Hvaða spekingur er nú þetta?

Merkilegt að sjá svona ófaglega og hlutdræga yfirlýsingu frá háskólakennara. Ég hélt að slíkir aðiljar yrðu að gæta sín á því að vera hlutlausir í dómum sínum og nota ekki orð og hugtök sem túlka mætti sem afstaða með einum aðilanum gegn öðrum. Orð eins og "þröngur hópur", "ógnað", "erfitt með að vera í ríkisstjórnarsamstarfi", "vill ganga mjög langt" og "vilja fara mjög hratt" eru ekki beint dæmi um hlutleysi.

Af hverju ekki túlka málið eins og það liggur fyrir, þ.e. að lögmæti sölunnar á HS orku (þ.e. hlut Geysis Green) til Magma sé stórlega dregið í efa af VG, og meira að segja stórum hluta Samfylkingarinnar, og að hluti þingmanna VG vilji að sölusamningurinn verði lýstur ógildur áður en það verður um seinan að þ<eirra mati, þ.e. nú 31. júlí þegar greiðsla Magma fyrir hlut Geysis fer fram?

Það er hlutlaus greining á málinu. Í stað þess kemur neikvæður dómur á þennan hóp þingmanna sem vilja ógildingu og það strax.

Er háskólakennarinn, sem leitað er til sem hlutlaus aðili, kannski í hópi eindreginna virkjunarsinna og stuðningmaður óheftrar sölu auðlindanna til útlendinga - og getur ekki leynt því?

Þröngur hópur þingmanna VG ógnar stjórninni