Þvílíkur spunameistari!

Kölski gamli gæti verið fullsæmdur af öðru eins orðagjálfri. Stórtapað á bankanum segir einn stórtækasti bankaræningi allra tíma - og allra landa!!

En ég skil hann vel að sjá eftir Straumi Burðarás. Önnur eins peningamjólkun og þar fór fram er eflaust erfitt að finna. Meira að segja eftir að ljóst var að bankinn væri að fara á hausinn greiddu þessar skepnur sér út arð sem var næstum eins hár og "eignir" þeirra í bankanum voru.

Það sem ég skil ekki er að fjölmiðlar séu að taka viðtöl og láta sjónarmið þessara bankaræningja heyrast. Það á sérstaklega við um þá Björgólfsfeðga. Þeir valsa hér út og inn án þess að nokkuð sé gert við þá, mæta meira að segja á fótboltaleiki og er tekið með kostum og kynjum, meðan aðrir þeirra líkar yrðu umsvifalaust handteknir eða áreittir af reiðum múg ef þeir létu sjá sig.

Og af hverju er enn ekkert gert við þá kauna sem rændu Landsbankann meðan aðrir sæta rannsókn og jafnvel ákærum? Er það til þess að hlífa feðgunum?

Já, það er greinilega munur að vera Thors.

Gagnrýnir einkavæðinguna

Athugasemdir

[Birgir Guðjónsson (IP-tala skráð) 29.7.2010 kl. 08:12]

Ef þeir hefðu komist upp með þetta, væri þá sennilega BESTA fjárfesting sem hann hefði gert !

Sammála því að fjölmiðlar eiga EKKI að vera að segja nokkuð frá þessum mönnum, nema þega að dómi þeirra kemur