Önnur möguleg fjáröflunarleið eftir!

Komið hefur fram í fjölmiðlum að sæti 2-7 á HM gefa möguleika á farmiða á Ól 2012.

Ekki beint þó, því þessi lið fá aðeins tækifæri til að leika um sæti á leikunum. Sæti það sem Íslendingar leikur um, 5. sætið, gefur möguleika á að leika í riðli með liði númer fjögur á HM (líklega Svíum) og svo tveim öðrum liðum. Annað er frá Asíu og hitt frá Ameríku.

Ef leikurinn gegn Króötum tapast hins vegar þá verður leiðin á Ól mun erfiðari. Þá lendir liðið á móti liðinu í 3. sæti á HM (líklega Dönum), einu liði frá Ameríku - og það sem verra er - liði frá Evrópu. Það gæti verið lið eins og Pólland, Ungverjaland, Serbía, Noregur, Þýskaland, Austurríki osfrv. Af þessum fjórum liðum fara tvö á ÓL.

Því er til mikils að vinna gegn Króötum! Reyndar getur þetta allt saman breyst ef eitt af liðunum fyrir ofan okkur á þessu móti (HM) verður Evrópumeistari. Þá fer það lið beint á ÓL (heimsmeistararnir fara einnig beint á ÓL sem og álfumeistararnir (Asíu, Afríku, Ameríku)).

Við það færast öll liðin á HM upp um eitt sæti (að ég held). Ísland væri þá reiknað í 4. sæti og fengi að halda undanrásarriðilinn hér heima og af því miklar tekjur.

Þarna er komin enn ein gulrótin fyrir íslenska landsliðið að vinna Króata (sem vonandi vita ekki af þessum möguleika)!

Engar milljónir fyrir Ísland