Væl í Guðmundi

Oddur er mjög frambærilegur hornamaður - og eflaust betri en Logi í þeirri stöðu.

Guðmundur ætti að líta sér nær og athuga betur stjórn sína á liðinu. Sverrir Jakobsson spilaði t.d. ekki í vörninni langtímum saman, heldur Róbert sem er nú ekki frægur fyrir góðan varnarleik. Það var eins og Guðmundur þorði ekki að skipta milli sóknar og varnar þó svo að Lettarnir væri alls ekki svo fljótir að taka miðju eða fara fram.

Þá lét hann Snorra spila á miðjunni allt of lengi þó staðan væri hræðileg - og Snorri slakur að venju! Furðulegt þetta dálæti þjálfarans á Snorra, meira að segja nú þegar við eigum alveg örugglega mun betri leikstjórnanda.

Aron Pálmarson kom ekki inn á fyrr en í seinni hálfleik, þá kaldur og óupplagður og gerði ekkert gagn. Með Aron í byrjunarliðinu í stað Snorra þá ættum við að geta staðið í Austurríkismönnunum.

„Bætir ekki úr skák“