Flottur úrslitaleikur!

Danir stóðu svo sannarlega fyrir sínu í úrslitaleiknum á HM og sýndu að Frakkarnir eru alls ekki ósigrandi.

Það merkilega við þetta allt saman er að Danir eru ekki með neitt sérstakt lið. Þeir eru að vísu með flotta skyttu fyrir utan (Lars Hansen) og góðan markmann, auk þess sem hornamennirnir standa alltaf fyrir sínu. Aðrir leikmenn eru ekki á heimsmælikvarða. Það er þjálfarinn hins vegar, sem sýnir hvað góðir þjálfarar geta gert fyrir miðlungssterk lið.

Sama má segja um Svíana. Þeir stóðu upp í hárinu á Spánverjum, sem við Íslendingar töpuðum stórt fyrir, og töpuðu aðeins með eins marks mun. Sænska liðið er heldur ekkert sérstaklega sterkt en liðsheildin er góð og þjálfararnir slóttugir.

Íslenska landsliðið hefur kannski ekkii valdið vonbrigðum hvað úrslitin varða, sjötta sætið, en frammistaðan í síðustu fjórum leikjum (fjögur töp) verður að telajst mikið áfall eftir góða byrjun (fimm sigra).

Ég vil kenna þjálfaranum um þetta. Hann hélt áfram að keyra á sama mannskapnum allt mótið í stað þess að nota alla leikmennina eins og hin liðin gerðu. Þetta varð mjög áberandi þegar á leið og náði ráðaleysið hámarki í síðasta leiknum þegar allar hugmyndir voru þurrausnar.

Ef við ætlum okkur eitthvað með þetta landslið í framhaldinu, við stöndum illa að vígi í undankeppni EM, þá verðurm við að fá nýjar hugmyndir - með nýjum þjálfara.

Annars er hætt við að við drögumst aftur úr og komumst hvorki á EM eða Ól., eins og hlýtur að vera stefnt að í nánustu framtíð.

Frakkar heimsmeistarar

Athugasemdir

[Þórarinn (IP-tala skráð) 30.1.2011 kl. 22:04]

sammála þér. þó gleymdirðu Mikkel Hansen, markahæsta manni mótsins, nema þú hafir stafað nafnið hans vitlaust. skiptir ekki svo miklu máli, danir voru frábærir á þessu móti, greinilegt að heimavöllurinn hjálpar en samt þeir hafa frábæra einstaklinga eins og Landin í markinu sá verður besti markmaður heims innan tíðar spái ég. svo og Lars Christiansen sem er hornamaður einn sá besti í heimi í sinni stöðu. það má segja að danir, svíar og við séum sviðuð lið svona stemmings-lið. ef allt fellur með þá ná þessar þjóðir langt en breiddin hjá okkur og þessum liðum sem ég ber okkur saman við er svipuð, þ.e. frábært byrjunarlið en varamenn aðeins á eftir. ef við ætlum að gera kröfu á titil þá verðum við að bæta breiddina og/eða keyra á fleiri mönnum út mótin en bara byrjunarliðið því það koma upp meiðsli og líka það að menn spila ekki heilt mót vel, þá verðum við að eiga jafn-góða menn á bekknum. mín spurning er því sú í ljósi þess hvað varamenn spiluðu lítið, eru varamennirnir okkar ekki nægjanlega góðir? ef svo er afhverju voru þeir ekki notaðir þá?