljarstökkum í skattheimtu og niðurskurði