Eru dagar Willums brátt taldir?

Miðað við hvað Willum nær litlu út úr þeim toppmannskap sem hann er með hjá Keflvíkingum, hlýtur að vera kominn tími til að endurskoða ráðningarsamninginn við hann. Fjórir eða fimm öflugir fyrrum atvinnumenn í liðinu en samt er titillinn að renna þeim úr greipum.

Willum er greinilega ofmetnaðasti þjálfarinn í dag, ásamt Loga Ólafssyni þjálfara KR-inga, sem báðir eru með úrvalsmannskap en árangurinn alls óviðunandi.

Merkilegt hvað langlundargeð félaganna í garð þjálfaranna er mikið á þessari leiktíð.

Hólmar Örn: Gengur illa að skora

Athugasemdir

[Kjartan Halldórsson (IP-tala skráð) 19.7.2010 kl. 11:51]

Ég er ekki alveg sammála með Willum. Hann er að gera margt gott, hefur styrkt vörnina mikið. Það er spurning hvort það þyrfti að fá annan þjálfara til að slípa sóknina, því áður voru Keflvíkingar að skora 3 til 5 mörk í leikjunum en fengu á sig helling líka. Nú er eins og sóknin hafi gleymst. Willum er mjög metnaðarfullur og ég hef trú á að hann eigi eftir að finna lausnina á þessu.

Í leiknum í gær fannst mér undarlegt að það var gerð, að mínu mati, ansi gróf líkamsárás á minn uppáhaldsleikmann, Alen Sutej, en ekkert spjald gefið. Sennilega var dómarinn ekki með spjöldin á sér í fyrri hálfleik. Svo spjaldar hann Guðmund Steinarsson fyrir smásnertingu í seinni hálfleik. Alen stóð sig vel í leiknum en var greinilega mjög þjáður eftir þessa árás og haltraði þar til honum var skipt út af í lokin. Þarna tel ég að Blikar hafi fengið smáforskot sem þeir nýttu svo síðustu 20 mínúturnar. Vandinn hjá Keflavík er að þeir hafa frábært byrjunarlið þegar allir eru heilir og enginn í banni (Guðjón Árni var í banni í gær eftir að hafa fengið 2 gul á móti ÍBV, það seinna a.m.k. fyrir ákaflega litlar sakir), en bekkurinn er ekki enn orðinn nógu sterkur til að þeir geti haldið uppi sömu leikgæðum og fyrstu 11 hafa gert. Svo hefur Ómar verið meiddur og ekki getað beitt sér af fullum krafti. Það veikir vörnina talsvert ef aftasti maðurinn er ekki alveg í toppformi. Sennilega byrjaði hann of snemma eftir meiðslin, en hann fær hvíld núna þegar Lasse er kominn aftur. Ég tel bjart framundan hjá mínum mönnum og styð Willum af fullum huga.

Áfram Keflavík!

[Gísli Sigurðsson, 19.7.2010 kl. 22:19]

Kjartan, þú hittir naglann þráðbeint á höfuðið, þetta með Alen var hrein og bein líkamsárás. Hann er búinn að losa sig við boltann þegar hinn annars frábæri leikmaður Breiðabliks Alfreð Finnboga kemur stökkvandi í hann. Þó hann hefði enn verið með boltann var þess tækling algjörlega glórulaus. Alen er mjög prúður leikmaður, sennilega of prúður því hann nöldrar aldrei hvernig sem farið er með hann á vellinum og kannski fær hann minna en annars væri. En allavega eftir þetta brot á honum var hann haltrandi en stóð sig engu að síður mjög vel og pakkaði Hauku Baldvins alveg saman á kantinum. En því er ekki að neita að okkur gengur ekki neitt að skora, 12 mörk í 12 leikjum er ekki ásættanlegt, verðum bara að fá Kristján Guðmunds sem ráðgjafa í svona eina viku eða tvær.