Er Sjálfstæðisflokkurinn farinn að stjórna þinginu?

Þetta eru virkilega athyglisverð tíðindi og gætu bent til váglyndra veðra. Allir vita hvernig Sjálfstæðismenn hafa bölsótast út í skattahækkanir á þeim hærra launuðu og gert allt sem í þeirra valdi stendur til koma í veg fyrir að það takist að auka jöfnuðinn í samfélaginu. Nú virðist þeim vera að takast ætlunarverk sitt.

Það er hins vegar spurning hverig standi á því að flokkur í stjórnarandstöðu geti ráðið því hvaða mál koma fyrir þingið og hver ekki. Ég hélt að stjórnarmeirihlutinn ræðu því í krafti atkvæðamagns.

Nema þá að Samfylkingin hafa gert samkomulag við stjórnarandstöðuna um að bregða fæti fyrir bandorminn. Ef svo er þá gæti maður átt von á nýjum stjórnarmeirihluta bráðum ...

Gamaldags „skotgrafapólitísklágkúra“?

Athugasemdir

[asdis o. (IP-tala skráð) 30.11.2010 kl. 22:27]

Það sem ég tel mikilvægast í nýrri stjórnarskrá eru skýr lög um kynferðislegt ofbeldi. Samkvæmt konum sem mest vit hafa á kynferðislegu ofbeldi hafa nánast allar konur verið beittar kynferðislegu ofbeldi af einhverju tagi (síðast í dag, til dæmis, sáum við vitnisburð konu sem brotið hafði verið á m.a. með augnaráði sem gaf til kynna að hún væri ekki lengur barn, og setningunni: "þú ert ekki lengur stelpa þú ert kona". Það brot gegn konunni (þessi setning) átti sér stað 11. jan 1986. Það kynferðisbrot sem fólst í augnaráði sem gaf til kynna að hún, brotaþolinn, væri ekki lengur barn átti sér stað þegar brotaþoli var á bilinu 15 til 20 ára - og væntanlega einnig eftir það. Fyrst það er svo að nær allar konur hafa verið beittar kynferðislegu ofbeldi af þessu eða öðru tagi þá gefur augaleið að nær allir karlmenn eru sínkt og heilagt að beita þær kynferðislegu ofbeldi. Samt ganga nær allir karlmenn landsins, já allir þessir glæpamenn lausir! Ég spyr: á það að viðgangast endalaust? Því málið er að kynferðisbrot gegn konum taka á sig svo óteljandi myndir: geta til dæmis verið á þann hátt, eins og við sáum á pressunni í dag, að viðkomandi fremji glæp sinn með því að segja : "þú ert ekki lengur stelpa, heldur kona." Eða með því að horfa á hana með augnaráði sem gefur til kynna að hann, brjótandinn, líti ekki lengur á hana sem barn, heldur sem konu. Þess vegna þarf svo ítarlega löggjöf um kynferðisglæpi gegn konum, þarf lög sem ná til dæmis utan um kynferðisbrot sem þessi.